1. A tercana hè Madonna ! À guasi cinquant'anni, di u so veru nome Louise Ciccone, l'americana pesa 72 millioni di dòllari. Chì carriera ! L'anni passanu è Madonna hè sempre una rock star mundiale, sempre in piena forma è cuntinuveghja d'incascià u jackpot. Aiò, quandu passa à dacci un cuncertu in Corsica ? Forse à e Ghjurnate st'estate ?
2. A segonda hè Barbra Streisand. Avete digià compru unu di i so dischetti ? Eiu nò.
3. Céline Dion si ritrova in terza pusizione. Allora custì ùn sapia mancu ch'ella cuntinuvava à cantà ella. Infine cantà ùn hè micca un bon termine... Forse mughjà ? briunà ? ughjulà ? stridà ?
4. Eccu à a culumbiana Shakira. Bon, ella ùn avemu micca da lagnacci ch'ella cuntinuvessi di cantà... Hè a prima "lattinò" di a classifica.
5. A quinta hè Beyoncé. L'affari viaghjanu bè per a bella neramericana, piace à i publicitarii chì a paganu bè. Ma piace ancu à noi.
6. Chjudemu sta classifica cùn Gwen Stefani. Stefani ? Serà corsa ? U so ultimu album s'hè vindutu benissimu per quella chì hà cupiatu u stile appena pruvucatore di Madonna.
Eccu per a classifica. Bon, avemu circatu bè, ma ùn avemu micca trovu tracce nè di Patrizia Poli, nè di Patrizia Gattaceca, nè di Jacky Micaelli. Regina (senza Bruno) ? Andate ! Anghjula Potentini ? Mancu. Alè, curagiu ! Circate di fà u megliu pè 2008 è feremu u bilanciu da quì à un'annu !
È voi, qualesse sò e cantarine chì vi piacenu ?
2. A segonda hè Barbra Streisand. Avete digià compru unu di i so dischetti ? Eiu nò.
3. Céline Dion si ritrova in terza pusizione. Allora custì ùn sapia mancu ch'ella cuntinuvava à cantà ella. Infine cantà ùn hè micca un bon termine... Forse mughjà ? briunà ? ughjulà ? stridà ?
4. Eccu à a culumbiana Shakira. Bon, ella ùn avemu micca da lagnacci ch'ella cuntinuvessi di cantà... Hè a prima "lattinò" di a classifica.
5. A quinta hè Beyoncé. L'affari viaghjanu bè per a bella neramericana, piace à i publicitarii chì a paganu bè. Ma piace ancu à noi.
6. Chjudemu sta classifica cùn Gwen Stefani. Stefani ? Serà corsa ? U so ultimu album s'hè vindutu benissimu per quella chì hà cupiatu u stile appena pruvucatore di Madonna.
Eccu per a classifica. Bon, avemu circatu bè, ma ùn avemu micca trovu tracce nè di Patrizia Poli, nè di Patrizia Gattaceca, nè di Jacky Micaelli. Regina (senza Bruno) ? Andate ! Anghjula Potentini ? Mancu. Alè, curagiu ! Circate di fà u megliu pè 2008 è feremu u bilanciu da quì à un'annu !
È voi, qualesse sò e cantarine chì vi piacenu ?
U 2 è 3 d'aprile sò i "prestaticci", è hè normale d'avè tempacciu
