A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

Satanassu ghjunghje in Corsica

In u 2013, u Tour de France parterà da Corsica. Hè digià una nutiziaccia. In più di quessa, ci serà ancu u diàvule...



Satanassu ghjunghje in Corsica
U sunniacciu cuntinuveghja. Passemu nant'à u fattu chì una cumpetizione chjamata "Tour DE FRANCE" passessi in Corsica.

Passemu nant'à u fattu chì st'evenimentu serà a più forte cuncentrazione di drugati è di doppati. Iè, ancu di più ch'è u Festival du Vent è Calvi on the Rocks.

Passemu nant'à u fattu chì u Giru ci purtertà unepoche di croce, cum'è Gérard Holtz è Patrick Montel, i peghju giurnalisti spurtivi di u mondu.

Passemu nant'à "la caravane du Tour" cù e so cunnerie di vitture publicitarie.

Passemu chì in u ciclisimu, piglianu tanti prudutti chì a più forte di u mondu, Jeannie Longo hà 50 anni passati è chì quist'annu Greg Lemond puderia vince.

Nò, u peghju hè chì un individu satanicu appena stranu seguita u Tour tutti l'anni. U cunniscite, si vede sempre à a telè. U so nome : Didi Senft è hè sempre vestutu cum'è un diàvule. Face u pazzu è corre cum'è un tontu à cantu à i ciclisti.

A Corsica cuntinuveghja d'infagassi in u satanisimu.

Dunque, a ghjente hà da vene per vede què :
Satanassu ghjunghje in Corsica

Satanassu ghjunghje in Corsica

Satanassu ghjunghje in Corsica
Et vive le sport sur Antenne 2 !

u 26 di Nuvembre 2011
U Sgaiuffu



1.mandatu da Bernard Cazzoni u 26/11/2011 12:32
cum'è cristianu corsu, so stumacatu ! chjamu à tutti i mo fratelli cristiani pè impedisce què.

2.mandatu da u miumese u 26/11/2011 13:10
Hè vera, chì vergogna ! Ci vuleria à caccialu subitu quandu ellu metteria un pede fora diu batellu (o di l'aviò) ! A scusa : "vous n'avez pas vos papiers" !

3.mandatu da Ghjà u 26/11/2011 14:35
Torna un' agressione a i valori di a nostra Corsica !

4.mandatu da Ghjà u 26/11/2011 14:36
Saria ora di pensà à rilancià a Santa Inchisizione

U PALU PÈ L'ERETICHI

5.mandatu da Belzebuth u 26/11/2011 14:56
Ci vuleria a tazzà stu diavule di merda per mette un diavule corsu a a so piazza.

Un vuluntariu per fa u diavule in cagoule ?

6.mandatu da Capia u 26/11/2011 15:07
u peghju, e chi ,avemu dà esse prisente pà fà i circataghji pà 2 ballotti di cochonou o haribot ch'elli ti lampanu ! Simu fritti .

7.mandatu da Peppone u 26/11/2011 15:57
Forse chi lasciarenu cullà nant'à qualchi carrozzu...

8.mandatu da birk u 26/11/2011 20:02
chi connu issu diavule, averia pussutu mette altr'affare che e birkenstock

9.mandatu da Mare nostrum u 26/11/2011 21:43
Cochonou Haribot !!!ma chi so Sté cunerie !!
Satanassu daccordu se hé corsu ma u restu fora !!!! !!!!!!!!!!!!!!
E Allora lustucru un vole manca vede !!!!!O madona !!!!! O diu

10.mandatu da ANTO u 27/11/2011 01:47
Un ci vole micca a critica tuttu ,forse chi u "cochonou" hè piu sanu e piu bonu che e salcicce corse fatte in China !Un ci nè femmu pè i valori di a Corsica c'hè ogni ghjornu unu o due morti a fucilate !
http://blog-anto.be

11.mandatu da Circinelludiguagnenativupeliguagnesusosanguavirsatu u 27/11/2011 07:53
O figlioli ! Tutte ste strade nove ! Tuttu ssu catramu neru neru, ssi muri bianchi... É e telè di u mondu sanu pà filmà ;)
I vinditori di pittura facini digià entre u matiriale in grossu !!!

12.mandatu da ghjuvanni u 27/11/2011 09:02
o ghjenti a leghjé i vostri cumenti un si farii nunda in corsica

13.mandatu da Circinelludiguagnenativupeliguagnesusosanguavirsatu u 27/11/2011 16:51
iè... Bombages !

14.mandatu da Ulongu u 27/11/2011 17:39
Arristate à pena di criticà tuttu ! Un hè micca a prima volta ch'è u giru di Francia parte fora di e so fruntiere ( Ollanda, Italia, Belgica...). E perchè micca una vittura di a piazzetta ind'a caravana ? Nera è bianca di sicuru (ma micca un 4x4 o allora un lada bellu puzzicu).

15.mandatu da Talavesu u 27/11/2011 23:18
Si po fa altru ca questi in Corsica.ci volenu metta a male,a quandu a gay parada?

16.mandatu da or diavule u 29/11/2011 16:24
Lampu una chjama a tutti i cacciatori ch'imbrutanu a corsica lescendusi tutti l'anni centinaie di millaie di cartucci frusti in muntagna inde a machja pe e fureste e i stagni di mette altr'e tanti chjodi nant'a strada induv'elli passeranu cu e so bissiclette.

17.mandatu da Ahmed Zavìa u 11/12/2011 13:58
Forse ùn sarà micca u primu curnuttu à dàssi in spettàculu anant'à e vìe isulane...

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city