Chì face a pulizza ? (segonda parte)

C'eramu dumandati qualchì ghjornu fà ciò ch'ella facia a pulizza pè circà di fà piantà l'assassinii chì arruvineghjanu a nostra isula.

Corse-Matin ci hà datu una prima risposta in un articulu : Ajaccio: la police s'entraîne pour gérer les matches de foot . Bon, perchè micca, hè vera chì i hooligans corsi sò più periculosi chè e bande maffiose chì si sterpanu dapoi mesi è mesi.

Un'altru elementu di risposta ci hè datu nant'à Twitter, cù stu ritrattu messu in linea da un certu Corsican Parano. Ci mostra una cumpagnia di CRS in traccia di ghjucà à carte.

Avete capitu avà perchè a pulizza dumanda di più rinforzi in Corsica ? I corci ci vole à capilli, ùn sò micca abbastanza numerosi per fassi un turneu di belote...