fighjendu bè st'opara, ciò chì si rimarca ùn hè a faccia di pasquale, hè piutostu l'assenza di collu !
u goffu in ssa statua hè ch'ùn ha micca collu è ch'ella ha i spaddi chjuchi. Inveci chi à nantu à tutti i ritratti, s'ell'hè vera chi scambia la faccia, hè sempri u babbu spaddilargu è collilongu !
u zocculu hè goffu goffu, troppu grande, è ssa statua hè troppu "cincentrata", manca un biotu tra u zocculu hè a statua; macnca solu di finezza è di gustu ! ma pensu chì rifendu u zocculu è staccallu un pocu da a statua rindaria appena un aspettu nurmale à l'opara.
di modu generale pensu ancu eiu chi una statua deve rende a putenza di a parsona ancu inganendu a realità; è pensu dinù chi... E MERDA ! HE GOFFA HE GOFFA, E BASTA !!!

Panzutu era forsi.... Ma eiu mi pongu una antra quistioni : d'aprressu à voi, Pasquale Paoli, saria statu d'accunsentu cù u "matrimoniu par tutti" o no :) ?

S’e vo ghjunghjite in a pievi d’Ampugnani, passendu per a Casinca, dopu francatu u paese di Porri, è a bocca di Sant Agustinu, prestu truvarete u paese di Silvarecciu è pò Pianu, è nanzu di ghjunghje in Casabianca, in bor di strada, si trova l’anticu cunventu.
L’Ampugnani, è d’una manera generale, tutta a Castagniccia, si pò cunceve cume un nulu di picculi paesoli antichi, è per certi diserti, custruiti à fiancu à i monti, è tra i quali si passa per piccule straduccie strette strette, nant’à e quale u falsu muvimentu u più minimu ùn pò perdunà. Malgratu a mio cuniscenza di sti lochi magichi, sò sempre cusì maravigliatu da a bellezza salvatichi chì stu rughjone rigala à i mio ochji, quante quelle di tanti altri paesi corsi. Culà, d’ogni latu di a strada, ùn simu ingirati ch’e da a furesta a più squisita, o da a machja a più ribella, almenu ch’ella fussini scoglii nobili. È tandu, à mezu à a serenità di i castagnii, ghjovani o vechji, in bona saluta o micca, u silenziu si face rimore per salutà a bellezza di a Corsica.
Ghjuntu sopra piazza, à a bocca di Sant’Antone, locu duve precisamente si trova stu cunventu, ùn pudemu ch’e sta in ammirazione davanti à ste ruvine venerabile, sempre arritte ben ch’e cusì sfragellate, simbolu d’un anima corsa chì più ch’e tuttu, ùn vole micca more. Ruvine venerabile senza più tettu di cio chì fù un cunventu d’un epica duve si sapia custruisce, in u quale s’hè stallatu, dapoi u principiu di u vintesimu seculu, un picculu campusantu, è ingirate da castagni magnifichi. Sempre elli…

Di sicuru, pensu chì quelli di i mio lettori chì serianu i più astuti, o i più fidi averanu prestu da induvinà di cosa vogliu parlà, è l’intaressu particulare, aldilà di patrimuniale, di stu magnificu, ben ch’e in ruvina, cunventu di l’Ampugnani.
Per l’altri, vi l’aghju da cuntà, è spergu, per u vostru più gran piacere.
In u 1755, Pasquale de Paoli, ghjovanu corsu, hè in esiliu à Napoli dapoi qualchi anni, dapoi ch’ellu hà seguitatu u so babbu, l’anzianu Generale di a Nazione Ghjacintu Paoli, di Merusaglia, dopu chì a prima invasione francese messi un termine à e brame di libertà di i Naziunali corsi è di a nazione corsa. Fra tempu, u generale Gafforj avia pussutu unificà i Corsi, è ripiglià a lotta, ma fù assassinatu in u 1753 à tradimentu, lascendu dunque a Corsica senza capurale, ben ch’e quasi liberata. U putere fù tandu datu à Clemente Paoli, u fratellu di Pasquale, firmati sopra locu, chì prestu chjamò u so fratellu in u so esiliu napulitanu. Pasquale ricevì u missaghju è assai prestu rivenì, accittatu di manera quasi unanima da i Naziunali, à tal puntu chì, u 14 di lugliu di u 1755, à u Cunventu di Casabianca in a pievi d’Ampugnani, in pienu core di a Castagniccia, una Cunsulta si face chì pruchjama Pasquale de Paoli Generale di a Nazione Corsa.
I quattordeci anni chì seguitonu fubbinu impiegati da Paoli è da i so partigiani à fà caminà a Corsica à u megliu nant’à a strada di u prugressu è di a dimucrazia…
À quell’epica, e Cunsulte, quante quella di Casabianca (à u livellu più eccezziunale), custituavanu una riprisentazione dimucratica rimarcavule à l’epica duve i capu di statu in Auropa eranu essenzialmente munarchi di dirittu divinu ch’ùn eranu mancu chjamati dittattori, ben ch’e u termine averia statu perfettu. Per quessa, per tutte ste raghjone, a nostra Storia custituisce, à contu meiu, u migliore di tutti l’argumenti chi sianu à fà vede à tutti quelli, razzisti, chì ci scherzanu è ci inghjurianu. Per tutte ste raghjone, più ch’e mai, pudemu esse fieri di i nostri antennati, di a nostra Storia, sopra tuttu per pruvà à rendelli ommagiu, custruiscendu un avvene migliore, incù serenità, ma senza pattighjà.
Di sicuru, l’antica demucrazia corsa ùn era perfetta, ma per l’epica, era veramente l’aspirazione di tuttu un populu à a libertà, è què, più altu ch’e tutti i sfragelli accaduti dopu, più altu ch’e tutti i nostri sbaglii, più o menu pessimi, da i quali simu culpevuli, ùn devemu mai dimenticàcci.
A nostra Storia hè a nostra richezza.

E quessa !!!
http://commons.wikimedia.org/wiki/File:Apsley_House_-_Napoleon%27s_statue.JPG
Eppo, hè megliu di vede U Babbu panzutu (ma vistutu !) chi cusì
; )

U cunniscete u fiadone abruzzese?

http://lanticapasticceria.blogspot.it/2011/03/fiadoni-abruzzesi.html