Per andacci da Corsica ùn hè micca cusì cumplicata. U megliu hè di passà per Nizza o Marseglia. Ci sò cumpagnie (puru low cost) chì vi purteranu in Seviglia o Madrid. Da Madrid cuntate 1 ora è 40 di trenu per Còrdoba.
Chì hè a leia trà a Corsica è l'Andalusia allora ? Bah sò poche. Ma ùn ci hè bisognu à truvà sempre una leia trà a Corsica è u restu di u mondu, nò ?
S'ellu ùn hè u rè di Spagna, chì porta sempre u tìtulu di "Rè di Corsica". Un ricordu di l'episodiu aragunese in Corsica, à u XVu seculu.
S'ellu ùn hè u rè di Spagna, chì porta sempre u tìtulu di "Rè di Corsica". Un ricordu di l'episodiu aragunese in Corsica, à u XVu seculu.
Fiura : Wikimedia
È chì a Spagna hè stata un paese d'emigrazione pè i Corsi à u Medievu. In i seculi XVI è XVII, si ritrovanu parechje famiglie balanine in Seviglia, cum'è i Corzo è i Mañara.
Si puderia aghjustà chì u nostru amicu Sèneca hè andalusu (a pruvincia rumana purtava tandu u nome di "Betica", in francese la Bétique ). Sapete, quellu di "La Tour de Sénèque" in Luri, ancu ch'ellu ùn hà mai campatu in Luri (ma siguramente in Aleria).
Cunniscite tutti a so famosa frasa : “Se venger est la première loi des Corses, la seconde, vivre de rapines, la troisième, mentir, la quatrième, nier les dieux". Ma si pò mette quessa nant'à u contu di a so depressione.
Si pò vede a so statua in Còrdoba.
Cunniscite tutti a so famosa frasa : “Se venger est la première loi des Corses, la seconde, vivre de rapines, la troisième, mentir, la quatrième, nier les dieux". Ma si pò mette quessa nant'à u contu di a so depressione.
Si pò vede a so statua in Còrdoba.
Bon ci hè dinù u locu "Corduvella" in Balagna (Montegrossu), ma ùn ci hè siguramente nisun raportu cù a cità di Còrdoba.
Dunque, chì fà in Andalusia ? In st'articulu ci ne steremu solu nant'à Còrdoba ("Cordoue" in Francese, "Cordova" in talianu) è a so regione. Seviglia si merita un articulu à ella sola.
Dunque, perchè ùn serete dillusi da l'Andalusia ?
Dunque, chì fà in Andalusia ? In st'articulu ci ne steremu solu nant'à Còrdoba ("Cordoue" in Francese, "Cordova" in talianu) è a so regione. Seviglia si merita un articulu à ella sola.
Dunque, perchè ùn serete dillusi da l'Andalusia ?
1. A dulcezza di u locu
In Còrdoba ci truverete un'atmosfera particulare, una dulcezza di campà, una luce particulare, una pace u longu di u fiume Guadalquivir.
2. A Mezquita catedrale
L'Andalusia hè un vede pè i so imbuleghji di culture (catoliche, ghjudee, arabe). È a Mezquita ne hè u simbulu u più bellu. Hè stata prima una basilica di l'altu medievu, trasfurmata in muschea quandu sò ghjunti l'arabi (VIIIu seculu), è torna à diventà chjesa catolica dop'à a ricunquista (XIIIu seculu).
3. U centru storicu
Cù i so carrughji stretti è a so architettura tìppica, hè tuttu u centru stòricu di Còrdoba chì hè da visità.
4. L'Alcazar
L'Alcazar de los Reyes Cristianos hè un palazzu di u centru di Còrdoba. Era a residenza di i rè, custruita dop'à a Reconquista di i rè catòlichi (Isabella di Castiglia è Ferdinandu II d'Aragone).
Hè caratteristicu di l'arte mudejar, u stile architetturale sviluppatu in Spagna da i rè catòlichi, ma cun l'influenze arabe. D'altronde a parolla alcazar hè d'origine araba.
Hè caratteristicu di l'arte mudejar, u stile architetturale sviluppatu in Spagna da i rè catòlichi, ma cun l'influenze arabe. D'altronde a parolla alcazar hè d'origine araba.
5. U ponte rumanu
Bon d'accordu hè statu ripigliatu parechje volte. Ma eranu quantunque forti sti Rumani.
6. A Juderia
Hè u quartieru ghjudeu di Còrdoba, ghjustu à cantu à a Mezquita. Ci hè statu un tempu induve musulmani è ebraichi anu campatu inseme...
A Calleja de las flores hè u carrughju u più cunnisciutu.
A Calleja de las flores hè u carrughju u più cunnisciutu.
A sinagoga di Còrdoba hè di tippu mudejar.
7. A cappella San Bartolomé
Frà tutte e bellezze di Còrdoba, ùn mancate sta cappelluccia. Hè un tesoru di l'arte mudejar.
8. A porta di u ponte
In spagnolu Puerta del Puente. Hè una di e trè porte di a cità chì fermanu. Hè stata custruita à u XVIu seculu nant'à u locu di l'antica porta rumana.
9. A torra di Calahorra
Hè a torra chì curava u ponte. Oghje ci hè un museu.
10. U tempiu rumanu
I ruderi di u tempiu ci rammentanu chì Còrdoba hè dinù stata una cità impurtante di i tempi di i Rumani.
11. U Salmorejo
Cunniscite u gazpacho. Pruverete u salmorejo. Hè una suppa fredda tìppica di a regione di Còrdoba (ma si ne trova da per tuttu in Spagna).
Hè fatta à basa di pomidoru, d'agliu, di pezzi di pane duru è d'oliu d'aliva. Si serve cun pezzucci d'ove dure è di prisuttu (jàmon serrano).
Hè fatta à basa di pomidoru, d'agliu, di pezzi di pane duru è d'oliu d'aliva. Si serve cun pezzucci d'ove dure è di prisuttu (jàmon serrano).
12. U sdighjunu andalusu
S'è vo site in Andalusia, campate à modu spagnolu è pruvate u so sdighjunu. U desayuno (o prima cullazione s'è vo preferite) hè salitu. Di solitu si manghja pane imbrustulitu (tostada ) cun oliu d'oliva è polpa di pomidoru. Si pò pigliallu dinù cun prisuttu serrano.
13. Averroè
Còrdoba hè stata un tempu una capitale intellettuale, in avanzu nant'à u so tempu. U sìmbulu hè statu u grande matematicu, filosofu è ghjurista Averroè, natu in a cità andalusa. Hè grazia à ellu ch'ellu si cunnosce megliu à Aristote. Una statua li hè dedicata.
14. A torrija
Ùn pudete passà per l'Andalusia senza tastà i dulciumi, cum'è a torrija, sorte di pain perdu. Riparterete cun quattru chilò in più, ma vi serete campati.
Flickr / yolandamartosblanco
15. U Còrdoba Club de Fùtbol
Passiunati di Liga, ùn ci vulerà à cuntà nant'à u club di futbol per vede à Messi quist'annu. U Còrdoba C.F. ghjoca in segunda divisiòn. A so ultima stagione in prima divisione ricolla à 2014/15, cù una chjiba pigliata in casa contr'à u FC Barcelona (0 à 8). Face male.
Ghjocanu in verde è biancu, è u so stadiu di l'Arcángel hè piuttostu simpaticu.
Ghjocanu in verde è biancu, è u so stadiu di l'Arcángel hè piuttostu simpaticu.
Ritrattu : Wikimedia
U 2 è 3 d'aprile sò i "prestaticci", è hè normale d'avè tempacciu
