Benvenuti à Sarkozy è à u nulu radioattivu

Doppiu culpacciu in 24 ore in Corsica : sò ghjunti Sarkozy in Sulinzara è a radioattività giappunese. Chì serà u peghju di i dui ?

Avà sapemu perchè Sarkozy hè attaccatu à a Corsica : li ghjova di basa militare, per ghjucà à a guerra cù i so aviò. Hè ghjuntu era à a basa di Sulinzara (chì si trova in fatti in Vintisari è chì si chjama oghje "Zarà") per fà u Tom Cruise di "Top Gun".

L'aviò chì anu da bumbardà à Kadhafi partenu dunque da a basa chì porta u nome di "Commandant Albert Preziosi"... Pocu capatoghju Freudiannu pè u puverettu di Muammar !

Tristu destinu di a Corsica, chì u solu rollu hè d'esse un "porte-avion" di l'OTAN in u Mediterraniu...

25 anni dopu à Cernobil, u nulu radioattivu face u so grande come back. Ma ùn v'inchietate, i spezialisti ci dicenu chì "les risques sont minimes "... allora semu salvi. Heu... ùn vi ramenta nunda ?

Finalmente, trà a radioattività è Sarkozy, difficiule di dì qualessu hè u peghju di i dui...

u 23 di Marzu 2011

U Webmaestru

Accueil

Envoyer à un ami

Version imprimable

1.mandatu da ANTO u 23/03/2011 16:00

Vengu di vède u nostru présidente di a "région corse" chi ghjè andatu a pienghje in Parigi ,duvè tutti l'hannu assicuratu chi tuttu sarebbe fatttu ...ecetera ecetera !Sentimu questa di poi u tempu di Luiggi Piombu e l'affari so sempre in u listessu statu ....e si u so amicu hè statu tombu di manera cusi goffa ,hè po esse perch'ellu avia messu i pedi in duv'èllu un ci vulia mica a metteli .
allora tra Sarkozy e u nulu a scelta hè prestu fatta .

http://www.blog-anto.be

2.mandatu da mamone u 23/03/2011 17:06

Avete ragione "pocu capatoghju Freudianu"!! ma sarà veru ch'ellu è u figljolu di u cummandante Preziosi ? In tutti i casi ,si capisci megliu a cio che la serve a Corsica per Sarko: basa militare e residenza secundaria per i so amichi (affare Clavier...)....

Novu cumentu :