Benoit Hamon (PS) : « Je n’imagine pas la République sans la Corse. »
Vitturiosu di a primaria di a manca di pettu à Manuel Valls, l’anzianu ministru s’hè dettu apertu à a culletività unica in Corsica. Hà dettu dinò a so voglia di dà di più autonomia. Per ellu, e discursate seranu aperte cù l’eletti di l’Assemblea di Corsica ingiru à e principale revendicazione storiche : statutu di residente, amnistia, statutu fiscale è cu-ufficialità.
Mà ancu cù tuttu què, ùn piace tantu à i Corsi : avia finitu daret’à Manuel Valls in Corsica per a primaria.
Mà ancu cù tuttu què, ùn piace tantu à i Corsi : avia finitu daret’à Manuel Valls in Corsica per a primaria.
François Fillon (LR) : « Je suis à la tête d’un état en faillite ! »
Issa frasa ùn hà nunda chì vede cù a Corsica, mà Francois Fillon l’avia cappiata in Lumiu, in u 2007 è dopu à qualchì bichjeru di vinu.
Assai cunservatore, Francois Fillon l’hà mustrata in un intervista data à Via Stella di nuvembre scorsu. Si dice a prò di l’avvicinamentu di i prigiuneri pulitichi è di u bislinguisimu, ma oppostu à l’amnistia è à a cu-ufficialità. Oppostu dinò à i statuti fiscale è di residente.
Assai cunservatore, Francois Fillon l’hà mustrata in un intervista data à Via Stella di nuvembre scorsu. Si dice a prò di l’avvicinamentu di i prigiuneri pulitichi è di u bislinguisimu, ma oppostu à l’amnistia è à a cu-ufficialità. Oppostu dinò à i statuti fiscale è di residente.
Emmanuel Macron (En Marche !)
À dilla franca, ùn ci hè tantu affare à dì nant’à Macron è a Corsica. Per avà ùn hè ancu venutu è ùn sapemu nunda di i so prugetti per l’isula. Sapemu quantunque chì Paul Giacobbi li hà purtatu u so sustegnu è chì Henri Malosse vole parte per e legislative sott’à u partitu “En Marche”.
Jean-Luc Melenchon (cumunistu) : « Je me sens un peu offensé quand le président d'une assemblée française ne parle pas dans la langue que je comprends. »
Per ciò chì tocca à u so prugramma per a Corsica, ci si pare ch’ùn li piace tantu a lingua corsa.
Mà per avà sò i so militenti chì sì movenu u più in Corsica. I gruppi di sustegnu si facenu numerosi per Jean-Luc Melechon mà forse ch’ùn ghjoverà à nunda : hà da scuntrà à Benoit Hamon per, ùn si sà mai, raghjunghje a so candidatura cum’è l’hà fattu Yannick Jadot, l’ecologistu.
Mà per avà sò i so militenti chì sì movenu u più in Corsica. I gruppi di sustegnu si facenu numerosi per Jean-Luc Melechon mà forse ch’ùn ghjoverà à nunda : hà da scuntrà à Benoit Hamon per, ùn si sà mai, raghjunghje a so candidatura cum’è l’hà fattu Yannick Jadot, l’ecologistu.
Marine Le Pen (FN) : « Ca ne me parait pas choquant que les petits corses apprennent le corse ».
Issa frasa ùn hè micca stata cappiata da Marine Le Pen mà da David Rachline, u so capicampagna in visita in Corsica issa settimana. Una manera d’esse bravu quandu s’avvicinanu l’elezzione per u partitu u menu apertu à u « pack » cu-ufficialità, amnistia, statuti fiscale è di residente.
Marine Le Pen ella, s’affaca in Corsica à u mese d’aprile.
Marine Le Pen ella, s’affaca in Corsica à u mese d’aprile.
D’altri candidati menu cunnisciuti cum’è Dupont-Aignan o Poutou seranu di a partita di maghju prussimu.
Sylvain Durif, l’omu-acellu hà espressu a so voglia d’esse candidatu dinò.
Mà nanzu à tuttu què, ci hè u presidente oghjincu chì ghjunghje in Corsica ghjovi, è ghjè Francois Hollande.
Sylvain Durif, l’omu-acellu hà espressu a so voglia d’esse candidatu dinò.
Mà nanzu à tuttu què, ci hè u presidente oghjincu chì ghjunghje in Corsica ghjovi, è ghjè Francois Hollande.
A Corsica dice à vedeci à Edmond
