Indignati, ma in Ray-Ban

U prublema cun l'indignati, hè ch'elli sò di più cridìbuli quand'elli sò vestuti cum'è pumataghji...

Aviamu digià dettu chì l'indignati in 4x4 ùn facia micca assai seriu. U ritrattu di Corse-Matin di u 30 ghjennaghju hè ancu peghju.

Allora chì da per tuttu in u mondu l'indignati sò giovani addisperati disimpiegati, chì battenu a closcia in brama d'un travagliu, u ritrattu di l'indignati corsi d'Air France pare una pubba pè Ted Lapidus o pè e Ray-Ban Aviator.

Aiò o zitelli, fate un sforzu ! Per esse un veru indignatu, ci vole à esse vestutu cum'è un disgraziatu !

Corse-Matin di u 30 ghjennaghju 2012

u 1mu di Farraghju 2012

U Webmaestru

Accueil

Envoyer à un ami

Version imprimable

1.mandatu da giramondu u 01/02/2012 11:58

parenu a l'attori di "matrix". Ghjè vera chi so in una dimenzione altra che quella di a realtà.

2.mandatu da sté essellu u 01/02/2012 12:18

Un avete micca capitu :
I tintacci, so ublicati a mette i panni di cumpagnia (allora chi un ci travaglianu più!), chi un anu nulla d'altru a mettesi...
E pa e spichjete, so per piattà l'occhji stanchi chi dormenu tutte e notte inde tende quechua anch'elli...

3.mandatu da Claude E. u 01/02/2012 12:49

st'affissu un vi fa micca pinsa a quella di a gendarmeria : indignati, e perche micca voi !!
http://www.pelousey.com/IMG/jpg/Insertion-gendarmerie-pour-recrutement.jpg[

4.mandatu da Passendu u 01/02/2012 13:14

I aiaccini so tutti vistuti in nera : donne, omi, zitelli, anziani ancu... Hé una lege ind'a cità, dipoi deci anni.

5.mandatu da ANTO u 01/02/2012 14:25

I spechjetti so una chjama lampada a Sarcossi ,ma un ha tempu d'occupassi d'elli !

http://www.blog-anto.be

6.mandatu da u miumese u 01/02/2012 14:33

Hà ragiò @giramondu, pare tuttu Matrix ! Ma à l'inversu : ci credimu in un sugnacciu, mà ghjè a realtà.

7.mandatu da Ulongu u 01/02/2012 15:06

Bon. Hè vera. Ci hè qualcosa.
Ma voi a vi sentite di piglià l'aviò s'elli sò i pumataghji pinzuti à e cumande o ancu à u serviziu ? Mancu à Easyjet ùn ne volenu di quessi !

8.mandatu da ForzaAirFrance u 01/02/2012 15:11

Ùn ci avete capitu nunda. E rayban sò e cagule di i resistenti di Air France !
Ùn vi pare micca à pena techju quellu di u mezu per un steward ?

9.mandatu da Claude E. u 01/02/2012 17:35

un ci manca che un bonu sigaru... e ponnu ghjuca les affranchis

10.mandatu da Padovani u 01/02/2012 21:34

(da un teleffuninu)

Eiú, vegú di piú una stampá di un un filmu nuvellu, o pé dá l'idea pé un "scenario" ....só a dighjá in casting o pure in ricercá di sponsori! lolu Femu prova di cumpassione o ghjente ;.))

11.mandatu da Kim jong di papa u 02/02/2012 17:37

So l inculati micca l indignati

12.mandatu da Kim jong di papa u 02/02/2012 17:39

Inculati un si dice... E gattivu... Ma ancu l indignati so troppu techji Inde noi! Li manderaghju in un bellu goulag di pyongyang

13.mandatu da Adami Ghjuvan Carlu u 02/02/2012 20:46

Mi si pare ch'ellu ci voglia à esse più serii chè cusì. Ùn ci scordemu ch'ellu si tratta di giovani corsi chì a si provanu à stantassi un pezzu di pane in casa soia. Sò avà novanta ghjorni ch'elli a lottanu è a manera di trattà u sugettu ùn mi pare ne "scherzorsu", ne "scurrettu" ne mancu "gattivu". Hè un articulu inghjustu chì ùn hè à prò per nunda. I cummenti ùn si ne parli! Sò ronchi sumerini...ma si sà ch'in celu ùn ci ne ghjughje di quessi custì. I nostri aviatori sò dunque salvi...Eviva a giuventù corsa!

14.mandatu da Didier Avostra u 02/02/2012 23:08

o Adami, ùn poi nigà chi una grande parte di a nostra ghjuventu he veramente troppu techja.... i cummenti nant'à sti giovani indignati so inghjusti, ma stu ritrattu di corse matin he veramente ridiculu

he una caricatura, aio ! ci he veramente da spanzassi piu che da pienghje

ma i veri scrucconi in sta storia, so quelli d'air france, quessa un ci vole à sminticà ! a vera rubaccia, so elli

15.mandatu da micca nome u 03/02/2012 00:12

Mi pare qui, ch'ellu si tratta chè di parè. A Piazetta he andata a circa u 4x4, i specchjetti ( Rayban), i vestiti .... quelli chi volenu da e lezzioni, mi parenu assaî purtati n'anta u pare !!! so ancu capace di piglia a diffesa di i patroni per lampa inde a fossa di l'imbecilita giovani chi lottanu ( incu i specchjetti) ma dritti, incu curaggiu senza cagassi adossu, per strappe un impiegu ! Forse a piazzeta averia preferitu qualchi giovani indunisiani, romani, pulunesi ... pagati incu a sfrombula, a a piazza di i nostri ! E praticche di a corsica ferries u " sponsor di a piazetta" !
Nanta ste praticche, un n'aghju mai vistu qualcosa di scirttu ; ghjè u pecatu !!!

http://Dicu Ameia

16.mandatu da aghju listesse ray ban chè sarkozy u 03/02/2012 00:52

O figlioli ! c'era una riunione di u front de gauche o chè sta sera ?

mi pare chi i nostri amichi cummunisti un anu veramente micca u sensu di a risa... ci vole à crede ch'ellu ùn si deve tantu ride in e riunioni di a CGT.

appena d'autocritica ùn face male, un cridite micca ? ma boh, avemu u dirittu di ride di i sbacconi è di i montasega naziunalisti è di diritta, ma micca quelli di manca...

A Piazzetta difensore di i patroni è di u grande capitale ? aio, ancu quessa ci vulerà à leghje ! u nostru amicu "micca nome" ùn deve micca leghje spessu A Piazzetta...

17.mandatu da miicca nome u 03/02/2012 09:46

Un vegu micca cio ch'ellu vene a fà qui " u front de gauche" !
Di sicuru un n'hè micca un cummentu " dans le style Piazzeta", ma cume " a l r b c s" (ghjiustu sopra) po traduce subitu " front de gauche", i cummunisti, a cgt ?
vistu u cummentu si capisce chi quand’é lu si tratta di a "corsica ferries" e di " dumping suciale a relazione ci face subitu nant'a sti rompi cuglioni chi un sanu mancu ride !!!
si vede subitu chi ghjè una manera di schivà u sujettu. Una fisica !
un so micca s'ellu si ride in e reunioni di a cgt ma eiu, in pensendu a cert'affari mi campu di rise !
Si l'autocritica un face male, principiate a da l'esempiù e accetate i cummenti di quelli chi facenu a vostra.
quandu leghju tutti i cummenti nant'a i techji di a cgt e i giovani indignati tratechji , un mi possu impéi di pensa ch’ una parte di u vostru " sponsoring" vene di i benefizii di a " corsica ferries" fatti nant'a e spalle di i so marinari chi padenu a fame ind’é i so paesi. e què un vi parla manc'appena.
Rie per rie, circate a dà l'esempiù, vi facciu una pruposta, chjamate u vostru giurnale " a piazzeta fait rise" ! Un ci campemu !

18.mandatu da Adami Ghjuvan Carlu u 03/02/2012 10:08

Si dice chì "u techju ùn crede u famitu". I pruverbii sò fatti à casu è di quandu in quandu ci vole à tenene contu per capisce cum'ellu viaghja u mondu...Possu leghje da Didier Avostra chì "una grande parte di a giuventù corsa hè veramante troppu techja". S'ella fussi ùn mi dispiacerebbe micca ma mi si pare non solu ch'ella ùn sia vera ma ch'ella palesi l'idea chì u nostru interlocutore hà di a so ghjente. Ciò chì mi dispiace ancu di più, hè ch'ellu si pigli per scusa l'indignati d'Air France, vale à dì quelli ch'ùn anu ancu nunda, per ghjunghjene à pensà chì i corsi sò techji. Mi tocca dunque à crede chì l'articulu di A Piazzetta, puru ridiculu ch'ellu sia, hè sfruttatu à modu troppu seriu è à prò di pensamenti chì mi garbanu pocu. Vogliu precisà ch'ella ùn abbisogna à esse cumunistu o altru restu per capisce quessa. Basta à esse paisanu è corsu è ci ne serebbe abbastanza. Per contu meu u cuntrastu si compie quì. Tanti saluti.

19.mandatu da Touche pas à la CGT u 03/02/2012 10:21

in Corsica si pò ride di tuttu, ma micca di a CGT.

demucrazia ?

in quant'à a piazzetta, tutu ognunu sà ch'ella hè sponsorizata da i grandi patroni capitalisti, ch'ella hè un strumentu di u MEDEF, chì Goldman Sachs hè in daretu, chì Charles Capia hè u veru boss, chì Alain Madelin è Alain Minc scrivenu in corsu daretu à pseudos è ch'ella face a prumuzione d'un ultraliberalisimu scatinatu à prò di u Grande Capitale è di i fondi di pensione americani. Evvivanu e delucalizazione !

20.mandatu da Ulongu u 03/02/2012 11:35

Ùn capiscu micca troppu issa rabbia contr'à a Corsica Ferries. Sta cumpagnia ùn impiega giovani corsi cum'è l'altre cumpagnie ? Puru sè i cuntratti ùn sò di listessu valore conta quantunque quessa nò ?
Sicura chì sti giovani corsi anu à ragiò di difende si ma mi pare chì un veru muvimentu d'indignati sia qualcosa di più prufondu in a critica di u sistema stessu.
Quelli di Air France cercanu à integrà si in a sucietà, hè ghjè u so drittu. È forse unu di i più fundamentali
Ma u ritrattu ridiculu hè... è ferma.

21.mandatu da thomas magnum u 03/02/2012 13:49

à mè cio chi m'inchieta ghjè chi i nostri amichi qui sopra ùn anu micca, ma allora veramente micca u "sens de l'humour".

d'altronde sta parola ùn esiste micca in corsu, un hè micca per nunda.

Corsi, pudete ride di tuttu, ma micca di a CGT...

22.mandatu da KÜG u 03/02/2012 14:11

o figlioli ùn si po mancu più scherzighjà nant'à una fotto veramente strampalata senza fassi chjamà "social-traitre"...
Bon vi lasciu, hè ora d'andà à svergulà i schjavi.

23.mandatu da Marc Dorcel u 03/02/2012 14:12

S'ellu hé Airfrance chi vince, li possu truvà un impiégu eiu...
http://www.dorcelvision.com/studios/marcdorcel/dorcel-airlines-flight-dp69-3636816-406.html
.

24.mandatu da Kim jong di papa u 03/02/2012 18:39

A verita e quessa: i cuntratti stagiunieri po esse firmati pe ogni stagioni. Ancu tredeci unu dopp'a l'altru. Un e micca a stessa legge chi l altri cdd. U prublema qui, pensu chi sti ghjuvanotti si so fatti manghja u cervellu da i sindicati e l avvocati. Air France un e micca scema, a sa perche un paca micca... Perche a u dirittu cun Ella! I prudhommes so tenuti da sindicati e tichjoni ch un volenu purta risponsibilita in st'affare! Ma i giudici prufessiunali manderanu l indignati a pôle emploi e aspeteremu e spiegazione di a cgt e cumpania!

25.mandatu da Bukifretu u 04/02/2012 10:57

St'ultimi messagi so propiu inchietanti per a corsica.

Nimu ne vole a sti giovani. Speremu tutti ch'elli sianu pigliati da air France. Quale pò esse contru a què, francamente ?!?

Si tratta solu di ride d'un ritrattu chi hé veramente ridiculu, e basta !

Chi so ste riazzioni di bisconi ? Ne rivengu micca...

Ma sapemu bè chi inde noi, un si pò ride di tuttu, e un ci hé demucrazia !

Andate a parlà cun certi di a libertà di spressione...

26.mandatu da Diego di Toga u 05/02/2012 14:31

(da un teleffuninu)

Eiu vogliu dì à micca nome chì nant'à i battelli di a Corsica Ferries, quelli di a CGT passanu più chè una volta...

È à principià incù u leader d'AF in Bastia...

27.mandatu da Adami Ghjuvan Carlu u 05/02/2012 20:04

Ùn pensava più di scrive ma quantunque... quand'ellu si dice publicamente "so l'inculati micca l'indignati" serà un segnu di demucrazia, di spiritu, di libertà di spressione o di cosa? Si sente parlà di tuttu, di a CGT, di a Corsica Ferries, di i cumunisti, di u Fronte di Manca... ancu di u leader d'AF chi piglerebbe u battellu (quessa po ! chì miraculu...!) ma chì populu simu? Ùn ci ne statu unu per lagnassi di e parollacce di "Kim Jong di papa". Veramente, ci hè da purtà u penseru ! Ancu quellu di vede arruvinatu cusì bellu spaziu di risa è di parolla ch'ella propone A Piazzetta. A risa è u comicu cherenu u geniu è a manera... peccatu per noi tutti chì certi interveneti ùn l'aghjinu micca!

28.mandatu da Robes Petru.. u 05/02/2012 21:06

In tutti i casi e senza ragiunà in modu puliticu o polemicu, ùn ci hè dubitu, i corsi è e corse in generale( e ancu d'AF o indignati) ùn assumiglianu micca a sti francesi, sanu esse presentevuli e ancu si "l'abitu ùn face u munacu" u "stile ghjè dinù l'omu"..francesi elli ùn ci hè nunda à di... basta à fighjà u ritrattu...parenu rimitti...

29.mandatu da Paradisu u 06/02/2012 08:45

Ma so tutti pilotti ! E qualle semu !

30.mandatu da cecè u 07/02/2012 22:02

Adami, ùn esagereghja micca. ci he forse un cummentu o dui chi so dispiacenti qui. hè sempre cusi quandu a ghjente "dicenu a soia". piglia u forum di RCFM chi certe volte hè propiu insuppurtèvule

ùn ci vole à fà generalità

hè troppu faciule di lagnassi di a qualità di l'intervenenti.... a sola cosa à fà, hè di piglià a parolla per ùn lascialla à l'altri !

31.mandatu da Adami Ghjuvan Carlu u 08/02/2012 00:01

O Ceccè, ai a ragiò di dì ch'elli ùn sò tutti i cummenti à esse scandalosi. Ancu di grazia d'altronde! Ci volerebbe quantunque chì unepochi si misurassinu pè scrive cum'elli a si sentenu ma sempre di manera rispettosa. Moltu più chì l'indignati, per maiò parte giovani, anu risu dinò elli di e macagne. Hè vera chì e parullacce imbruttanu prima quelli chì e dicenu ma dispiacenu quantunque. Ancu per ùn esse a generalità, ci sò chì sò fora di suminatu è ferebbenu megliu à stassi zitti...almenu cum'è tù dici, di piglialli a parolla è ùn lasciallila micca. Tandu ci volerebbe tempu è asgiu; appuntu ciò chì manca u più in stu mondacciu...Ti salutu.

32.mandatu da Franz Ferdinandu u 08/02/2012 00:34

Si pò avè u numeru di teleffunu di e zitelle ? Grazie.

33.mandatu da Jojo le démago u 12/02/2012 19:19

(da un teleffuninu)

Ai ragiò o Franz.

Mi ferrebbe bè 2 o 3 indignate à tempu!

34.mandatu da Kim jong di papa u 28/03/2012 16:50

Kimjong vi l avia dettu...

Novu cumentu :