![A campagna eletturale corsa vista da u net A campagna eletturale corsa vista da u net](https://www.wmaker.net/apiazzetta/photo/art/default/856604-1051353.jpg?v=1289515013)
Sin'à avà è fora di i naziunalisti (sopr'à tuttu cù u situ Unità Naziunale, i pulitichi corsi parianu ùn micca vede l'interessu di stu novu media ch'hè internet. Forse u vidianu cum'è qualcosa di luntanu, un ogettu curiosu senza impurtanza, una spezia di gadget pè i giovani.
Ma l'affari anu cambiatu. L'ADSL è u wifi anu fattu a so entrata in a magiurità di e case corse è l'usu d'internet s'hè demucratizatu.
I nostri puliticanti anu finitu per capisce l'impurtanza ch'elli avianu d'esse presenti nant'à a tela.
È si di siguru una campagna eletturale ùn si vince micca nant'à u world wide web, ùn micca esseci, face veramente gattivu effettu...
A Francia hà scupertu l'impurtanza di u web durante l'ultime presidenziali. Partigiani di Bayrou, di Ségolène è di Sarko multiplicavanu i siti di sustegnu è a battaglia era accanita à colpi di videò nant'à Dailymotion è Youtube, à quandu à a gloria di l'unu, à quandu pè fà fallà à u nemicu.
Videremu affari sìmuli in Corsica ?
Micca siguru, ma femu u giru per vede quale hà u so situ o nò.
Cummincemu u nostru girettu virtuale in Bastia.
Emile Zuccarelli hà u so propiu situ piuttostu clàssicu.
I naziunalisti sò tutti presenti. Ch'ellu sia cù e liste di Gilles Simeoni o di Jean-Guy Talamoni. Tutt'è dui pruponenu videò di i so meeting : fidighjate quì per Simeoni è quì per a Lista Talamoni
Pierre Chiarelli si vole un omu mudernu è a mostra nant'à u situ di "Bastia Nouvelle Génération". Sola vera originalità di a campagna corsa, un clip chì presenta à Bastia di manera abbastanza negativa pè u merre attuale... à vede quì !
Jean-Louis Albertini si cuntenta d'un poveru skyblog in quant'à a candidata di u Modem circherà à fassi un nome.
è per Jean-François Baccarelli sempre nunda... Forse innù i ghjorni à vene ? Aspettemu.
In Aiacciu guasi tutte e liste in corsa pè a meria sò presenti :
U più à a punta di e tennulugie nove ? Siguramente Simon Renucci è a so "Simon TV".
À diritta sò tutti in pista : da José Rossi à Philippe Cortey sin'à Paul Ruault.
Ancu François Filoni ci hè cù un situ piuttostu cunfusu.
Poca originalità ind'è i naziunalisti aiaccini : ch'ellu sia pè a lista di Thierry Casanova, quella di Lucien Felli è quelle di Jacky Rossi, i siti in linea sò piuttostu magri.
È in Portivechju ?
A lista "U Riacquistu" hà u so blog di campagna.
Quella di "Campà vivre ensemble" dinù. Camille de Rocca Serra hà u so situ ma nunda nant'à e municipali. È pè u lider di l'uppusizione Jean-Christophe Angelini eccu à Portivechju Altrimenti.
In Bonifaziu si trovanu u blog di "Bonifacio 21" è di "Union pour Bonifacio".
Ci vole à andà à circà in Lucciana appena d'originalità cù Geneviève Filippi chì parte à l'assaltu di a meria tenuta da José Galletti. I dui anu e so videò di campagna in linea. Da vede !
In Ghisunaccia Truvemu u situ di Francis Guidici è in Ghisoni ci hè "le sursaut ghisonais"
In L'Isula, Jean-Claude Guazzelli cù a so lista "Ile Rousse Ensemble " hà fattu u sforzu di creà un bellu situ. Pè a cità balanina truvemu ancu un situ nant'à l'elezzioni : election-isularossa.org
Infine hè in Calcatoghju ch'internet piglia tutta a so dimensione. Ridite ? Andate à vede u situ di u "Svègliu Calcatughjesu" chì hà dinù u so blog è di "Scambiemu Calcatoghju Inseme". Stunante nò ? Andate à parlà voi, di "frattura numèrica" in Calcatoghju !
È nant'à Facebook ?
N'avemu digià parlatu, u situ di sucializazione Facebook hè u spaziu induv'ellu ci vole à esseci. Pocu affare, s'ellu ùn hè torna à Tonton Simon sempre à a punta cù u so gruppu "Génération Simon Renucci" (34 personne iscritte) è quellu di Gilles Simeoni "Inseme Per Bastia" (31 scrizzioni). À u mumentu induve scrivu ste ligne, u gruppu di sustegnu à Emile Zuccarelli intitulatu "Il n'y a pas que les vieux qui votent pour Milou" (sic) hà... quattru personne iscritte.
Infine pè l'archivi di l'anziane elezzioni, ci hè u situ di Mediaterra cù i risultati di e cantunali, territuriali o municipali dapoi 1998.
Pè riassume : guasi tutte e liste aiaccine è bastiacce anu un situ o un blog di campagna, segnu chì i pulitichi anu pigliatu a misura di l'impurtanza di u web in una campagna eletturale. Era ora ch'elli capiscinu ch'ellu hè un veru mezu di cumunicazione capace di fà avanzà e so edee. Ma i siti s'assumiglianu tutti, l'originalità sò poche, s'ellu ùn hè qualchì videò in linea.
Allora, s'è vo vulete veramente ch'è no votimu per voi, fate puru un sforzu !
Circheremu durante a campagna di tene à ghjornu st'articulu s'è no truvemu d'astri siti di candidati. Ancu voi s'è vo ne truvate, dateci puru l'indirizzu.
Ma l'affari anu cambiatu. L'ADSL è u wifi anu fattu a so entrata in a magiurità di e case corse è l'usu d'internet s'hè demucratizatu.
I nostri puliticanti anu finitu per capisce l'impurtanza ch'elli avianu d'esse presenti nant'à a tela.
È si di siguru una campagna eletturale ùn si vince micca nant'à u world wide web, ùn micca esseci, face veramente gattivu effettu...
A Francia hà scupertu l'impurtanza di u web durante l'ultime presidenziali. Partigiani di Bayrou, di Ségolène è di Sarko multiplicavanu i siti di sustegnu è a battaglia era accanita à colpi di videò nant'à Dailymotion è Youtube, à quandu à a gloria di l'unu, à quandu pè fà fallà à u nemicu.
Videremu affari sìmuli in Corsica ?
Micca siguru, ma femu u giru per vede quale hà u so situ o nò.
Cummincemu u nostru girettu virtuale in Bastia.
Emile Zuccarelli hà u so propiu situ piuttostu clàssicu.
I naziunalisti sò tutti presenti. Ch'ellu sia cù e liste di Gilles Simeoni o di Jean-Guy Talamoni. Tutt'è dui pruponenu videò di i so meeting : fidighjate quì per Simeoni è quì per a Lista Talamoni
Pierre Chiarelli si vole un omu mudernu è a mostra nant'à u situ di "Bastia Nouvelle Génération". Sola vera originalità di a campagna corsa, un clip chì presenta à Bastia di manera abbastanza negativa pè u merre attuale... à vede quì !
Jean-Louis Albertini si cuntenta d'un poveru skyblog in quant'à a candidata di u Modem circherà à fassi un nome.
è per Jean-François Baccarelli sempre nunda... Forse innù i ghjorni à vene ? Aspettemu.
In Aiacciu guasi tutte e liste in corsa pè a meria sò presenti :
U più à a punta di e tennulugie nove ? Siguramente Simon Renucci è a so "Simon TV".
À diritta sò tutti in pista : da José Rossi à Philippe Cortey sin'à Paul Ruault.
Ancu François Filoni ci hè cù un situ piuttostu cunfusu.
Poca originalità ind'è i naziunalisti aiaccini : ch'ellu sia pè a lista di Thierry Casanova, quella di Lucien Felli è quelle di Jacky Rossi, i siti in linea sò piuttostu magri.
È in Portivechju ?
A lista "U Riacquistu" hà u so blog di campagna.
Quella di "Campà vivre ensemble" dinù. Camille de Rocca Serra hà u so situ ma nunda nant'à e municipali. È pè u lider di l'uppusizione Jean-Christophe Angelini eccu à Portivechju Altrimenti.
In Bonifaziu si trovanu u blog di "Bonifacio 21" è di "Union pour Bonifacio".
Ci vole à andà à circà in Lucciana appena d'originalità cù Geneviève Filippi chì parte à l'assaltu di a meria tenuta da José Galletti. I dui anu e so videò di campagna in linea. Da vede !
In Ghisunaccia Truvemu u situ di Francis Guidici è in Ghisoni ci hè "le sursaut ghisonais"
In L'Isula, Jean-Claude Guazzelli cù a so lista "Ile Rousse Ensemble " hà fattu u sforzu di creà un bellu situ. Pè a cità balanina truvemu ancu un situ nant'à l'elezzioni : election-isularossa.org
Infine hè in Calcatoghju ch'internet piglia tutta a so dimensione. Ridite ? Andate à vede u situ di u "Svègliu Calcatughjesu" chì hà dinù u so blog è di "Scambiemu Calcatoghju Inseme". Stunante nò ? Andate à parlà voi, di "frattura numèrica" in Calcatoghju !
È nant'à Facebook ?
N'avemu digià parlatu, u situ di sucializazione Facebook hè u spaziu induv'ellu ci vole à esseci. Pocu affare, s'ellu ùn hè torna à Tonton Simon sempre à a punta cù u so gruppu "Génération Simon Renucci" (34 personne iscritte) è quellu di Gilles Simeoni "Inseme Per Bastia" (31 scrizzioni). À u mumentu induve scrivu ste ligne, u gruppu di sustegnu à Emile Zuccarelli intitulatu "Il n'y a pas que les vieux qui votent pour Milou" (sic) hà... quattru personne iscritte.
Infine pè l'archivi di l'anziane elezzioni, ci hè u situ di Mediaterra cù i risultati di e cantunali, territuriali o municipali dapoi 1998.
Pè riassume : guasi tutte e liste aiaccine è bastiacce anu un situ o un blog di campagna, segnu chì i pulitichi anu pigliatu a misura di l'impurtanza di u web in una campagna eletturale. Era ora ch'elli capiscinu ch'ellu hè un veru mezu di cumunicazione capace di fà avanzà e so edee. Ma i siti s'assumiglianu tutti, l'originalità sò poche, s'ellu ùn hè qualchì videò in linea.
Allora, s'è vo vulete veramente ch'è no votimu per voi, fate puru un sforzu !
Circheremu durante a campagna di tene à ghjornu st'articulu s'è no truvemu d'astri siti di candidati. Ancu voi s'è vo ne truvate, dateci puru l'indirizzu.