Bona nutizia : "fradé" hè passatu in a lingua francese

Sò poche e parolle d'orìgine corsa entrate in a lingua francese.

Cunnisciamu a parolla maquis, chì vene da machja :

È ci hè parastage, chì vene da parastaghju. Bon d'accordu, l'Académie française ùn l'hà ancu ricunnisciuta ma tuttu u mondu l'impiega.

Ma pare avà chì frate, fraté o fradé sianu impiegati in francese. A dicenu parechji siti !

Pè u situ Urbandico :

Fraté est le diminutif de « fratellu » (fratelli au pluriel) qui veut dire « frère » en langue corse. Fraté est une expression très utilisée de manière affective en Corse et dans le Sud de la France, comme à Marseille.

Per blazz.fr :

Du Corse fratellu. Cette expression désigne le frère, le vrai pote, une personne de confiance, pas quelqu'un qui va te piquer ta gonzesse, quoi.

"Oh peuchère fraté, on se fait un fromage dans le maquis ?"

Bon ok.

È nant'à a pagina "le dico des jeunes" (sic) di u situ valantine.fr

« Hé fraté ! » signifie « hé mon frère ». Se dit aussi à une fille.

Eccu, ci simu. Avete lettu bè : "se dit aussi à une fille".

U situ amenta ancu a spressione "Fraté y’en a assez".

Di regula, da quì à pocu duveria ghjunghje una canzona di rap chì mintuverà i fradés di e cités.

Ùn ci la femu micca à fà parlà corsu à i Corsi. Ancu menu à fà di u Corsu una lingua officiale (a republica hè unéindivisible...). Ma à fà entre fradé in u dizziunariu, podarsi.

Avemu e vittorie ch'è no pudemu strappà...