In Aghjacciu ùn si ni bramaia più. I ghjesgii si ghjerani carcati di cirosi impicciati. Tutt'ugnunu a sapia ch’avìani piddatu bateddi, vulenti è chì n’a socu (omu dici chì ci sò novi linei in elicotteru cù a cumpanìa Corseus). Ma, ùn ci voli à spiicà la comu, i turisti si ghjerani persi trà u portu è a piazza di a merrìa. Raël avìa prupostu di vena à fà si merri è parà ci da l’annochju. Ùn c’era più nimu, trà i nosci patroni, à fà u spaddichjimi n’u corsu. Napuliò ghjera in dolu. Una stracciatura di u spaziu è di u tempu t’avìa purtatu i tourichti, pà ‘ssi Purtivechju, Purticciu, o peghju ancu, in i campeggi. In Corciu-Matin, n’a pagina aghjaccina, ùn si truvaiani chì annunzii « cherche pinzuti désespérément pour leur vendre mon figateddu en mousse ». Solu Mamadù, u mazzeru-medium di ceppu lucali (sarìa un fiddolu Colonna) facìa i solda, à rombu di venda grìgrì à i marcanti di brocciu passu aghjaccini.
Ci voli à capì chi’ssi puvaroni di francesi sò cusì imbalurditi dipoi un’annu di Sarkunarìa ch’ùn spendini più un danaru sanu. Ma ditemi, à chì ghjuva di ferrà in Corsica aienti ancu più povari di noì ? Cù noscu vulemi Ghjuvannu Reno (di Rennu ?), Cristianu Clavier (Tastera ?), ò Filippu Gildas (…lacami corri pà ‘ss’ultimu a cummunità di distinu ùn pò accodda ugnunu, l'hà ditta Paulu Quastana).
Aspittendu, n’Aghjacciu, si vedi quissu baddu stranu : a cità ùn campaia, fin’à'ssa simana, fora di l’ingiru di i supermarcati. Chì quissa, essa marcatoni di merda, ci ni sò ! Trè volti di più chì u numaru accittatu dàaa legi pinzuttesca. Inveci, ‘ndrenti bars, pub, è chjuchi negozii, umbeh, chì straziu pà truvà l’omi in bob è sandaletti à calzetti !
Hè cusi u turismu ughjincu : di più turisti povari chì si ni vani à cumprà robba di francia à i negozii ch’ùn ghjuvani à a noscia ecunumia...stranu u sviluppu. À noi, ci va comu a sella à u porcu… E induvineti quali sò chì n’ani da ghjuvà ? S’hà dà custruì un novu marcatu sopra u situ archeulogicu di San Ghjuvanni, mentri chì i scavi si sò bastati à i primi scuperti.
Mà comu sarà chì u Statu lacarìa custruìscia dapartuttu Casinò, cruciata (eh...Carrefour !), sopra U, è chì n’a socu (comu si dici spar in corsu ?),mentri ùn lacani più aprì i bar dopu dui ori, comu in Francia? U statu di dirittu istaddatu da Bonnet ùn ghjè u stessu pà tutti?
È dopu ci diciarani i nosci capizzoni chì u sviluppu hè una furtuna pà tutti ! Aspittendu sò ghjà cinqui i negozii chi chjudini cust’annu n’u centru di a cità. È u valsu principia solu.
Ci voli à capì chi’ssi puvaroni di francesi sò cusì imbalurditi dipoi un’annu di Sarkunarìa ch’ùn spendini più un danaru sanu. Ma ditemi, à chì ghjuva di ferrà in Corsica aienti ancu più povari di noì ? Cù noscu vulemi Ghjuvannu Reno (di Rennu ?), Cristianu Clavier (Tastera ?), ò Filippu Gildas (…lacami corri pà ‘ss’ultimu a cummunità di distinu ùn pò accodda ugnunu, l'hà ditta Paulu Quastana).
Aspittendu, n’Aghjacciu, si vedi quissu baddu stranu : a cità ùn campaia, fin’à'ssa simana, fora di l’ingiru di i supermarcati. Chì quissa, essa marcatoni di merda, ci ni sò ! Trè volti di più chì u numaru accittatu dàaa legi pinzuttesca. Inveci, ‘ndrenti bars, pub, è chjuchi negozii, umbeh, chì straziu pà truvà l’omi in bob è sandaletti à calzetti !
Hè cusi u turismu ughjincu : di più turisti povari chì si ni vani à cumprà robba di francia à i negozii ch’ùn ghjuvani à a noscia ecunumia...stranu u sviluppu. À noi, ci va comu a sella à u porcu… E induvineti quali sò chì n’ani da ghjuvà ? S’hà dà custruì un novu marcatu sopra u situ archeulogicu di San Ghjuvanni, mentri chì i scavi si sò bastati à i primi scuperti.
Mà comu sarà chì u Statu lacarìa custruìscia dapartuttu Casinò, cruciata (eh...Carrefour !), sopra U, è chì n’a socu (comu si dici spar in corsu ?),mentri ùn lacani più aprì i bar dopu dui ori, comu in Francia? U statu di dirittu istaddatu da Bonnet ùn ghjè u stessu pà tutti?
È dopu ci diciarani i nosci capizzoni chì u sviluppu hè una furtuna pà tutti ! Aspittendu sò ghjà cinqui i negozii chi chjudini cust’annu n’u centru di a cità. È u valsu principia solu.
A Corsica dice à vedeci à Edmond
