![Cumu a French Connection hà impuzzicatu l'America Cumu a French Connection hà impuzzicatu l'America](https://www.wmaker.net/apiazzetta/photo/art/default/7265901-11166556.jpg?v=1418515572)
Serà a surtita di u filmu La French chì hà rilanciatu l'interessu pè a French Connection ?
Un ducumentariu interessante intitulatu "French Connection : Quand Marseille empoisonnait l'Amérique" hè passatu nant'à France 3 è vi conta l'orìgine è a storia di st'organizazione criminale.
Per quessa ci vole à andà in Marseglia, in l'anni 60. Tandu, l'eroina face un sterminiu à i Stati Uniti. Ancu di più ch'è a guerra di u Viet Nam. L'Americani si n'avedenu chì a rubbaccia parte da Marseglia. Nixon, presidente novu elettu in u 1969, prumette d'agisce ma a lotta contr'à a droga ùn hè una priurità pè u guvernu di Pompidou.
Semu vicini di l'incidente diplomaticu quandu u ministru di l'internu francese, Raymond Marcellin dice : "C’est votre problème, pas le nôtre, puisque ce sont les Américains qui consomment !"
Sott'à a pressione, i Francesi finisceranu per metteci i mezi è circà di fà piantà a pruduzzione è u trafficu di droga. Hè ciò ch'ellu conta stu filmu passiunante di David Korn-Brzoza.
I testimoni di l'epica sò interrugati. Pulizzeri, ma dinù trafficanti. Unu dice : "Ne pensons pas aux gens qui meurent, pensons aux sous que ça rapporte. Vous avez toute la philosophie du Milieu dans cette phrase".
Eroi è banditi d'onore ? Un altru dice : "On n’a pas empesté la France, on a empesté les Américains. Moi, j’en avais rien à foutre des Américains".
Tandu a Corsica ùn hè micca tocca da a droga, ùn hè ancu un mercatu. Ma si ritrovanu parechji Corsi in stu trafficu è si puderia parlà di "Corsican Connection".
U filmu mette dinù in risaltu a difficultà di luttà contr'à stu trafficu. Per ùn micca parlà d'impussibilità. U filmu finisce cun ste parolle d'un anzianu di a French : "il y a trop de pognon à gagner".
Cinquant'anni dopu, a Corsica hè diventata un mercatu di cunsumazione tamantu pè i trafficanti di droga. Avà, hè quì ch'ella face un sterminu. "Moi, j'en ai rien à foutre qu'on empoisonne les Corses", deve pensà qualchissia in qualchì locu...
French Connection : Quand Marseille empoisonnait l'Amérique di David Korn-Brzoza, 1 ora è 40. da vede :
Un ducumentariu interessante intitulatu "French Connection : Quand Marseille empoisonnait l'Amérique" hè passatu nant'à France 3 è vi conta l'orìgine è a storia di st'organizazione criminale.
Per quessa ci vole à andà in Marseglia, in l'anni 60. Tandu, l'eroina face un sterminiu à i Stati Uniti. Ancu di più ch'è a guerra di u Viet Nam. L'Americani si n'avedenu chì a rubbaccia parte da Marseglia. Nixon, presidente novu elettu in u 1969, prumette d'agisce ma a lotta contr'à a droga ùn hè una priurità pè u guvernu di Pompidou.
Semu vicini di l'incidente diplomaticu quandu u ministru di l'internu francese, Raymond Marcellin dice : "C’est votre problème, pas le nôtre, puisque ce sont les Américains qui consomment !"
Sott'à a pressione, i Francesi finisceranu per metteci i mezi è circà di fà piantà a pruduzzione è u trafficu di droga. Hè ciò ch'ellu conta stu filmu passiunante di David Korn-Brzoza.
I testimoni di l'epica sò interrugati. Pulizzeri, ma dinù trafficanti. Unu dice : "Ne pensons pas aux gens qui meurent, pensons aux sous que ça rapporte. Vous avez toute la philosophie du Milieu dans cette phrase".
Eroi è banditi d'onore ? Un altru dice : "On n’a pas empesté la France, on a empesté les Américains. Moi, j’en avais rien à foutre des Américains".
Tandu a Corsica ùn hè micca tocca da a droga, ùn hè ancu un mercatu. Ma si ritrovanu parechji Corsi in stu trafficu è si puderia parlà di "Corsican Connection".
U filmu mette dinù in risaltu a difficultà di luttà contr'à stu trafficu. Per ùn micca parlà d'impussibilità. U filmu finisce cun ste parolle d'un anzianu di a French : "il y a trop de pognon à gagner".
Cinquant'anni dopu, a Corsica hè diventata un mercatu di cunsumazione tamantu pè i trafficanti di droga. Avà, hè quì ch'ella face un sterminu. "Moi, j'en ai rien à foutre qu'on empoisonne les Corses", deve pensà qualchissia in qualchì locu...
French Connection : Quand Marseille empoisonnait l'Amérique di David Korn-Brzoza, 1 ora è 40. da vede :