![U lagu di Melu in perìculu ? U lagu di Melu in perìculu ?](https://www.wmaker.net/apiazzetta/photo/art/default/1545525-2064910.jpg?v=1289514958)
In una intervista à Corse-Matin, Martial Lacroix parla di u prublema di a frequentazione di certi lochi in muntagna.
Frà i più cunnisciuti (perchè assai faciule à ghjunghjeci) ci sò i laghi di Melu è di Capitellu. Circa 2 000 persone à ghjornu in sta stagione !
Purtantu, ùn ci hè ambiu più dilicatu ch'è l'alta muntagna corsa. Imaginate ciò ch'elli ponu fà 2 000 turisti in un situ cusì sensìbule, senza tene contu di e règule elementarie di rispettu di a natura.
Ùn hè micca quistione d'accusà i fresteri, chì certi Corsi anu poca primura di a natura, è si e piste ci ghjunghjianu, sarianu i primi à facci u quad, u jet o a moto !
Allora ? À quandu una presa di cuscenza di i Corsi (ùn si parla mancu di l'eletti...) di a preservazione di l'ambiu è di i lochi dilicati, nanzu à u sviluppu ecunòmicu ?
Frà i più cunnisciuti (perchè assai faciule à ghjunghjeci) ci sò i laghi di Melu è di Capitellu. Circa 2 000 persone à ghjornu in sta stagione !
Purtantu, ùn ci hè ambiu più dilicatu ch'è l'alta muntagna corsa. Imaginate ciò ch'elli ponu fà 2 000 turisti in un situ cusì sensìbule, senza tene contu di e règule elementarie di rispettu di a natura.
Ùn hè micca quistione d'accusà i fresteri, chì certi Corsi anu poca primura di a natura, è si e piste ci ghjunghjianu, sarianu i primi à facci u quad, u jet o a moto !
Allora ? À quandu una presa di cuscenza di i Corsi (ùn si parla mancu di l'eletti...) di a preservazione di l'ambiu è di i lochi dilicati, nanzu à u sviluppu ecunòmicu ?