A Piazzetta, blog in lingua corsa - blog en langue corse / apiazzetta.com informations, actualité of corsica

ATTUALITÀ CORSA

FUTBOL

BETTUNIZEMU

MAGAGNA

CULTURA

SUCETÀ

VIDEO

GIURNALE

CUMU SI DICE...

CUNTATTU / PUBBA

Accolta > ATTUALITÀ CORSA

Rigalate un quad pè Natale... è sbundate tuttu

L'autodestruzzione serà una specificità corsa ? U situ di l'associu U Levante mette u ritrattu d'un anticu chjassu in Bunifaziu, nanzu è dopu à u passagiu di i quads... Et qui on est ?

In Corsica avemu un prublema cù u nostru patrimoniu è i nostri chjassi, a sapemu. V'arricurdate di u chjassu bettunizatu in Bisinchi ?

Sta volta semu in Bunifaziu. U situ di U Levante mostra u ritrattu di a ricciata chì và in Oriu. Si passa di cummenti. U primu hè statu pigliatu in u 2005, l'altru in u 2011.

Pare ch'elli sianu ghjunti Attila, Gengis Khan è Godzilla à tempu.

Quad, trial, è ghjente chì s'arruba e petre (per mette in giardinu ?) sò passati pè sti lochi.

Ci piace à difende u nostru patrimoniu, ma semu i più forti pè sbundallu dinù...

Rigalate un quad pè Natale... è sbundate tuttu

u 21 di Dicembre 2011

U Webmaestru

Accueil

Envoyer à un ami

Version imprimable

1.mandatu da u miumese u 21/12/2011 13:46

Et qui on est ?

2.mandatu da Arcanu u 21/12/2011 14:31

"et qui on est ... ?" un populu di closcie ...

3.mandatu da Catone u 21/12/2011 15:18

Images parlantes et d'une tristesse sans nom.

4.mandatu da U Palatinu u 21/12/2011 15:48

Hè addisperante.
Addisperante da veru !
In ogni latu ch'e giremu u nostru sguardu, hè per caccià u velu di l'ignurenza chì ci piattava fin'à tandu tutte e gattive nutizie.
Spessu mi pare chì u mondu oghjincu và sempre di più, viaghjendu nant'à una strata scema chì u cunduce à caternu senza nisun cuntrollu, cume s'e e forze e più nifaste avianu pigliatu a suprana nant'à a vulintà di benestà.
Puru fermu cunvintu ch'e e gattive cose sò sempre state, è s'elle parenu accelleràssi in a vita attuale, hè sopra tuttu per via di l'accellerazione di i medii di cummunicazione.
Ma micca solu. Incù u sviluppu di u spiritu individualista, in u mondu sanu (è micca solu in Corsica), e cose ùn ponu ch'impeghjisce, senza mancu parlà di a crescita di a populazione mundiale in un mondu chì ùn cresce micca in superficia, assuciata à una ripartizione sempre più inghjusta di e richezze di stu mondu, duve l'inghjustizie facenu nasce un muscu di rivolta in ogni locu duve pichja u più forte a dittattura di l'infamia contr'à u populu. È sempre di più, u battellu si sprufonda, senza ch'e no sapessimu cosa fà, ancu s'e sapemu perchè.
In Corsica, in particulare, u casticu attuale si prisenta sott'à a forma di l'abbandonu di l'Anima Corsa, incù u spupulamentu di tanti paesi, à u pruffittu d'una cuncentrazione sempre più forte in e cità, o i sistema pericitatini, per impiegà una parola cusì à a moda di a situazione ughjinca. È cusì tuttu l'arte di i nostri Anziani si ne parte in fulena, quante s'arruvina a vulintà è a sperenza.

Ultimamente, aviu scrittu, nant'à u mio bloggu, un articulu vulintariamente esageratu, ch'avia chjamatu i[U sindromu Kaltenbrunner in u quale mettiu in evidenza a nostra rispunsevulità cummuna à noi tutti (eiu dinù), è dopu à u quale m'aspettava à un ventu di risposte, sicramente negative, forse ancu inghjurie, chì u tonu di u mio articulu era vulintariamente pruvocatore, ma senza nisun successu.
Cum'ellu a dicia cusì bè u gran Martin Luther King, hè peghju u silenziu di i bravi ch'e l'atti di i gattivi.
Ma cosa fà ?
Ùn a sò manc'eiu.

http://cumpalliols-in-corsu.over-blog.com
http://siti-e-blogghi-corsi.over-blog.com

http://appuntamentu-corsu.forums-actifs.net

5.mandatu da U Palatinu u 21/12/2011 17:09

Scusate chì mi sò sbagliatu.
U ligame versu l'artivulu U sindromu Kaltenbrunner hè quessu

http://appuntamentu-corsu.forums-actifs.net

6.mandatu da U vomitu!! u 21/12/2011 18:18

http://www.corsematin.com/article/faits-divers/ajaccio-attente-de-compassion-apres-un-vol-odieux.539481.html
U péghju è ancu à vène !!!!!

7.mandatu da Alexferox u 21/12/2011 20:12

Ai raggio u peghju ghje a vene incù a crisa chi serà di piu in più dura, e rilazioni trà a ghjente di più in più pauruta e i vechji riflessi di u ciarbellu reptilianu di più in pim numerosu...
Tandu si capiscera forse chi una civilisazione si cunstruiscie cù ghjustizia e spartimentu, micca nant'a passione di u soldu e di l'ognunu per sè !

8.mandatu da In vino veritas u 21/12/2011 22:22

Quads, beienda, pistole, arrubecciu è droga... Eccu a Corsica d'oghje... Simu lecchi a vi dicu.

9.mandatu da J G u 22/12/2011 06:53

In corsica d'oghje ci sô i sgariuffi moderni : calci in culu a tutti quessi .
Chi Natale per magia
A tutti quessi li dia
calci in culu a vuluntà
e ghjudiziu in quantità
Pe ssu chiassu abandunatu ringraziemu u so dinunziu chi cusi i rispunseuli di ssu lascia core ferranu cio chi ci vole a fà .
Dunque a ringrazià l'associu di u Levante e a Piazzetta .

10.mandatu da Mare nostrum u 22/12/2011 10:53

Chi piace per u nostru patrimoniu!!!

11.mandatu da Ulongu u 22/12/2011 11:54

Chì a ghjente s'arrubbi e petre ùn ci credu tantu chì pesanu (è po sò più belle quelle in polystyrène). Di tutte manere a dice u pruverbiu : "À chì mura fura".
Per u restu hè vera chì ghjè d'una tristezza infinita di vede lochi chì anu dumandatu tanti sforzi à tutte ste generazione chì tutti l'invazori anu dettu pocu purtati da u travagliu (chì ne seria statu s'ellu fussinu stati travagliadori).
Ma ùn sò micca sicuru chì Bunifaziu sia veramente in Corsica.
I veri corsi a puderanu fà una cosa simule ?

12.mandatu da Pumata u 22/12/2011 14:42

Mi ramenta qualcosa: "500 connards sur la ligne de depart 500 connaux sur leur moto..."

13.mandatu da ledoc u 22/12/2011 20:23

Ha raghjo u Palatinu, un ci hé piu un palmu di nettu!
Intesu a l'apperitivu in un caffe, storia vera: In postu in una battuta a u cinghjale, unu ha tombu vuluntarmenti un ghjattu-volpi!
D'altri u si so pigliatu, l'hanu spiddatu et cuntaiani di manghja lu!
Un vi dicu micca u locu! M'avvargugnieghja...
No comment!

14.mandatu da mijagavignanica u 22/12/2011 23:20

Nù a sa nimu Palatinu !!! Ma e vera chi no diventimu di peghju in peghju disgrazziati chè no simu. Bon Natale quantunque

15.mandatu da Pertusatu u 23/12/2011 01:03

U llongu, un sò miccà induve sì, ma ind'e tè, ladri un ci n'hè.... Ci vole à esse Di bunifaziu pa arrubà... Ind'e l'altri paesi, quandu lasci i to soldi annant'a to finestra a sera, ci so sempri à mani... Ci deve esse tamante case un bunifaziu, parchi petre mancanu abbanstanze in tutt'a corsica. Di sicuru, u to paese hè più corsu di l' altri, un s'arruba mai nunda. Quantuque, à bona sera à tutti.

16.mandatu da moderato ma non troppo u 23/12/2011 14:13

o lungò, chì vole dì " veri corsi"? U corsu, disgraziatu à ellu, hà listessi difetti chè tant'altri populi. L'affare ùn hè micca di criticà i cumpurtamenti individuali, ma di piglià un'antru versu, cullettivu, è di turnà à mette in ballu valori, lingua, rispettu, . Iè, chì vulerà dì "rispettu" oghje ghjornu quì?

17.mandatu da U Palatinu u 24/12/2011 09:53

Forse stu missaghju vi sembrerà straniu, ma vogliu ringrazià tutti quelli chì sò d'accunsentu cun mè.

http://appuntamentu-corsu.forums-actifs.net

18.mandatu da Circinelludiguagnenativupeliguagnesusosanguavirsatu u 24/12/2011 10:14

Mi scusu, ma u prublema ùn hè micca u quad !!!
Départir ti ci sò i carughji fatti à sassi, volti dà Roma duva ogni piazza, ogni via hè "sassata" !
Ma sò intratenuti...!
Sta fottò di u levante hè abbastanza demago: quali hè u culpevule ? Quiddu chi si prumena, ancu in moto (dà po quandu à moto hè u diavuli?), o à municipalità ch'ùn si accupa micca Di i sò chjassi è Di u sò patrimoniu ?
Metta à pari dui fotto à 6 anni Di distanza, par me, mistral u fallu di e municipalità.
Vuleti un patrimoniu sous cloche, o closcie ?!
U passu Di i cavaddi danighjava dinò i chjassi ma ci érani la ghjenti pà rifalli !

19.mandatu da Circinelludiguagnenativupeliguagnesusosanguavirsatu u 24/12/2011 10:22

"départir ti ci sò" ... Dapartuttu ci sò :)
"mistral"... Mostra !

Accidenti a scrittura automatica :)))

20.mandatu da Massimu u 25/12/2011 14:25

Ié, ma i mutori, sò cum'è l'arme, facenu parte di l'attirail tipicu di u veru corsu gattivu di a machja cù a millet è u sguardu azzezu.
Peccatu chì sta ghjente ùn sippia capace à ricunnosce u ritondu, l'oru o u cintu passendu per'di strada, ben'ch'elli sippianu tutti più corsi chè l'altri perchè facenu rimore cù i so mutori.

21.mandatu da Corsican Petroleum u 25/12/2011 14:30

+10000. Bravu Massimu.

22.mandatu da Circinelludiguagnenativupeliguagnesusosanguavirsatu u 26/12/2011 08:33

Forse... Ùn vi piacini micca i mutori... Va bè, possu capì stu linguaggiu d'indiani, a natura regina, les mânes des ancêtres, a mama tarra...
Ma ùn vu scurdeti micca di à respunsabilitâ Di e cumune, di e merie !
Quandu un ponte di petra hè sbundatu in Aucciani, quandu un chjassu hè lasciatu à l'abbandonu in Bonifaziu, quandu i bastimenti storichi di u Diamanti sò distrutti in Aiacciu : sò e municipalità e prime rispunsevule ! Un caminu in 6 anni si sdrughje ancu senza quad !

Novu cumentu :