Stadiu di Furiani : averà da durà assai a cumedia ?

U custatu hè semplice è ùn merita cummenti supplementarii. 15 mai 1992, face dunque 16 ANNI chì Bastia aspetta qualcosa chì in u restu di l'Auropa pare esse normale : un stadiu.

Allora, a colpa di quale ? L'eletti chì ùn si movenu ? O l'intraprese di u BTP chì s'empienu e stacche nant'à una catastrofa chì hà custatu a vita à 18 persone ? Forse i dui à tempu...

U pocu di stadiu ch'è no avemu hè custatu millioni. Ùn hè ancu finitu è u pocu ch'ellu ci hè, hè statu malfattu è parte digià in pezzi.

Per sprime u so schifeghju, i sustenidori anu surtitu i striscioni induv'ellu si pudia leghje :

"Marchés surfacturés, dirigeants muets, élus complices : Bienvenue en Corse"
"La 'SUD' : bienvenue dans le Tiers Monde"
"Un stade à Bastia : Le conte d'Emile et une nuits"

Una cosa hè sigura, a cumedia hè partuta pè durà torna parechji anni è si ritruveranu sempre listessi eletti à e listesse piazze...

I ritratti sò stati pigliati nant'à u situ officiale di u SCB.