Ancu una techja di l'alerte orange ?

Ch'o ùn senta più nunda !

Vuliate appena d'acqua perchè chì truvavate chì a natura ùn era abbastanza verde, chì Golu facia pietà, chì a lettura di Corse-Matin vi spaventava cù u sinistru barrage de Codol' ?

Eccu ! À mumenti sò dui mesi chì a Corsica hè sott'à alerte orange è ch'ellu ùn si pò più mette u nasu fora. Eppo appruntatevi à stavvi in casa vostra, u tempu previstu per a settimana à vene hè u listessu : ventu, acqua, tempurale è Vizzavona bluccatu.

Avà ancu Marina Raibaldi mi stumaga è ùn a fideghju mancu più. Quand'ella ghjunghje a meteò, scambiu subbitu è cacciu à France 3.

U più cuntentu in a storia, hè Emile Zuccarelli. Si rallegra in u so ultimu cummunicatu : "Je me félicite que les conditions météorologiques désastreuses de ces dernières semaines aient fait reculer les poseurs de bombes. Les clandestins semblent redouter le mauvais temps et nous avons enregistré une baisse sensible du nombre d'attentats. C'est pourquoi je n'ai eu à rédiger aucun communiqué de condamnation. Nous pouvons être optimistes et espérer que le mauvais perdure au moins jusqu'en mars, voire mi-juin".

Bon, almenu ci n'hè unu chì hè felice...