![28 ghjennaghju di u 1983, more Claude Papi 28 ghjennaghju di u 1983, more Claude Papi](https://www.wmaker.net/apiazzetta/photo/art/default/11057804-18337820.jpg?v=1485605219)
Claude Papi nasce u 16 d'aprile di u 1949 in Portivechju. Ghjoca in DH è in e differente selezzione regiunale di giovani. Hè un ghjucadore offensivu, sia attaccante sia centrucampistu.
Si face rimarcà durante a stagione 1966-67 à u puntu d'esse pre-selezziunatu in l'équipe de France "juniors" d'aprile di u 67. France-Football u presenta in a so lista di i "22 meilleurs juniors de la promotion 1967" :
Si face rimarcà durante a stagione 1966-67 à u puntu d'esse pre-selezziunatu in l'équipe de France "juniors" d'aprile di u 67. France-Football u presenta in a so lista di i "22 meilleurs juniors de la promotion 1967" :
![Ducumentu : http://uneautrehistoiredufoot.blogs.lequipe.fr Ducumentu : http://uneautrehistoiredufoot.blogs.lequipe.fr](https://www.wmaker.net/apiazzetta/photo/art/default/11057804-18338143.jpg?v=1485605219)
Ducumentu : http://uneautrehistoiredufoot.blogs.lequipe.fr
Raghjunghje u SEC Bastia l'estate dopu è ghjoca a so prima partita prufessiunale u 27 d'agostu di u 1967. Tandu Bastia hè in segonda divisione.
![28 ghjennaghju di u 1983, more Claude Papi 28 ghjennaghju di u 1983, more Claude Papi](https://www.wmaker.net/apiazzetta/photo/art/default/11057804-18338149.jpg?v=1485605220)
![Ducumenti : www.corsefootball.fr Ducumenti : www.corsefootball.fr](https://www.wmaker.net/apiazzetta/photo/art/default/11057804-18338189.jpg?v=1485605220)
Ducumenti : www.corsefootball.fr
Casca bè, Bastia hà l'ambizione di raghjunghje l'AC Aiacciu in prima divisione. A squadra intrenata da Lucien Jasseron finisce campione. Tandu e stelle si chjamanu Paul Orsatti, Freddy Gandolfi, Jeannot Vincenti, Jean Camadini, Paolo Farina, Rolland Ehrhardt, René Ferrier, Marius Vescovali, Hubert Zénier...
Da leghe nant'à u situ Corse-Football
Da leghe nant'à u situ Corse-Football
![28 ghjennaghju di u 1983, more Claude Papi 28 ghjennaghju di u 1983, more Claude Papi](https://www.wmaker.net/apiazzetta/photo/art/default/11057804-18338237.jpg?v=1485605220)
Pianu pianu, u giovanu Claude Papi s'affirma cum'è un futuru maestru di u ballò. Ghjoca a finale di cuppa di Francia di u 1972 contr'à l'OM. Bastia perde (2-1) contr'à u campione di Francia, ma a più bella pagina di a storia di u futbol corsu hè da vene.
Hè durante a stagione 1976-77 chì u Sporting diventa una mascina di guerra. In Furiani ùn u pò parà nimu. A squadra bastiaccia finisce terza di u campiunatu di Francia è si qualificheghja cusì per a cuppa d'Auropa di l'UEFA.
![28 ghjennaghju di u 1983, more Claude Papi 28 ghjennaghju di u 1983, more Claude Papi](https://www.wmaker.net/apiazzetta/photo/art/default/11057804-18338332.jpg?v=1485607735)
Cù 82 rete marcate, u Sporting hè a prima attacca di Francia. I cannunieri si chjamanu Dragan Dzajic (21 rete), Fanfan Félix (21 rete), Jacques Zimako (15 rete) è Claude Papi (14 rete) .
![28 ghjennaghju di u 1983, more Claude Papi 28 ghjennaghju di u 1983, more Claude Papi](https://www.wmaker.net/apiazzetta/photo/art/default/11057804-18338363.jpg?v=1485607735)
Bastia face a paura. U 5 di ferraghju di u 77, mette una concia à u PSG (5 à 2). È tandu, si parlava digià di "contexte".
![28 ghjennaghju di u 1983, more Claude Papi 28 ghjennaghju di u 1983, more Claude Papi](https://www.wmaker.net/apiazzetta/photo/art/default/11057804-18338443.jpg?v=1485607735)
A seguita, a cunniscite. Bastia s'alza in finale di a cuppa d'Auropa cù un parcorsu eccezziunale è 7 vittorie cunsecutive. Claude Papi serà u grande artigianu di ciò chì ferma cum'è a più bella pagina di a storia di u futbol corsu.
In 12 partite di cuppa d'Auropa, marca à 7 riprese. I dui primi i segna contr'à Newcastle in Furiani :
In 12 partite di cuppa d'Auropa, marca à 7 riprese. I dui primi i segna contr'à Newcastle in Furiani :
È chì si pò dì di più nant'à a vittoria di Bastia in Italia, contr'à u grande Torino induve 20.000 Corsi s'eranu spiazzati ?
È quandu, in una mezafinale di legenda, Bastia ùn ci la face à marcà contr'à i Grasshopers di Zurich (basta una rete per qualificassi), da induve vene a luce ?
12 d'aprile di u 1978, 68u minutu di a partita. Claude Papi manda a Corsica in finale di a cuppa d'Auropa è Furiani campa u più grande mumentu di a so storia.
![28 ghjennaghju di u 1983, more Claude Papi 28 ghjennaghju di u 1983, more Claude Papi](https://www.wmaker.net/apiazzetta/photo/art/default/11057804-18338696.jpg?v=1485607735)
Invece, in selezzione serà un'altra storia. Claude Papi soffre siguramente d'esse menu mediatizatu chì s'ellu ghjucava in un club di cuntinente. Allora ch'ellu ùn avia ch'è 24 anni, u selezziunadore francese Stefan Kovaks dicerà : “quel dommage que Claude soit si vieux”...
Face quantunque parte di a selezzione francese pè u mundial argentinu in u 1978. Ma pare ch'ellu ùn pudia purtà ch'è una sola maglia turchina. Contr'à l'Ungheria, l'intendante francese si sbaglia in e maglie. A Francia hè custretta di ghjucà a so partita cù e maglie d'un club amatore chì li presta e soie...
Face quantunque parte di a selezzione francese pè u mundial argentinu in u 1978. Ma pare ch'ellu ùn pudia purtà ch'è una sola maglia turchina. Contr'à l'Ungheria, l'intendante francese si sbaglia in e maglie. A Francia hè custretta di ghjucà a so partita cù e maglie d'un club amatore chì li presta e soie...
![28 ghjennaghju di u 1983, more Claude Papi 28 ghjennaghju di u 1983, more Claude Papi](https://www.wmaker.net/apiazzetta/photo/art/default/11057804-18338722.jpg?v=1485608722)
Ma micca solu. U giurnale "Miroir du foot" scrive : "Papi est comme Bastia, et avant lui Ajaccio, la victime de l'ostracisme à l'égard de tout ce qui est insulaire, l'île de Beauté étant appréciée pour ses sites merveilleux et ses réminiscences historiques, mais jugée indésirable parmi l'élite en raison de son faible potentiel financier".
Da leghje nant'à Corse-Football
Chì saria stata a so carriera s'ellu avessi ghjucatu pè i grandi clubs di l'epica, Nantes o Saint-Etienne ?
Da leghje nant'à Corse-Football
Chì saria stata a so carriera s'ellu avessi ghjucatu pè i grandi clubs di l'epica, Nantes o Saint-Etienne ?
![28 ghjennaghju di u 1983, more Claude Papi 28 ghjennaghju di u 1983, more Claude Papi](https://www.wmaker.net/apiazzetta/photo/art/default/11057804-18338824.jpg?v=1485609714)
Ferritu, ùn puderà micca ghjucà a finale di cuppa di Francia vinta da Bastia, in u 1981. Tamanta inghjustizia...
Claude Papi ghjoca a so ultima partita di prima divisione u 4 di maghju di u 1982 in Furiani, contr'à u PSG. Sorte dop'à un culpacciu di u difensore pariginu Jean-Claude Lemoult chì u ferrisce.
Finisce cusì una ricca carriera di 479 partite di prima divisione è 134 rete marcate, tutte sott'à a maglia turchina. Pè e so qualità tecniche, a so visione di ghjocu, e so qualità nant'à è fora di u terrenu, Claude Papi hè cunsideratu cum'è u più grande ghjucadore corsu di tutti i tempi.
I taliani anu una parolla per quessa : dicenu "fuoriclasse".
Ma era dinù un'omu arradicatu assai à a so terra. Ùn hà mai vulsutu parte da Bastia per cunnosce a gloria sott'à d'altri celi. Claude Papi appartene à un altru tempu, un'altru futbol chì i ghjucadori d'oghje ùn ponu più capisce...
Claude Papi ghjoca a so ultima partita di prima divisione u 4 di maghju di u 1982 in Furiani, contr'à u PSG. Sorte dop'à un culpacciu di u difensore pariginu Jean-Claude Lemoult chì u ferrisce.
Finisce cusì una ricca carriera di 479 partite di prima divisione è 134 rete marcate, tutte sott'à a maglia turchina. Pè e so qualità tecniche, a so visione di ghjocu, e so qualità nant'à è fora di u terrenu, Claude Papi hè cunsideratu cum'è u più grande ghjucadore corsu di tutti i tempi.
I taliani anu una parolla per quessa : dicenu "fuoriclasse".
Ma era dinù un'omu arradicatu assai à a so terra. Ùn hà mai vulsutu parte da Bastia per cunnosce a gloria sott'à d'altri celi. Claude Papi appartene à un altru tempu, un'altru futbol chì i ghjucadori d'oghje ùn ponu più capisce...
![28 ghjennaghju di u 1983, more Claude Papi 28 ghjennaghju di u 1983, more Claude Papi](https://www.wmaker.net/apiazzetta/photo/art/default/11057804-18338866.jpg?v=1485609597)
Si spenghje u 28 di ghjennaghju di u 1983, à solu 34 anni d'una ruttura d'anevrisimu, dop'à una parita di tennis in Miomu.
Articulu messu in linea u 28/01/2017
Articulu messu in linea u 28/01/2017
![28 ghjennaghju di u 1983, more Claude Papi 28 ghjennaghju di u 1983, more Claude Papi](https://www.wmaker.net/apiazzetta/photo/art/default/11057804-18338938.jpg?v=1485609714)