Astérix in Corsica à u sinemà ?

Innò ùn hè micca una magagna, si parla da veru di l'adattazione d'Asterix in Corsica à u sinema, ci dicenu Première è dinù Allociné.

È sì l'affare ùn hè ancu fatta, ùn simu micca francamente impazienti di vede u risultatu. L'album di René Goscinny (chì avia fattu u scenariu) è Albert Uderzo (e fiure) era eccezziunale. Ma quand'ellu si sà quant'ella hè difficiule l'adattazione da u libru à u screnu...

Ùn pudemu stà senza dumandacci quale seranu l'attori. U nostru amicu Christian Clavier ferà u so grande ritornu in Corsica ? È quale per ghjucà u persunagiu di Ocatarinetabellatchitchix ?

Vincent Cassel ? Gad Elmaleh ? Kev Adams ? Jo Bonavita ?

Principiate puru à pensà à u peghju, hà da vene prestu.