![Ancu Lucciana hè toccu da i pippulacci... Ancu Lucciana hè toccu da i pippulacci...](https://www.wmaker.net/apiazzetta/photo/art/default/1573502-2107414.jpg?v=1289514959)
U 26 di settembre prùssimu serà posta a simbòlica "prima petra" di u futuru centru museugràficu di Mariana, in Lucciana. Purterà u nome di... "Prince Rainier III de Monaco" !!! Per sta cerimonia serà di siguru presente quellu chì si face chjamà Son Altesse Sérénissime le prince Albert II de Monaco.
Hè vera chì ci sò ligami antichi (è riattivati dapoi pocu tempu) trà a cumuna di Lucciana è Monaco. Segondu a legenda, Santa Divota diventata più tardi prutettrice di a Corsica, saria originaria d'un paisolu anticu oghje smarritu chì si truvava nant'à u territoriu attuale di Lucciana. Saria stata martirizata à u principiu di u quartu seculu è u so corpu chì duvia esse brusgiatu fù ricuperatu da cristiani chì fughjianu a persecuzione è chì vulianu interrà a giuvanotta in Africa.
Ma subbitu una timpesta si pisò. Tandu, una culomba surtì da a bocca di Divota chì guidò a barcella sin'à u locu attuale di Mònaco. Cusì, a giovana màrtire di Mariana diventò a prutettrice di u Principatu.
A legenda hè bella è st'episodiu fundivu unisce i dui lati di u Mediterraniu. Ma ci pudemu quantunque interrugacci nant'à a necessità di sceglie stu nome per una struttura museugràfica è scentifica bramata dapoi più di 40 anni...
Ci vulia veramente à scurdassi di i travagli di i sturiani, circadori è archeòloghi corsi chì si sò interessati à u situ di Mariana è solu pensà à alliscià u pelu di i munegaschi, di manera à incuragisci ipòtetichi è futuri scambii trà e duie cità ?
Cusì, nè i travaglii è dimarchje di Prete Galletti, purtantu di Lucciana à prò di a prutezzione di l'edifizii rumànichi di Mariana à a fine di u XIXu seculu, nè e ricerche fundive di Louis Leschi è Albert Chauvel (trà e duie guerre), nemancu i scavi cundutti tante volte da Geneviève Moracchini‐Mazel (sempre viva... trippa per certi !) ùn anu ritenutu l'attenzione di a municipalità luccianinca. Per furtuna, in Lucciana, dannu è risa ùn tòmbanu à nimu
D'altronde, d'altri prugetti in Corsica sò più ch'è avanzati : un museu di a cetera è di i strumenti tradiziunali duveria purtà u nome di David Guetta, una fonòteca Bob Sinclar (civa per Bernard Pazzoni !), u Centru di e Musiche Tradiziunale di Sermanu si chjamerà Pascal Obispo.
In Portivechju, a cinemateca duveria scambià di nome per chjamassi Michaël Youn o Clara Morgane, almenu ch'ellu sia preferitu u nome di Philippe Gildas. In Bastia, a scelta si ferà trà Elie Semoun o Guy Bedos.
In altrò si battenu per avè u nome di Christian Clavier. È per u futuru antiquarium di u situ Alban/San Ghjuvà d’Aiacciu, perchè micca sceglie un nome nustrale, Francis Bouygues o Vladimir Poutine…
Hè vera chì ci sò ligami antichi (è riattivati dapoi pocu tempu) trà a cumuna di Lucciana è Monaco. Segondu a legenda, Santa Divota diventata più tardi prutettrice di a Corsica, saria originaria d'un paisolu anticu oghje smarritu chì si truvava nant'à u territoriu attuale di Lucciana. Saria stata martirizata à u principiu di u quartu seculu è u so corpu chì duvia esse brusgiatu fù ricuperatu da cristiani chì fughjianu a persecuzione è chì vulianu interrà a giuvanotta in Africa.
Ma subbitu una timpesta si pisò. Tandu, una culomba surtì da a bocca di Divota chì guidò a barcella sin'à u locu attuale di Mònaco. Cusì, a giovana màrtire di Mariana diventò a prutettrice di u Principatu.
A legenda hè bella è st'episodiu fundivu unisce i dui lati di u Mediterraniu. Ma ci pudemu quantunque interrugacci nant'à a necessità di sceglie stu nome per una struttura museugràfica è scentifica bramata dapoi più di 40 anni...
Ci vulia veramente à scurdassi di i travagli di i sturiani, circadori è archeòloghi corsi chì si sò interessati à u situ di Mariana è solu pensà à alliscià u pelu di i munegaschi, di manera à incuragisci ipòtetichi è futuri scambii trà e duie cità ?
Cusì, nè i travaglii è dimarchje di Prete Galletti, purtantu di Lucciana à prò di a prutezzione di l'edifizii rumànichi di Mariana à a fine di u XIXu seculu, nè e ricerche fundive di Louis Leschi è Albert Chauvel (trà e duie guerre), nemancu i scavi cundutti tante volte da Geneviève Moracchini‐Mazel (sempre viva... trippa per certi !) ùn anu ritenutu l'attenzione di a municipalità luccianinca. Per furtuna, in Lucciana, dannu è risa ùn tòmbanu à nimu
D'altronde, d'altri prugetti in Corsica sò più ch'è avanzati : un museu di a cetera è di i strumenti tradiziunali duveria purtà u nome di David Guetta, una fonòteca Bob Sinclar (civa per Bernard Pazzoni !), u Centru di e Musiche Tradiziunale di Sermanu si chjamerà Pascal Obispo.
In Portivechju, a cinemateca duveria scambià di nome per chjamassi Michaël Youn o Clara Morgane, almenu ch'ellu sia preferitu u nome di Philippe Gildas. In Bastia, a scelta si ferà trà Elie Semoun o Guy Bedos.
In altrò si battenu per avè u nome di Christian Clavier. È per u futuru antiquarium di u situ Alban/San Ghjuvà d’Aiacciu, perchè micca sceglie un nome nustrale, Francis Bouygues o Vladimir Poutine…