mafia, brise de mer, bdm, corse, corsica, itw, interview, milieu, banditi
Sbanditu John Lennon avia dettu chì i Beatles eranu più famosi chè Ghjesù Cristu. A vi pensate voi chì a Brise de Mer hè più famosa chè Napuliò o chè u Sporting ?
BDM Chì munta sega stu John Lennon! Ciò chì vi possu dì, ghjè chì in certi lochi, a BDM hà una fama più impurtante chè i Beatles… In quantu à Napuliò, cunniscimu tutti a passata firmata per pruverbiu di a Berezina. Per contu nostru, s’è ùn simu micca più famosi chè Napuliò, a mi pensu chì ci sbrugliemu megliu chè ellu…
Sbanditu Cumu spiegate sta fama internaziunale ?
BDM Hè difficiule da analizà. À l’iniziu, ci hè quantunque un sapè fà lucale, corsu. Ancu s’è i banditi si scrivianu in un antra dimarchja, simu i so figlioli, quant’è i figlioli di i Corsi di Marseglia. Stu sapè fà, sò elli chì ci l’anu trasmessu eppò, ci simu adattati à l’evuluzione ecunomiche è tenniche.
Sbanditu Dunque site un partigianu di a teuria di l’evuluzione di Darwin. Ùn ci cridite à u creaziunisimu ?
BDM Ùn si diventa malfattore in quattru è trè sette ! Hè cum’è per tuttu, ci vole à seguità una furmazione di SM, Scenze di e Malfatte à l’UDC, l’Università di u Carrughju. Per u più, si tratta d’esercizii di terrenu. A furmazione hè assai pratica. Arrubecci per principià eppò diversificazione di l’impegni mafiosi : droga, discutecche, immubiliare è cummerci di tutte e mamme ! Ùn simu cugnumati « u polpu » ?
Sbanditu Site appena schizò, cum’è u Duttore Jekyll è Mr Hyde…
BDM Iè, simu alchimisti. A ci pruvemu di valurizà a nostra faccia bella d’omi attempati, in collu biancu, tuttu puru fendu sapè chì simu gattivi è pronti à tuttu… Ùn vi scurdate chì senza noi, l’ecunumia sarebbe in manu à mafiosi ! Simu paisani noi ! S’è v’avete bisognu d’un impiegu, d’un sustegnu, d’un colpu di manu o ancu d’una manata di soldi, simu quì. Si pò dì chì simu una securità suciale à l’usu corsu. A sulidarità, ghjè a Cosa Nostra…
Sbanditu Forse ma st’ultimi tempi, « l’usu corsu », ghjè a vindetta. Parechji sò cascati è nunda ci lascia pensà chì l’assassinii s’anu da piantà…
BDM Quandu pensu chì certi rachjanu dicendu chì i nostru soldi, l’avemu arrubbati ! Mi dà a volgia di rende quandu pensu à tutti i m’amichi chì sò morti. « L’argent facile » ùn esiste micca. Hè un illusione. In più di quessa, u marcatu di a mafia si chjode pianu pianu postu chì tene digià tuttu! Hè cusì. Hè un evuluzione suciale. Arrubbecci interessanti, ùn ci n’hè più. In quantu à a droga, hè un cummerciu cusì suldaghju chì ci truvemu una cuncurrenza accanita per via di a mundialisazione.
Sbanditu Di modu generale, pare chì per voi, l’affari sò in francese. À chì piglia a machja, à chì ghjè in prigiò, à chì si face tumbà. Ma chì si passa ?
BDM Capiscu a vostra analisa. Ma s’è ùn andemu micca in prigiò, diceriate chì fratellemu incù a ghjustizia. Di listessa manera, s’è ùn ci feciamu micca stinzà, averiate dettu cun irunia chì simu i rè di a Corsica è s’è ùn pigliavamu a machja averiate dettu chì simu finochji o vechji mafiosi burghesi ! Sò quessi i sciali di u nostru travagliu. U peghju, ùn hè micca què ma a chjusura di certi marcati.
Sbanditu Iè ma vi ferma quantunque u bastimentu ! A petra, ghjè u valore sicuru di l’anni à vene. Guardate chì in Bastia, u m² ùn costa chè trà 2500 è 4000€. In pettu à i prezzi purtivechjacci, ci hè una marghjina di prugressione tremenda ! Megliu, in Monacu, u m² costa 30000€ !
BDM Sicura ma u troppu stroppia è ind’è u nostru « milieu », quandu si stroppia, si tomba… Hà da vene u PADDUC per apre unepoche di spazii ma ancu s’è no cuntemu nant’à a fine di a viulenza pulitica, pensemu chì i Russi puderianu scalà ancu più numerosi chè avà.
Sbanditu Ci sò i Russi, a saperete megliu chè mè. In più di quessa, vistu a situazione ecunomica di l’isula, ùn timite micca l’emergenza d’una squadra cum’è a vostra ma più giovana chì vulerebbe piglià a vostra piazza ?
BDM Vistu tuttu ciò chè no femu per a ghjuventù di stu paese, ùn vecu micca ciò ch’ella ci puderia rimpruverà. Li vindimu alcolu à bon pattu, femu vene i più boni DJ di u pianeta cum’è David Guetta, li demu impieghi à palittate da ch’ella possa travaglià in Corsica. À a nostra epica, ci vulia à parte ancu per fà un braquage ! Tandu, eranu biote e casce di i cummercianti ! Ma dopu un periudu d’esiliu, simu turnati ind’è noi.
Sbanditu Nant’à e vostre rilazione incù i pulitichi, chì ci pudete palisà ?
BDM Simu appena cum’è i Massoni. Tutte e sucetà secrete inghjennanu fantasimi è puttachji. A sapite cum’è mè ch’ella hè chjuca a Corsica è chì avemu sempre vulsutu tene rilazione di fratellenza incù tutt’ognunu. A ci pruvemu di travaglià manu in a manu incù l’eletti. St’ultimi tempi, travagliemu assai nant’à u PADDUC. Simu interessati da certi prughjetti turistichi. Vi pongu una quistione. Vistu i pochi mezi di i Corsi è u rancicume di e banche versu elli, capita dinù l’ingurdizia di e multinaziunale è di i mafiosi furesteri, quale hè chì in Corsica hà i mezi d’investisce ? Preferite chè no’fussimu Noi o Elli
Sbanditu Scusate ma you are talking to me È l’ultima quistione serà a meia ! Noi senza Voi ne Elli, chì ne pensate ?
BDM Chì munta sega stu John Lennon! Ciò chì vi possu dì, ghjè chì in certi lochi, a BDM hà una fama più impurtante chè i Beatles… In quantu à Napuliò, cunniscimu tutti a passata firmata per pruverbiu di a Berezina. Per contu nostru, s’è ùn simu micca più famosi chè Napuliò, a mi pensu chì ci sbrugliemu megliu chè ellu…
Sbanditu Cumu spiegate sta fama internaziunale ?
BDM Hè difficiule da analizà. À l’iniziu, ci hè quantunque un sapè fà lucale, corsu. Ancu s’è i banditi si scrivianu in un antra dimarchja, simu i so figlioli, quant’è i figlioli di i Corsi di Marseglia. Stu sapè fà, sò elli chì ci l’anu trasmessu eppò, ci simu adattati à l’evuluzione ecunomiche è tenniche.
Sbanditu Dunque site un partigianu di a teuria di l’evuluzione di Darwin. Ùn ci cridite à u creaziunisimu ?
BDM Ùn si diventa malfattore in quattru è trè sette ! Hè cum’è per tuttu, ci vole à seguità una furmazione di SM, Scenze di e Malfatte à l’UDC, l’Università di u Carrughju. Per u più, si tratta d’esercizii di terrenu. A furmazione hè assai pratica. Arrubecci per principià eppò diversificazione di l’impegni mafiosi : droga, discutecche, immubiliare è cummerci di tutte e mamme ! Ùn simu cugnumati « u polpu » ?
Sbanditu Site appena schizò, cum’è u Duttore Jekyll è Mr Hyde…
BDM Iè, simu alchimisti. A ci pruvemu di valurizà a nostra faccia bella d’omi attempati, in collu biancu, tuttu puru fendu sapè chì simu gattivi è pronti à tuttu… Ùn vi scurdate chì senza noi, l’ecunumia sarebbe in manu à mafiosi ! Simu paisani noi ! S’è v’avete bisognu d’un impiegu, d’un sustegnu, d’un colpu di manu o ancu d’una manata di soldi, simu quì. Si pò dì chì simu una securità suciale à l’usu corsu. A sulidarità, ghjè a Cosa Nostra…
Sbanditu Forse ma st’ultimi tempi, « l’usu corsu », ghjè a vindetta. Parechji sò cascati è nunda ci lascia pensà chì l’assassinii s’anu da piantà…
BDM Quandu pensu chì certi rachjanu dicendu chì i nostru soldi, l’avemu arrubbati ! Mi dà a volgia di rende quandu pensu à tutti i m’amichi chì sò morti. « L’argent facile » ùn esiste micca. Hè un illusione. In più di quessa, u marcatu di a mafia si chjode pianu pianu postu chì tene digià tuttu! Hè cusì. Hè un evuluzione suciale. Arrubbecci interessanti, ùn ci n’hè più. In quantu à a droga, hè un cummerciu cusì suldaghju chì ci truvemu una cuncurrenza accanita per via di a mundialisazione.
Sbanditu Di modu generale, pare chì per voi, l’affari sò in francese. À chì piglia a machja, à chì ghjè in prigiò, à chì si face tumbà. Ma chì si passa ?
BDM Capiscu a vostra analisa. Ma s’è ùn andemu micca in prigiò, diceriate chì fratellemu incù a ghjustizia. Di listessa manera, s’è ùn ci feciamu micca stinzà, averiate dettu cun irunia chì simu i rè di a Corsica è s’è ùn pigliavamu a machja averiate dettu chì simu finochji o vechji mafiosi burghesi ! Sò quessi i sciali di u nostru travagliu. U peghju, ùn hè micca què ma a chjusura di certi marcati.
Sbanditu Iè ma vi ferma quantunque u bastimentu ! A petra, ghjè u valore sicuru di l’anni à vene. Guardate chì in Bastia, u m² ùn costa chè trà 2500 è 4000€. In pettu à i prezzi purtivechjacci, ci hè una marghjina di prugressione tremenda ! Megliu, in Monacu, u m² costa 30000€ !
BDM Sicura ma u troppu stroppia è ind’è u nostru « milieu », quandu si stroppia, si tomba… Hà da vene u PADDUC per apre unepoche di spazii ma ancu s’è no cuntemu nant’à a fine di a viulenza pulitica, pensemu chì i Russi puderianu scalà ancu più numerosi chè avà.
Sbanditu Ci sò i Russi, a saperete megliu chè mè. In più di quessa, vistu a situazione ecunomica di l’isula, ùn timite micca l’emergenza d’una squadra cum’è a vostra ma più giovana chì vulerebbe piglià a vostra piazza ?
BDM Vistu tuttu ciò chè no femu per a ghjuventù di stu paese, ùn vecu micca ciò ch’ella ci puderia rimpruverà. Li vindimu alcolu à bon pattu, femu vene i più boni DJ di u pianeta cum’è David Guetta, li demu impieghi à palittate da ch’ella possa travaglià in Corsica. À a nostra epica, ci vulia à parte ancu per fà un braquage ! Tandu, eranu biote e casce di i cummercianti ! Ma dopu un periudu d’esiliu, simu turnati ind’è noi.
Sbanditu Nant’à e vostre rilazione incù i pulitichi, chì ci pudete palisà ?
BDM Simu appena cum’è i Massoni. Tutte e sucetà secrete inghjennanu fantasimi è puttachji. A sapite cum’è mè ch’ella hè chjuca a Corsica è chì avemu sempre vulsutu tene rilazione di fratellenza incù tutt’ognunu. A ci pruvemu di travaglià manu in a manu incù l’eletti. St’ultimi tempi, travagliemu assai nant’à u PADDUC. Simu interessati da certi prughjetti turistichi. Vi pongu una quistione. Vistu i pochi mezi di i Corsi è u rancicume di e banche versu elli, capita dinù l’ingurdizia di e multinaziunale è di i mafiosi furesteri, quale hè chì in Corsica hà i mezi d’investisce ? Preferite chè no’fussimu Noi o Elli
Sbanditu Scusate ma you are talking to me È l’ultima quistione serà a meia ! Noi senza Voi ne Elli, chì ne pensate ?
A Corsica dice à vedeci à Edmond
