E veru chi un face micca piacè di leghje dichjarazione cume quelle di issu grecu, ma cume si dice in francese "un ci hè fume senza foccu", e ci si vole a ricunoscelu simu divvintatu u populu u piu assistanatu di l'auropa.

Je ne peux te répondre en Corse, je le comprends mais ne le parle presque pas et encore moins ne sait l'écrire ! Ma ! Ti dicco una cosa, una meravigliosa notizia ! La Corse et les corses bien sûr, puisque c'est grâce à eux que cela arrive, vient d'être nommée "l'Ile des Justes" !!! Cette nomination parce que des femmes corses ont su cacher, lors de la dernière guerre, des juifs recherchés par les italiens puis les allemands ! Des juifs dont d'ailleurs, certains des enfants sont nés sur l'île, ont mis en évidence ces corses anonymes qui ont eu le courage de sauver tant de juifs sans crier sur les toits leur bravoure !!! Viva la Corsica !!! E viva la Sardegna anche, daverro ! Bacioni à tutti !

non non je ne veut pas devenir le Olivier Balbino (rcfm) de la station !!!!!!! (eduardo mentosa: patron de l'émission" jazz in lisboa" sur radio portugal)

E alora chi ci ha da purtà d'esse ricunisciutu " un Populu Ghjustu" a sapemu noi cio che no avemu fattu ?
Ne aghju una tecchia di fà parte di u "patrimoniu mundiale", una riserva d'indiani, una lingua a salva di a disparizione,a Corsica he divintata un museu, e un hè piu un loccu di vita, volenu fà di a nostra terra un laburatoriu, induve studieranu issa sorte d'omu, chi campa ind'una natura salvatica e pura.
Un si po piu fà nudda senza fà rapportu a l'osservatore mundiale, e europeanu chi pagà per che nudda nun cambiissi in corsica.
Ie avemu salvattu, judei, arabi, russi bianchi e tant'altri, so i nostri usi, un l'avemu fattu per una ricunnuscènza qualunque.
Avale lasciatenu campà a l'usu corsu, cume sempre, cume tutti l'altri populi, avemu bisognu di svilluppà nostra ecunumia, di entre in lu XXI seculu, di diventà un paese mudernu, e tenite e vostre tituli onurifici per voi ,ch'ell' un servenu ch'a mentene un populu in sottumisione cun belle manere.

Quessi i grechi ùn so pIù quelli di i termopili chi si battianu contra l'orientale feroce...so quelli chi si facenu mette dà l'Europa mundialista....Peghju pè elli..

Lascemu corre, ùn ci vole à pruvà à risponde à a nostra gattiva magina : "simu belli, simu magnifichi", hè ridiculu dinù.

I Grechi piglianu u so contu anch'elli in tutta l'Europa in 'ssu mumentu. Peccatu ch'elli ùn pensinu ch'à pichjà nantu à noi noi per fassi valè! Mi dumandu quantnque cum'è a nostra "magina" face cusì u giru di u mondu...S'elli ci smintichessinu un pocu tutti 'ssi cerbelli senza imaginazione, seria una bona.

Ma quale hè sta scema chì scrive in francese, in mezu talianu è chì parla di a Sardegna? Ch'ela pianti per piacè.
Per ciò chì tocca à i grechi, à mè mi face propiu piacè. Perchè? facenu elli, à a piazza di a Francia, u custattu chè no simu abbandunati. Si parla di miseria è di lascia corre. Isula persa ! Invece di criticà u grecu chì hà capitu ciò chè no simu (è ciò ch'ellu ùn vuleria micca diventà ...), invece di dì ch'elli sò razzisti (ùn ci sbagliemu micca ...), dumandemu à l'eletti è aà a Francia ciò ch'elli contanu di fà per sviluppà a Corsica.

Portugallu, Italia, Grecia e Spagna so Chjamati Paesi "PIGS" pè i mezi economichi inglesi e tedeschi chi ùn nè vulinau elli indè l'Auropa..avà ùn ci mancanu più che i Turchi e Addiu UE e l'Europa....!!

Ùn capiscu micca eo, quessu tippu ùn parla micca male di a Corsica. Dice a verità. Perchè ? Ùn hè micca vera ciò ch'ellu hà dettu ? Perchè ? A Corsica ùn hè micca un paese sottusviluppatu (ùn sarà micca u solu di sicuru) ? Saria stata un'inghjuria, un'offesa vera s'ellu ci avia dettu fughjichje nant'à u statu di a Corsica, vulenduci fà crede ch'ùn ci hè male, chì tutta a ghjente quì campa bè, senza muche è felice di a so cundizione umana mentre chì pianamente è bè simu in trecce di more, di tutti i canti. Pensu chì ci vularia piuttostu à mettesi in zerga contr'à quelli chì da a mane à a sera, mettanu in anda tuttu un prucessu di strumentalisazione di e cuscenze pè fà dopu di l'omu, ciò ch'elli ne volenu. Parlu cusì di i puteri, tutti sti cosi ufficiali chì ci alienanu, chì ci facenu crede ch'ell'hè custì a verità, senza ch'è no ci accurghjimu, parlu di u statu francese chì ghjè una putenza culuniale è di i so arnesi chì sò a telè, i media, a scola... cù una sola pulitica in brama d'una sola cosa, una pulitica imperialista, una pulitica di spluttazione, quella di u soldu è di u prufittu, nunda ch'è què in vista è micca u benistà di l'omu à longu andà. È chì per quessa, ellu hè prontu à aduprà n'importa quale affare. Ma à pocu à pocu sta pulitica, chì ghjè una gattiva pulitica mundiale, micca solu di a Francia, ci arruvina, è à longu andà o à cortu andà forse hè cusì chì si perde l'umanità, u veru valore di l'omu, u solu cù u quale pò campà beatu, pè esse rimpiazzatu da u soldu, u solu valore pà campà disgraziatu. Tandu l'articuli chì mi facenu vene u sintimu di rivolta nant'à corciu matin pè compiella prestu, ùn sò micca quessi a vi dicu eo, sò quelli chì ci piglianu à a risa s'è no i vulemu piglià bè cù u ridiculu o quelli chì ci tombanu s'è no i vulemu piglià cù a rialità freta di sti prucessi d'alienazione di l'omi, di spluttazione à l'appiattu sinonimi di morte di l'individu è di prigiò (ch'ùn si pò vede facilamente), contr'à a libertà, a vera libertà, è tandu contr'à a verità è contr'à a ghjustizia. Ch'ellu campi u populu corsu, ch'ella campi l'Umanità è ch'ella campi a cuscenza viva pà ùn sottumettesi, mai ! Libertà.