O caru webmaestru,
vi prupongu una altra interpretazione: è sè u cumunutarisimu era quellu di i Corsi, ch`i anu fattu prestu à di, quandu un modu di cumpurtassi ùn li cunvene micca: « què so usi pinzuti »
una rimarca: a donne dice:  « toi continental ou ayant vécu sur le continent », vale à d`i  u Corsu chi ha campatu altro e chi a forse cert'usi chi piacenu di più à e donne , chi dopu à tanti anni di feminisimu anu a vulintà leghjittima d'esse in paru à l'omi. I salvatichi ( o anto)ùn s`o micca tutti ind'è e nostre muntagne. Une pochi ci s`o ancu ind'è e cità;
a Dichjarazione Universale di i Diritti Umani ùn vale solu per i Francesi.Ghjè per noi tutti umani: Donne, zitelli vittime di l'adulti, Persone senza tettu, Zingari, omossessuali, Tunisiani lampati fore di fruntiere è tutti quanti e predu à qualsiasi oppressione.
Chi ne pensateE chi pensà di l'intervenzione di Seb induve si meshjanu u peghju mascisimu( altra forma di razzismu) è l'insultu (chi ùn hè mai statu una manera di pensà.

ùn manca più chè "CORSICOS S'ABSTENIR"

Per mè, un hè micca difficiule d'interpretà st'annunziu.
Sensa parlà di razzisimu, d'ideolugia etc., mi pare chjaru chì certi campanu in Corsica è anu una teghja di i Corsi.

Ma simu ind'è noi !

O Sam, a u mio parre u prublema e simplice: Ancu se u populu corsu ùn hé micca cunsideratu cume populu da a lege francese, ellu si cunsidereghja cume populu! ancu s'ellu c'hé statu a culunizazione di l'idee di a lingua di l'ecunumia, a maio parte di i corsi cuntinueghjanu a cunsiderassi intra di elli cume cumpatriotti.

U prublema ghje chi oghje ghjornu ogni populu e prutettu da e so lege pe esempiu un tipu chi scalla in francia ha da esse obligatu a un integrazione minima (lingua rispettu di a lege...) pe pude campa ind'u paese chi l'accoglie! In corsica st'integrazione hé lasciata a a sola vulinta di l'omu: nisuna prutezione ufficiale di l'usi e i fatti suciali nostri! Face chi 99.9% di a ghjente chi scalla qui fermeranu stranieri a l'oghji di i corsi (finitu u tempu di l'integrazione pe bagnu culturale ùn esiste piu! ogne l'educazione si facenu cu a tele e a scolla). In piu di que sta ghjente ùn po mancu capi a situazione (nisuna cunniscenza di a storia di a cultura...) e piglia que pe razzisimu o barbaria!

Cusi nasce u cummunutarisimu! Ma a colpa vene a u statu chi mantene a ghente in l'ignuranza e incatena i populi daretu a un ideulugia ch'elli ùn annu mai applicatu!(dumandate a quelli chi so morti in sedan o verdun o in niolu e fiumorbu e a tutti quelli chi strazianu sempre anc'oghje se no simu tutti libari e pari davanta a lege).

Allora pensu chi ghje a a ghjente chi campà qui di fà prova d'umilita e di rispettu pe integrassi e micca a noi di entra ind'u so ghjogu chi ci cunduge a l'imerssione tutale ind'u mudellu franco-americanu e a a nostra morte cume populu...

cual he stu roulot ,u ghjurrnalistu di vinti quattr'ore ,u settimanale, mi pare bellu inpinzuttitu !!!!

"O sgio maestru, ùn hè micca colpa mea, hè colpa di l'altru! "
Cusi facenu i zitelli à a scola. Ma què, so usi di zitelli.Credu chè t'ai raghjo, o Grossu Panzutu, u populu corsu ùn hè micca u statu francese o qualsiasi statu chi ci hà da di s'ellu esiste o no. U populu corsu esiste perchè c'hè una vulintà di fallu campà. E a vulintà vene di l'omi chi cumponenu issu populu, chi dicenu:"eu so Corsu" qualsiasi a so origine etnica. Perchè ùn simu micca Corsi cum'è e pumate so pumate è ùn c'hè micca una essenza corsa. C'hè solu una esistenza corsa, qhi ghjè un fattu culturale,
E se a nostra lingua ùn hè più parlata, colpa à noi: Di tutti issi liceani chi manifesteghjanu per a cultura, quantu seghiteghjanu i corsi di corsu? Di tutti l'insignanti di corsu quantu leghjenu a litteratura corsa, a sparghjenu , s'interessanu à a musica o à u teatru corsu?
Di a ghjente chi scala qui si sente pareche volte: "ha messu u figliolu à amparà u corsu perchè hà paura d'esse palsticcatu". Ma quellu chi parla cusi, ùn la vede ch'ellu hè in traccia di nigà o so cultura? di pensà ch'ell'ùn hè micca abbastanza interessante per esse amparata per cio ch'ella hè: una bella lingua?
Bella scusa u statu francese, a televisio, e altre chjachjere. Sè a lingua si ne more hè chi ùn la parlemu più è basta.
E ghjè à noi, o Grossu Panzutu,di fà prova d'umilità è di rispettu per l'altri.
Aprimu e porte secondu a nostra antica tradizione d'ospitalità è stemu à sente à l'altri, è tandu saremu un populu forte, un populu chi s'allarga e si rinforza.
Se no avemu paura di l'altru, di u strangeru (è dunque un nemicu) allora faremu a prova di a nostra debbulezza e tandu simu noi chi diventeremu u cumunutarisimu , è tandu u populu corsu risigheghja di spari,

Grossu Panzutu +10000000.

O Cunfina, ti facciu rimarca chi dicu solu u mio parè senza dà lezzione à nimu, Allora, fà,u piacè, ùn mi tratta micca cù u to disprezzu perchè ùn mi pare tantu ghjustificatu. Un so sicuru chè tu sia più intelligente o più struitu chè mè.
So, (quant'è tè ) cio ch'elli so PonteNovu e e torre di u litturale.Tutti i populi anu avutu da combatte per esiste.
I populi, cum'è tutti l'urganisimi vivi so fatti per sviluppassi e allargassi, osino diventanu rancichi e si ne morenu: ghjè a legge di a natura.
E chi vole di u"francisume intellettuale"?
Voli di chi soli i Francesi anu intellettuali e chi noi simu gnocare?
Chi aduprà u so cerbellu ti face diventà Francese?
"A Francia ci ha vintu spiritualmente"? Quessa a dici tu. Per contu meu ùn si micca vintu, e u dibattitu cù qualsiasi Francese ùn mi face paura.So Francess quant'è elli ma ùn so micca Corsi Quant'è mè.
Vuleria di à Grossu panzutu chi ùn c'hè micca da rigrittà i cinquanta anni fà perchè à quell'epica a Corsa stava per spari. Hè forse statu o so peghju mumentu. A mossa di u riacquistu hà principiatu trenta anni fà cun l'INTELLETTUALI( mi dispace per Cunfina) CORSI.A prima denuncia di u statu di a Corsica l'hà fattu «  Main basse sur une Ile, » in 69.
Dunque a risistenza per a nostra cultura si po fa ogni ghjornu e in ogni mumentu.e deve esse fatta da tutti.
Forse chi ùn ci sbucheremu ma ùn avemu micca d'altra scelta.
P.S. So d'issi mundialisti: ùn credu micca chi a Corsica sia un tufone cappiatu in l'universu . Simu d'issa Terra.

o lettore ,
Roulot he statu allevatu in Francia , ma he curtinese .