Purtata dapoi un pezzu da i muvimenti è partiti naziunalisti, a brama cuntenuta in quelle trè parolle hè oghje in bocca à tutti. Quale hè chi ùn hà parlatu di u populu corsu dapoi unepochi d’anni ?
I pulitichi, guasi ognunu, basta à vede i prugrammi di l’ultime elezzioni ; l’artisti, ne facenu a so spirazione, à sente li ; i spurtivi, tutti i ghjorni si rallegranu di scumbatte per « u populu corsu ». Ultimamente, u presidente di Reims (chì hà fattu un culpacciu à u Sporting...) s'hè scusatu : "Je n'ai pas voulu heurter le peuple Corse, mais je ne voulais pas être le bouc émissaire après leur finale".
A cunfusione pare tutale, ancu s'ellu hè per parlanne in bè (Didier Tholot in So Foot) :
I pulitichi, guasi ognunu, basta à vede i prugrammi di l’ultime elezzioni ; l’artisti, ne facenu a so spirazione, à sente li ; i spurtivi, tutti i ghjorni si rallegranu di scumbatte per « u populu corsu ». Ultimamente, u presidente di Reims (chì hà fattu un culpacciu à u Sporting...) s'hè scusatu : "Je n'ai pas voulu heurter le peuple Corse, mais je ne voulais pas être le bouc émissaire après leur finale".
A cunfusione pare tutale, ancu s'ellu hè per parlanne in bè (Didier Tholot in So Foot) :
![U "peuple bleu" hà rimpiazzatu u "populu corsu" ? U "peuple bleu" hà rimpiazzatu u "populu corsu" ?](https://www.wmaker.net/apiazzetta/photo/art/default/7703176-11917737.jpg?v=1429600499)
Ma forse si parla di questu quì ?
![U "peuple bleu" hà rimpiazzatu u "populu corsu" ? U "peuple bleu" hà rimpiazzatu u "populu corsu" ?](https://www.wmaker.net/apiazzetta/photo/art/default/7703176-11917810.jpg?v=1429600499)
Si vede difatti propiu bè ch'ellu ùn s'hè mai parlatu cusì vulinteri di quellu populu. Ma avà chi ì naziunalisti ùn sò più i soli à parlà ne, cumu pudemu esse siguri chì ognunu hà listessa capiscitura di sta lucuzione ? Serà u listessu u populu corsu di e rivindicazioni di u 70, è quellu di i pulitichi « cursisti » più o menu in mancanza d’idee ? Forse ci serà qualchi cunfusione.
D’altronde, induve si pò vede, stu populu corsu ? Ultimamente, a mossa più tamanta di ciò chì s’assumiglierebbe à un populu hè stata per u Sporting. Ore, ghjurnate sane di coda, d’attesa, tramutera di l’atru mondu in Parigi per difende è purtà i culori di u SCB è dunque di a Corsica.
Ci seria un altra causa capace d’infiarà stu paese di manera cusi intensa ?
D’altronde, induve si pò vede, stu populu corsu ? Ultimamente, a mossa più tamanta di ciò chì s’assumiglierebbe à un populu hè stata per u Sporting. Ore, ghjurnate sane di coda, d’attesa, tramutera di l’atru mondu in Parigi per difende è purtà i culori di u SCB è dunque di a Corsica.
Ci seria un altra causa capace d’infiarà stu paese di manera cusi intensa ?
![U "peuple bleu" hà rimpiazzatu u "populu corsu" ? U "peuple bleu" hà rimpiazzatu u "populu corsu" ?](https://www.wmaker.net/apiazzetta/photo/art/default/7703176-11917854.jpg?v=1429600908)
Forse vale à dì chì u populu corsu hè diventatu u già famosu « peuple bleu ». Quandu si vede chì u Statu francese ùn vole sempre mancu sente l’odore di u fattu storicu corsu, chì u cuncettu di populu corsu hè da partuttu in pulitica ma pocu à palesu per sti carrughji, allora forse si pò capisce chì a ghjente si cerchinu un sonniu cullettivu. È « u populu turchinu » ne pò esse a fiura.
Ma cosa ci firmerà di stu populu, passati i ghjucadori, cuntentati l’arbitri, ingullite e scunfitte ?
Ma cosa ci firmerà di stu populu, passati i ghjucadori, cuntentati l’arbitri, ingullite e scunfitte ?