U scempiu di u novanta
E sumiglie, ci sò à buzeffu trà u PS è i naziunalisti corsi. Sò stati elli à l'iniziu di u rinnovu di l'idee pulitiche. È a speranza ch'elli anu fattu nasce, dipoi u sittanta, sò state tante dillusione, à u principiu di l'annate 90. Quandu l'affari anu impuzzichitu a fine di u Mitterrandisimu o quandu principiava a guerra trà naziunalisti.
Dipoi, malgradu u periudu Jospin è ghjust'à puntu, u prucessu di Matignon è a lege di u 22 di ghjennaghju 2002 nant'à a Corsica, l'affari sò miseri per i naziunalisti quant'è per i sucialisti.
Inseme, tuttu diventa pussibile...
Eppuru, ch'ella fussi a crisa finanziaria o a quistione di u PADDUC, tuttu pare pussibile è apertu. Quale hè chì a face à accittà un mondu ammaestratu da una manata di golden boys speculatori o una Corsica impatrunita da u tuttu turisimu? Ognunu ferma sensibilizatu assai à l'idee purtate da sti dui currenti.
Stu pussibile puliticu s'intoppa à particularisimi persunali, à una perdita di credibilità è à un rinnovu losciu di l'idee è di e persone. À quale faranu sunnià l'elefanti di u PS, à quale piacerà sempre sta manata di vechji cucchi agrancati ?
Attenti à u sindroma di a ranochja...
I risultati boni di i naziunalisti muderati à l'ultime elezzione municipale ùn devenu micca piattà a varietà di l'accosti di e prublematiche pulitiche di a mossa PNC-Chjama Naziunale. Di listessa manera, a Rifundazione in giru à Corsica Nazione è Rinnovu cù a creazione di "Corsica Libera", s'ella diventa solu una riaffirmazione di l'idee fundive di u dopu Aleria, saranu un fiascu.
Più chè di rifundazione o d'unione ci volerebbe à parlà di mudernisazione è di chjarificazione di l'idee è di e pratiche! Peghju, a mancanza di nuvità in e persunalità pulitiche di sti partiti s'assumiglia quasi à una lepenisazione o à una bayrousisazione, vole si dì un partitu à prò di l'elezzione è di l'esistenza pulitica sola di u so capizzone. È ancu, à certi li si puderebbe accade listessa sturiaccia chè à quella ranochja di La Fontaine chì à vulè si ingunfià, s'hè messa à schjattà...
U risaltu di i naziunalisti?
U risaltu puliticu è un risultatu eletturale bonu hè pussibile. Basta à sti partiti di sapè mubilizà e ghjente in brama d'un prughjettu puliticu altru chè u PADDUC d'Ange Santini è di Camille de Rocca-Serra. Basterebbe à prupone un alternativa credibile chì ùn fussi micca solu una suppa riscaldata di prughjetti anzianotti. Basterebbe dinù chì e pretenzione di tanti capizzoni si movinu à prò d'un veru prugettu cullettivu, daretu à un leader chì sappia tene e so truppe. Ne simu sempre à sicutera. Ancu Pasquale Paoli si lagnava d'avè di più generali chè suldati, di più pretenziunuti chè astuti... In tantu pò, mi dicerete, ùn basta à dì, ci vole à impastà...
Pare chì più chè mai, u mottu di Sarkozy : "Travaglià di più per vince di più" fussi à l'onore in sta precampagna di l'elezzione territuriale di u 2010... Altrimente è allonga è allonga chì ghjunghjeranu prestu à affare fattu è elezzione persa...
E sumiglie, ci sò à buzeffu trà u PS è i naziunalisti corsi. Sò stati elli à l'iniziu di u rinnovu di l'idee pulitiche. È a speranza ch'elli anu fattu nasce, dipoi u sittanta, sò state tante dillusione, à u principiu di l'annate 90. Quandu l'affari anu impuzzichitu a fine di u Mitterrandisimu o quandu principiava a guerra trà naziunalisti.
Dipoi, malgradu u periudu Jospin è ghjust'à puntu, u prucessu di Matignon è a lege di u 22 di ghjennaghju 2002 nant'à a Corsica, l'affari sò miseri per i naziunalisti quant'è per i sucialisti.
Inseme, tuttu diventa pussibile...
Eppuru, ch'ella fussi a crisa finanziaria o a quistione di u PADDUC, tuttu pare pussibile è apertu. Quale hè chì a face à accittà un mondu ammaestratu da una manata di golden boys speculatori o una Corsica impatrunita da u tuttu turisimu? Ognunu ferma sensibilizatu assai à l'idee purtate da sti dui currenti.
Stu pussibile puliticu s'intoppa à particularisimi persunali, à una perdita di credibilità è à un rinnovu losciu di l'idee è di e persone. À quale faranu sunnià l'elefanti di u PS, à quale piacerà sempre sta manata di vechji cucchi agrancati ?
Attenti à u sindroma di a ranochja...
I risultati boni di i naziunalisti muderati à l'ultime elezzione municipale ùn devenu micca piattà a varietà di l'accosti di e prublematiche pulitiche di a mossa PNC-Chjama Naziunale. Di listessa manera, a Rifundazione in giru à Corsica Nazione è Rinnovu cù a creazione di "Corsica Libera", s'ella diventa solu una riaffirmazione di l'idee fundive di u dopu Aleria, saranu un fiascu.
Più chè di rifundazione o d'unione ci volerebbe à parlà di mudernisazione è di chjarificazione di l'idee è di e pratiche! Peghju, a mancanza di nuvità in e persunalità pulitiche di sti partiti s'assumiglia quasi à una lepenisazione o à una bayrousisazione, vole si dì un partitu à prò di l'elezzione è di l'esistenza pulitica sola di u so capizzone. È ancu, à certi li si puderebbe accade listessa sturiaccia chè à quella ranochja di La Fontaine chì à vulè si ingunfià, s'hè messa à schjattà...
U risaltu di i naziunalisti?
U risaltu puliticu è un risultatu eletturale bonu hè pussibile. Basta à sti partiti di sapè mubilizà e ghjente in brama d'un prughjettu puliticu altru chè u PADDUC d'Ange Santini è di Camille de Rocca-Serra. Basterebbe à prupone un alternativa credibile chì ùn fussi micca solu una suppa riscaldata di prughjetti anzianotti. Basterebbe dinù chì e pretenzione di tanti capizzoni si movinu à prò d'un veru prugettu cullettivu, daretu à un leader chì sappia tene e so truppe. Ne simu sempre à sicutera. Ancu Pasquale Paoli si lagnava d'avè di più generali chè suldati, di più pretenziunuti chè astuti... In tantu pò, mi dicerete, ùn basta à dì, ci vole à impastà...
Pare chì più chè mai, u mottu di Sarkozy : "Travaglià di più per vince di più" fussi à l'onore in sta precampagna di l'elezzione territuriale di u 2010... Altrimente è allonga è allonga chì ghjunghjeranu prestu à affare fattu è elezzione persa...
A Corsica dice à vedeci à Edmond
