Ùn hè veramente micca l'annata d'Ange Santini...

L'ex-capigenerale di a CTC hà avutu un accidente di vittura (micca grave) nant'à a Balanina. Dopu à u Padduc, l'AMG 800, a rivista à l'elezzioni è cumu s'ellu ùn bastava di suppurtassi à Anne-Marie Natali, cuntinuveghjanu i guai di u merre di Calvi.

A maledizzione di l'Ange Santini cuntinuveghja à perseguità l'ex-sceffu di a Corsica.

Dopu à l'episodiu catastròficu di u PADDUC, dopu à u schjaffu di Sarkozy (arricurdatevi : "le Padduc sera notre programme" è dopu Sarko chì dice "le Padduc est mis à la poubelle, c'était un mauvais projet"), dopu à u scumpientu di l'AMG 800 (300 millioni d'euro è forse mai in circulazione), dopu à u pattone à l'elezzioni è mentre ch'ellu deve dinù scunfiniscesi à Anne-Marie Natali i castichi ùn sò ancu à compie per Anghjulu.

Cume s'ellu ùn n'avissi abbastanza cusì, avemu amparatu in Corse-Matin chì Ange Santini hà avutu un accidente di vittura cù una 2 Cavalli nant'à a Balanina.

Rassicuratevi, ùn hè micca statu feritu. A so Jaguar hè solu diventata un "screu" da purtà ind'è Cass'Auto è l'alcotest hà dimustratu ch'ellu ùn era micca briacu.

Ùn pudemu ch'è cunsiglialli di fà caccià l'ochju. Curagiu o Anghjulu, l'annata hè guasi compia...

u 28 di Maghju 2010

u webmaestru

Accueil

Envoyer à un ami

Version imprimable

1.mandatu da u gorniaud u 28/05/2010 01:09

- è cosa aghju da diventà avà ?!?
- eh bè, un piéton !!!!

2.mandatu da miccaèbastiaciuinizza u 28/05/2010 11:20

un mi stupisce tantu...un ochju cusi nimu po caccialu !!!

3.mandatu da Cruducaldu u 28/05/2010 14:44

Nò o zitelli! Un hè micca causa soia,
ellu viaghjava a dritta, hè Bucchini chi s'hè affacatu in piena manca!!

4.mandatu da jean-phi u 28/05/2010 16:28

A chi cola, fala
A vita hè fatta à scala

Ci vole à sperà ch'ellu ùn ri-coli dà quì à pocu

5.mandatu da campagnolu u 28/05/2010 19:35

u peghju serà per a so jaguar...marca male avà chi ghjé inchjaccata

6.mandatu da Circinelludiguagnenativupeliguagnesusosanguaversatu u 29/05/2010 09:00

Mi pare à me chì in modu generale ùn hè micca a nostra annata à noi tutti...

7.mandatu da Terry Fiant.. u 29/05/2010 11:57

A Jaguar marca propiu male pè un pro-francese cume ellu...face Britisch Jet-society...!!

8.mandatu da anto u 29/05/2010 17:35

Cum'ella dice a publicita pinzutesca :un litru va bè ,trè litri so troppu !

http://anto.over-blog.org

9.mandatu da Sanguiraniu u 30/05/2010 13:52

À a piazza di u mortu ùn ci era nimu.....????

10.mandatu da uvezzanese u 03/06/2010 18:15

S'ell'era statu Camilou , l'alcotest averia possutu esse prublemàticu!!!

11.mandatu da mattei u 04/06/2010 17:50

u to blogu è ve, mi piace, u culpu di SANTINI ù rimake di " corniaud" die ,
amuzente
veni a fighja a mio petizione nantu à creazione di una scolà di kinesitherapia in CORSICA
url=http://www.mesopinions.com/creation-de-l-ecole-de-kinesitherapie

Novu cumentu :