Sundame municipali di Bastia : Zuccarelli à 46%, Simeoni à 10, Talamoni à 7

Tuttu Bastia ne parlava, è ognunu avia i so sciffri. À sente à l'unu è à l'altru, ognunu facia una bellissima elezzione. Ma eccu, hè esciutu u famosu sundame fattu pè Corse-Matin :

Zuccarelli 46
Chiarelli 17
Albertini 13
Simeoni 10
Talamoni 7
Baccarelli 4
Baron 2

Di siguru, ci vole à arricurdassi chì à e legislative in 2002 Vendasi hè statu datu sott'à 10 allora ch'ellu hà fattu più di 25%. À e municipali di 2001 hè Marie-Jean Vinciguerra chì hè statu dilusu, datu à più di 10 era in fattu belu sottu...

I sundami ùn sò ch'è una fottografia, à un mumentu datu di qualchì parsona chì vole sprimesi. À sapè si a so scelta hè definitiva è sì i interrugati dicenu a verità. Paura di rapresaglie ? Vuluntà di tene u so votu secretu ? Ci hè spessu una sfarenza cù u risultatu finale.

Stu sundame, tutt'ognunu in Bastia l'aspettava. Serà cuntestatu da quelli chì si vedenu più in altu, invece chì pè Zuccarelli è i so partigiani forse ne tireranu prufittu.

Chì serà u so effettu nant'à u votu ? Cumu serà interpretatu da i Bastiacci ? Cumu ne teneranu contu ? Difficiule à dì.

Bisognu à rilativizà. U veru votu, serà i 9 è 16 marzu à vene !

In tantu, date puru u vostru parè, lasciate i vostri cummenti custì sottu !