U lamentu di San Valentinu

À l'occasione di a festa di San Valentinu, France 3 Corse Via Stella è u cullettivu Corsica Sound vi pruponenu una canzona piena d'amore, di basgi è di tenerezza. O micca.

Quist’annu, hè detta, sapemu chì fà
Jogging è calzette longhe nant’u sofà
Quist’annu, hè festa, ma basta u rimenu
Tutt’è duie è l’almanaccu di i rugbymen

Vechje serie merze è telè-realità
Cun chjarasginu è fravule Tagada
È solu Messenger da pudè piglià si in manu
Qualchi strampalatu o mitumanu

Emu abbastanza fattu a sperienza
È ùn avemu più a pazienza
Di supurtà catini
A sera di San Valentinu

Quist’ annu, si franca i rigali oimè
Chì ci vole à rivende dopu nantu à Ebay
Coccò, ti campi cù i to cumpagni
A rifà Ponte Novu in tribuna Petrignani

U mazzulucciu in prumuzione à Interflora
U purtarai à Mamma, li piacerà
U fioccu di farfalla è i moccassini à ghjande
I poi rimette per capu d’annu

Sta sera ti poi imbriacà
Ghjucà à carte o braccunà
O pagatti un tappinu
Per festighjà à San Valentinu

Quist’annu, da veru, chì simu à u strettu
Appiccicate à u caldu sott’a cuverta
È s’aspetta d’esse ingutuppate infine
D’una penciulata dolce è matuttina

Baruffe di cuscini currendusi appressu
Suchjette Sciupà Sciups è selfie duck face
Imburrà u carminu è strufinassi e spalle
Di talcu prufumatu è d’olii essenziale

O chì piacè traminduie in casa
Cu u stagnone di Haagen Daz
Listessu cuchjerinu
Da sparte per a San Valentinu

"U Lamentu di San Valentinu"

Voce : Diana Saliceti è Doria Ousset
Ghitarra, busuchì, bassa : Frédéric Antonpietri
Batteria : Michè Dominici
Pianò : Martial Paoli
Arregistratu da Toussaint Mariani à u studio Redtone
Mischiu : Frédéric Antonpietri
Mastering : Pierric Serre
Clippu realizatu da Laurent Simonpoli è Yann Benard
Artwork : Fab Mariani
Una coproduzzione Corsica Sound - ASL