False stàntare pè prutege u nostru patrimoniu ?

Per prutege i siti archeològichi esiste a pussibilità di mette false stàntare invece di e vere. À quandu i falsi Corsi pè prutege i veri ?

L'infurmazione ci vene da u situ di Alta Frequenza : Jean-Claude Ottaviani, cunservatore di i musei di Corsica Suttana parla di l'idea di mette false stàntare è stazzone nant'à u situ di Cauria.

U tempu, e cundizione metteò, l'umidità, ma dinù l'omi chì visitanu i siti mettenu i perìculu st'opere chì s'arruvinanu. Cunsequenza : i dissegni nant'à e stàntare si sfàssanu. Ùn parlemu mancu di i catini à pelu chì ballanu nant'à e stazzone...

Iè, ci vole à sapella : u nostru patrimoniu archeològicu hè riccu, ma hè dillicatu. Anch'ellu hà bisognu d'esse rispettatu è prutettu.

D'altronde, a sapiate chì u situ di Paddaghju, in u Sartinese, hè a più forte cuncentrazione di stàntare di u Mediterraniu ? Allora forse videremu da quì à pocu stàntare in plàsticu mentre chì e vere seranu à l'agrottu.

È pè prutege i Corsi, forse metteremu dinù persunagi in latex, mentre chì i veri seranu à l'agrottu in e so riserve ?

u 20 d'Aprile 2011

U Webmaestru

Accueil

Envoyer à un ami

Version imprimable

1.mandatu da ANTO u 20/04/2011 14:35

A sola cosa chi possa prutege u corsu hè u rispettu di a so identida ,di a so lingua , di a so storia ,e di u so rughjone .

http://www.blog-anto.be

2.mandatu da Opé rator u 20/04/2011 17:54

U prublema veru ghjè quellu di u turisimu....

3.mandatu da neandertallu u 20/04/2011 19:18

era ora chì un astutu parlessi. Cù tutti quelli chì mi basgianu, m'alliscianu, mi stringhjenu, d'estate o d'inguernu, cù sti sulleoni, ste cutrure, a crema nivea ùn bastava. O mi sciaccavanu un pilone o mi mettianu à l'agrottu in qualchì museu. L'affare hè d'ùn lasciammi solu... vogliu i palatini di Cauria cù mè. Quelli di Paddaghju, per cumincià ch'elli s'arrizzinu, chì sò sempre stracquati sti lunzoni...

4.mandatu da KÜG u 22/04/2011 11:06

c'hè digià u falsu "Bastia" à l'Hyper U di Furiani

5.mandatu da stuzzicabugnu u 23/04/2011 07:45

Parchi? Truveti forza che ùn ci so micca dighjà i falsi Corsi?
Feti un ghjiru à a CTC, à I dui cunsigli ginerali è à tutti l'uffizii è ni truvareti à buzzeffu

6.mandatu da ANTO u 23/04/2011 11:44

Bone Pasque a tutti veri e falsi corsi !

http://www.blog-anto.be

7.mandatu da panistu u 23/04/2011 18:35

He longa a cumpagnia di i falzi corsi ci so ancu i falzi naziunalisti sapete quelli chi facenu crede d'esse veri corsi chi si dicenu duri naziunalisti ma chi vendenu a terra corsa a i strangeri chi facenu travaglia i pinzuti e chi facenu casamenti per vende a i furesteri chi traficanu a droga et tantu e tantu longa falzita umbeuuuuuuuuuuu ci simu cu u falzu povera corsica

8.mandatu da Alexferox u 27/04/2011 11:21

A thiriez; li pace l'arte lirica e ancu à mascarassi :
http://3.bp.blogspot.com/_-XwayVfz5Q8/S7InGPQymlI/AAAAAAAAAq0/09ckg3ePn_g/s1600/l.jpg

Novu cumentu :