La police française vient d'arrêter Yvan Colonna l'assassin...
Presentatu u ghjornu di a so arrestazione cum'è l'assassiniu di u prefettu da Nicolas Sarkozy, a culpabilità d'Yvan Colonna pare esse stata accertata da a ragiò di u Statu. Quant'è volte i Stati anu mancatu di chjarezza di pettu à situazione ghjudiziarie chì u mettianu in ghjocu ? In America, dopu a busturiaccia, Obama hà decisu subitu di chjode u campu di Guantanamo duve decine di prigiuneri aspettanu senza esse ghjudicati. In Francia, cunniscimu a sturiaccia di l'Irlandesi di Vincennes, quella di u Rainbow Warrior dinù... Più ridiculu ma gravissimu dinù, l'affare di e pagliotte palisava chì a riturnella di u statu di dirittu ci avia purtatu di fole in canzone... Più vicinu in u tempu, Outreau è Tarnac ci ramentanu chì in fatti di ghjustizia, chì và pianu và luntanu... Una ghjustizia chì manca di ghjudiziu è chì ùn dubbiteghja micca si ne trafala sempre in l'arbitrariu.
E Prove?
Contru à Yvan Colonna, ùn ci hè nisuna prova materiale. Nisuna stampa digitale, nisuna chjama telefonica chì u puderebbe assucià à l'assassiniu. E dichjarazione di l'altri accusati, strappate di notte tempu da i pulizzeri di a DNAT ùn bastanu à accertà a culpabilità d'Yvan Colonna, moltu più quandu omu sà chì certi PV sò stati falsificati, chì certi testimonii ùn sò micca stati intesi è chì d'altri assicuranu ch'ellu ùn era ellu à sparà nant'à u prefettu. Di regula, secondu u dirittu, tocca à l'accusazione di dimustrà a culpabilità di l'accusatu. Invece in stu prucessu, hè u cuntrariu. Ancu a dichjarazione di a moglia di Claude Erignac :" Yvan Colonna doit avouer", palesa a mancanza di prove di l'accusazione.
Una mossa di simpatia
Presentatu cum'è un gattivissimu sugettu da i media, Yvan Colonna hà cunnisciutu una mossa di simpatia larga larga. Dipoi u ghjornu di a so fughjita à a machja, finu à avà, ripresenta in l'imaginariu nustrale u banditu d'onore mudernu casticatu da una ghjustizia chì u si vole cundannà à tutti i patti. Simpatia di i Corsi chì si figuranu in ellu, per via di a so storia persunale, di u so luccu dinù, mubiliseghja un certu rumantisimu corsu. Simpatia di i bobò dinù, impenseriti ch'elli sò da l'evuluzione di u sistema ghjudiziariu. Perchè al di là di a quistione d'Yvan Colonna, hè a serenità di a ghjustizia chì vene interrugata. Dopu parechji affaracci, ogni citatinu hè impenseritu. Avemu a paura d'esse macinati, pistati o impezzati da a ghjustizia. Hè quessu u sensu di a mubilisazione per una ghjustizia ghjusta. Militante di l'abulizione, si capisce male l'intestardizia di Philippe Lemaire, l'avucatu di a famiglia Erignac. Eppuru l'auturità di st'avucatu è a dignità di madama Erignac ùn bastanu à fà d'Yvan Colonna un assassiniu. Farà fronte à u so discipulu, un antru tenoru di foru pariginu: Patrick Maisonneuve.
Per sapè ne di più: u situ d'Yvan Colonna
Presentatu u ghjornu di a so arrestazione cum'è l'assassiniu di u prefettu da Nicolas Sarkozy, a culpabilità d'Yvan Colonna pare esse stata accertata da a ragiò di u Statu. Quant'è volte i Stati anu mancatu di chjarezza di pettu à situazione ghjudiziarie chì u mettianu in ghjocu ? In America, dopu a busturiaccia, Obama hà decisu subitu di chjode u campu di Guantanamo duve decine di prigiuneri aspettanu senza esse ghjudicati. In Francia, cunniscimu a sturiaccia di l'Irlandesi di Vincennes, quella di u Rainbow Warrior dinù... Più ridiculu ma gravissimu dinù, l'affare di e pagliotte palisava chì a riturnella di u statu di dirittu ci avia purtatu di fole in canzone... Più vicinu in u tempu, Outreau è Tarnac ci ramentanu chì in fatti di ghjustizia, chì và pianu và luntanu... Una ghjustizia chì manca di ghjudiziu è chì ùn dubbiteghja micca si ne trafala sempre in l'arbitrariu.
E Prove?
Contru à Yvan Colonna, ùn ci hè nisuna prova materiale. Nisuna stampa digitale, nisuna chjama telefonica chì u puderebbe assucià à l'assassiniu. E dichjarazione di l'altri accusati, strappate di notte tempu da i pulizzeri di a DNAT ùn bastanu à accertà a culpabilità d'Yvan Colonna, moltu più quandu omu sà chì certi PV sò stati falsificati, chì certi testimonii ùn sò micca stati intesi è chì d'altri assicuranu ch'ellu ùn era ellu à sparà nant'à u prefettu. Di regula, secondu u dirittu, tocca à l'accusazione di dimustrà a culpabilità di l'accusatu. Invece in stu prucessu, hè u cuntrariu. Ancu a dichjarazione di a moglia di Claude Erignac :" Yvan Colonna doit avouer", palesa a mancanza di prove di l'accusazione.
Una mossa di simpatia
Presentatu cum'è un gattivissimu sugettu da i media, Yvan Colonna hà cunnisciutu una mossa di simpatia larga larga. Dipoi u ghjornu di a so fughjita à a machja, finu à avà, ripresenta in l'imaginariu nustrale u banditu d'onore mudernu casticatu da una ghjustizia chì u si vole cundannà à tutti i patti. Simpatia di i Corsi chì si figuranu in ellu, per via di a so storia persunale, di u so luccu dinù, mubiliseghja un certu rumantisimu corsu. Simpatia di i bobò dinù, impenseriti ch'elli sò da l'evuluzione di u sistema ghjudiziariu. Perchè al di là di a quistione d'Yvan Colonna, hè a serenità di a ghjustizia chì vene interrugata. Dopu parechji affaracci, ogni citatinu hè impenseritu. Avemu a paura d'esse macinati, pistati o impezzati da a ghjustizia. Hè quessu u sensu di a mubilisazione per una ghjustizia ghjusta. Militante di l'abulizione, si capisce male l'intestardizia di Philippe Lemaire, l'avucatu di a famiglia Erignac. Eppuru l'auturità di st'avucatu è a dignità di madama Erignac ùn bastanu à fà d'Yvan Colonna un assassiniu. Farà fronte à u so discipulu, un antru tenoru di foru pariginu: Patrick Maisonneuve.
Per sapè ne di più: u situ d'Yvan Colonna
A Corsica dice à vedeci à Edmond
