Etat de droit II : le retour !

I servizi di u Statu anu fattu u bilanciu di l'estate. Hè stata dura, ma tuttu u mondu hè cuntentu.

Allora prima rassicuratevi, u prefettu Patrick Strzoda (sapete, u sosia di JR nentr'à Dallas...) hè cuntentu, è i so amichi dinù.

Anu fattu eri u bilanciu di l'estate. Hà fattu u caldu, ma anu travagliatu bè quantunque.

Nant'à u Corse-Matin di u 15 settembre, s'ampara chì i servizii di u Statu sò particularamente fieri di e so duie azzioni maiò :

A dugana hà trovu 300 cultelle chinese di contrafattura !

Peghju : in Vizzavona c'era un falsu ottellu micca dichjaratu chì impiegava dui rumeni à u neru in situazione irregulare !!!

Ma ùn v'inchietate, i trafficoni di droga, i manghoni, i maffiuselli, i scrucconi è i ladroni ùn anderanu micca luntanu.

U Statu vi prutege, durmite puru tranquilli.

u 15 di Sittembre 2011

U Sgaiuffu

Accueil

Envoyer à un ami

Version imprimable

1.mandatu da u miumese u 15/09/2011 20:00

È in più di quessa sò pagati di più chì noi, issi rompicugliò ! Ô closcie, site e benvenute in Corsica ! Dopu ùn ci vole micca à stunassi chì a ghjente voti pè Jean-Guy.

2.mandatu da u miumese u 15/09/2011 20:58

Scusate per u dopiu missaggiu, mà aghju trovu qualcosa chì persunalmente ùn mi surprende micca à issu indirizzu : http://bugbrother.blog.lemonde.fr/2011/09/15/peut-on-obliger-les-policiers-a-violer-la-loi/#xtor=RSS-3208
Eccu qual'hè u Statu francese : chì bellu !

3.mandatu da galus fracicus u 15/09/2011 22:37

U gallu ùn hè micca u so emblemu pè nunda... Sò sempre capaci di cantà annant'una catasta di merda...

4.mandatu da ANTO u 16/09/2011 14:06

Dicenu tante bugiè chi un ci credènu mancu piu elli stessi :in françèsè si chjama a "méthode Coue "

http://blog-anto.be

5.mandatu da Nemancu Perride u 16/09/2011 16:34

No, i duganeri anu pescu dinò uni pochi di gattivi ribelli (in porta chjave) per l'associu Sulidarità, nant'à u portu....

6.mandatu da J G u 17/09/2011 08:07

O i mio zitelli ci perdimu u nostru latinu ma un sô micca sicura che no ghjunghjeremu a qualcosa ! cum'ellu dicia Colluche " si les hommes naissent égaux en droit , certains sont pourtant plus égaux que d'autres "....pe fà entre u calateiu in certi cervelli hé cume vuli fà entre un canapu in una cruna d'acu !

7.mandatu da J G u 04/10/2011 18:51

E closce ; in corsu si dice l'accattani = clochard , vaurien , mendiant , gueux , vagabond , voyou , triste sire , chenapan , malandrin

Novu cumentu :