Cumu ricunnosce... u novu naziunalistu corsu ?
"SEGUITeghja" , novu verbu in eghja ... e novlingua
O mattu, cunnosci tù a lista di i verbi in "eghja" ??
caru Nico un aghju bisognu di cunsultà a lista di i verbii in eghja (s'ella esiste) , u corsu un l'aghju micca amparatu à a scola e "seguiteghja" à parte in bocca à qualchi giovanu un si dice inlocu .
Và bè. Per contu meu hè piuttostu l'inversu, l'aghju sopratuttu imparatu à a scola ... Eppuru ùn cunnoscu micca veradimenti sta regula qui ... Per di ti, aviu dumandatu à un prufessori à l'Università, ùn era micca statu capace à risponde mi precisamenti ...
T'ai a raghjoni, a sucetà face scambià a lingua è micca solu in Corsica. Ci so paroddi novi cume "televisio", "urdinatori" ... è quessa hè nurmali. Ma quantunque senza essa puristu, pensu chi di fà sforzi senza inventà paroddi novi ogni ghjorni saria bè !! Mi sbaddu anc'eiu è ghjè cusi chi s'ampara una lingua, ma femu sforzi per parlà la currettamenti. Un s'agisce micca di ricusà cio chi ghjè novu ma di mantene a lingua ... Cunnoscu u cuntestu, di menu in menu di cursofoni ... U piu impurtanti ghjè di parlà corsu l'ai dettu, ma pruvemu quantunque à falla bè. U fattu di parlane qui ci permette d'imparà è forsi di capiscia i nosci sbaddi ... Nisunu vole tumbà a lingua (micca qui in tutti casi ...) ma à me par esempiu mi face cacà di sente di "busceru" (boucher), u "coiffeuru" (coiffeur) ... Tocc'à noi à fà sforzi ancu s'è "tuttu mondu a dice". Eccu. PACI è SALUTA à tutti, LIBARTA !!!!!!!!!!
Pocu travaddu ... Ghjè quessa u prublema, comu voli standardizà a lingua senza adduniscia la è dunqua sguassà e varietà chi so, l'ai dettu, vera ricchezza ?!! So d'accunsentu, ùn ci vole micca avè a paura di cio chi ghjè novu è ùn emu mancu bisognu di i gallicismi, avemu i nosci paroddi !! Dopu ghjè sempri listessu, ci vole à truvà u bon equilibriu trà mudernità è tradizioni ... A a scola mi si pare chi ghjè sopratuttu u corsu cismonticu chi s'impara, s'hè passatu cusi par me (in Aiacciu). Dopu facciu sforzi par avviccinà mi di a lingua d'ind'è mè, hè vera chi ci parmittaria d'andà avanti. Oghji i noscii riprisententi so corsofoni, ci vole à prufittà ne è parchi micca fà passà u missaghju (à Giacometti è Luciani) ancu se t'avemu ancu noscu qualcosa à purtà à st'andatura.
![](/_images/icones/bt_forum_5.png?v=1211889804) Scrive una risposta
|
|