Una donna à u capu di a CTC ? Ùn serà micca per quist'annu non più

In Corsica a pulitca hè un affare d'omi è i futtogli di u putere. In i 61 eletti di a prima assemblea di Corsica in u 1982 si cuntava... una sola donna.

U mitu di "chez nous les femmes ont toujours eu le droit de vote" ne piglia un colpu.

"Induve sò e donne", cantava Patrick Juvet. Micca à a CTC...

Dece anni dopu, si ne conta... trè.

Un esecutivu di prugressu suciale.

A regula di a parità duvia scambià appena e cose. Hè vera chì a situazione hè appena inegualitaria è scandalosa. Rammintemu chì e donne sò numerose nant'à a terra è ch'elle rapresentatnu quantunque 50% di a pupulazione. Ùn pare micca cusì, ma hè assai.

Malgradu quessa, a pulitica ferma una storia d'omi (piuttostu vechji è incustumati). Ùn ci hè ch'è da vede a panicca à u mumentu di a cumpusizione di e liste induve spessu si cerca e donne à l'ultimu minutu (hè logica, nimu và à circalle in tempu normale). È spessu, hè per mette una "moglia di" o una "figliola di" (ùn vale micca a pena di turnà à parlà di a catastrofica storia di Prupià, annu passatu).

A prova cù st'inchiesta di France tv nant'à e donne à e regiunale.

A Corsica si distingue cù a so ultima piazza pè e regione induve e donne sò capiliste. È u peghju, hè ch'ellu ùn ci stona mancu più !

In u 1983, François Giroud dicia : "La femme serait vraiment l'égale de l'homme le jour où, à un poste important, on désignerait une femme incompétente."

Per avà avemu sempre una preferenza per l'omi incumpetenti.