U baròmetru di a viulenza 2008

I servizii di pulizza è di ghjustizia si feliciteghjanu : ci semu infine sbarrazzata di a nostra viulenza. Iè, a Corsica si porta assai megliu.

Iè, si ponu tutti felicità : a Corsica s'hè appaciata. Notte turchine ùn ci n'hè più. A pulizza anti terrurista ci l'hà fatta, n'avemu finitu cun 30 anni di viulenza. Alleluia !

A spiega José Thorel, procuratore di a Republica in Aiacciu, 50% di bombe in menu pè l'annu 2008.

Ma à rombu di corre appressu à "viulenza pulitica", forse s'hè menu fidighjatu ver di u banditisimu, i traffichi in tutti i gèneri, u milieu... Bon elli si sterpanu trà d'elli, ma quessa l'arrangia bè à a pulizza. A dicenu anch'elli : "on compte les points".

A cunsumazione di droga ella si porta bè. À tal puntu chì a coccaina hè più cara in Bastia ch'è in Aiacciu. Ci hè di più dumanda !

In quant'à l'arrubecci di banche è di cummerci, anu u ventu in poppa elli dinù. Cunsequenza di u sottu sviluppu è di a dumanda di droga ?

Iè, a Corsica si porta veramente megliu di poi chì i servizii di u Statu anu riesciutu à fà tace e bombe...

u 21 di Ghjenaghju 2009

U Sgaiuffu

Accueil

Envoyer à un ami

Version imprimable

1.mandatu da piratella u 21/01/2009 08:17

Eccu, hè a fine di u viaghju...A Corsica si ne more "risanata" di a "viulenza", è u Statu si ne ralegra ...

2.mandatu da circinelludiguagnenativupeliguagnesusosanguaversatu u 21/01/2009 10:13

innò chì a Corsica ùn more !!! Fetila finita cù ssi cummenti neri !
U "bilanciu" prisintatu da A-Piazzetta ci dici di luttà, di custruiscia è di campà.
Amica piratella s'è tu voli "finì u viaghju", posa. Ma ùn ci sbarca micca d'u trenu par piacè, ci sò chì vulenu cuntinuà...

3.mandatu da Muammar u 21/01/2009 11:40

Bellu articulu, ghjé esattamente cio chè pensu...
Un la so sè vo avete intesu ssu pinguoin di Leclerc arimane nantu a RCFM, mà u tipu dicia guasgi chi i prubiemi di gran banditismu avianu pocu effetu nantu a populazione, e pocu risichi di "dérapages", "ils visent bien" (ié l'ha dettu!). Per ellu a droga un tocca micca troppu a Corsica !!! Mà u piu bellu hé quantunque quandu ellu ha dettu chi i partiti autonomisti e independantisti eranu nantu a via di a demucrazia : ellu po, un avarà micca intesu à Talamoni dumenica a cuntrastu di fr3...

4.mandatu da machja u 21/01/2009 11:43

Seranu felice oghje tutti issi corsi chi bramavanu a pace, e chi falavanu in carughju ancu " ava basta" e altre done contr'a viulenza.
Eranu piu di 40 000 dopu l'assassinu di u prefetu Erignac, quantu seranu dumane contr'a viulenza di u statu francese fattu a u populu corsu.
AI ragio o circinellu, ci si vole a cuntinua a lotta, un saria che per a memoria di chelli chi so cascati e chi ci hanu apertu a strada di a liberta.
Fighjate a pena di a parte di GAZA, si po vince ancu petre in manu.

5.mandatu da una techja u 21/01/2009 12:33

Rimettu qui u messaghju ch'aghju scrittu annt'a u foru di u rinnovu eri sera, a prupostu di e statistiche nove di a droga :

I primi rispunsavili so i naziunalisti e i so rispunsevili pulitichi ch'anu lasciati cascà stu sughjettu cusi impurtantissimu pè a maio parte di i so militanti e pè i piu ghjuvanni !!!

Pudemu discore quante la ci pare annant'a a lingua, u litturale, u Padduc ... Ma un siamu manc'a capasce di piglià a parolla annant'a a droga chi arruina u nostru populu ! Ma avete a paura ??? DI quale ? Se un avete e cuglione di difende u populu... Capiate e vostre piazze di rispunsevili e lasciate a piazza a quelli capasci e cugluinati !

L'autonomisti e l'indipendentisti so listessi pè contu meu, annant'a stu puntu ! In 2008 a Corsica ha cunnisciutu decinne d'arrestazione pè trafichi, scurperti di piantazione di canabis, arrestazione à a fallata di u batellu e di l'avio... e ancu anziani militanti cume Gilbert Casanova arrestati ! E un s'hè intesu a nimu !!!! Mancu un picculu discorsu di cundanazione, mancu una manifestazione o dibatittu annant'a stu puntu !
Avà so publicati statistichi degni di a Seine Saint Denis... E UN SI SENTE A NIMU ! DA CORSICA LIBERA A U PNC !!!

So i corsi chi traficanu e chi si facenu arrestà !!!!! Da Aiacciu a Bastia Da Purti-vecchju à Calvi passendu pè Corti ! Ancu e rughjone e piu perse cume u niolu, u venachese, u taravu... Tutti i paesi so tocchi !!!

Aghju 24 anni e mi stumacte veremente ! Iè pè mustravi à a televisio (quelli rispunsavili) e pè dinuncià u Statu site i primi ma pè spazzà d'avanta a vostra porta e parlà di sughjettu maio, piu nimu !!!
Quella Mentalità basterda francese d'impauritu c'arruina di ghjornu in ghjornu ...

Ci vole a esse scemu oghje pè seguità a ghjente cume voi! E noi i ghjuvanotti siamu sempre listessi a credeci tutte e volte in stu ghjornu novu ! Sempre a credeci in ste false rifundazione chi piantanu l'arrivisimu individuale d'unepochi !

A SOLA RISPOSTA QUELLA DI A STRETTA ! FALLEMU IN CARRUGHJU E UN CI LASCEMU PIU Fà !

Un avemu nunda a aspettà di sta rifundazione, a vi dicu francu !

6.mandatu da una techja u 21/01/2009 12:42

Precisu ch'u mo ultimu messaghju era ghjustu destinatu a tutti i capizoni e astri rispunsavili di u muvumentu.

7.mandatu da machja u 21/01/2009 13:37

Cio che ti dicce hè veru, un ci hè nudda a aspetta di tutti issi capimachji, ch'elli sia autonomisti o indipendentisti, elli pensanu a so carriera pulitica e po basta.
I capimachji un capiaranu mai e so piazze, tocca a noi a caccciali fora, i muvimenti apertenanu a tutti i corsi, ch'elli sianu publicu o clandistini.
Un li lasciemu parla a a nostra piazza, pigliemu a parola per impone a nostra scelta, etc etc , quante volte aghju intese parole simile.
In carrughju un ci vegu tantu mondu, ne per a drogua, ne per altre cose.
Solu u CAR ha e cuglione per difende si tintacci di giovani chi crepanu in de e carchere francese, elli un so apaurite e si manghjanu colpi da e pulicie francese tutti i ghjorni.
Chi facci tu contra a drogua ? aspetti che qualchi omu fala in carrughju avanti a te ? per che un saristi micca u primu a da l'esempiu ? provalu

8.mandatu da barakobama u 21/01/2009 13:54

cara Techja cunfondi ZORRO è i naziunalisti; cum'e s'elli pudianu d'un colpu cambià è mutà a sucetà : sucetà francese o corsa ch'è no simu ( o bastarda ) ma mi pare chi quessa ùn scumove quasi più à nimu ( di sapè cio ch'è no simu o cio ch'è no simu stati ?! )u fattu si sta chi ci vulerebbe à pensà chi stu populu ch'è no simu ùn hè micca supranu à l'altri, ghjè cum'è l'altri : latru, bugiardu, falsu, senza rispettu di nunda, imbecile à l'eccessu è ne passu !!!cio ch'o vogliu di è chi ghjè forse à ognunu di piglia si di curagiu, di piglià e so rispunsabilità è di piantà di dì chi tuttu cio chi accade in Corsica, ghjè pè via di i pulitichi perchè chi mi pare à mè quelli chi facenu i pulitichi so i polzucci di u populu chi passa à vutà ogni volta ch'ellu po!!!!! iè chi pudemu...MA !!!

9.mandatu da una techja u 21/01/2009 14:30

O'machja un ti ne fà ch'un t'aghju aspettatu pè fallà in carrughju...

barakobama " i naziunalisti;cum'e s'elli pudianu d'un colpu cambià è mutà a sucetà "
Un ti parlu micca di cambia a situazione in un colpu... ti parlu di parechji anni passati a parlà di tuttu e di nunda scurdendusi di u sughjettu cume quellu di a droga ! Oghje ci discidemu cu 660 affare di droga in 2008 e simu surpresi ! Ma hè u risultati di 15 anni di passività e po basta ! I trafichenti e drugati so ind'elli !

A socu ch'ellu ci vole pulitichi pè purta a voce di u populu ! Ma per esse sustenuti ci vulerebbe ch'elli parlianu di TUTTU e in parliculare di i sughjetti chi preocupanu i corsi e i ghjovanni !

10.mandatu da machja u 21/01/2009 14:43

Bravu , o tecchia alora ci seremu scontri.

11.mandatu da una techja u 21/01/2009 14:54

quelques chiffres :
660 affaires relatif au stupéfiants soit 28% d'augementation sur 2007 !
En maintenant cette évolution annuelle on arrive à 2300 affaires annuelles dans 5 ans, 7800/an dans 10 ans et 91000/an dans 20 ans...

Quantu tempu avemu da campà cusi ?

Si on part du principe que le nombre de consommateur évolue dans le même ordre de grandeur que le taux d'affaires relatifs aus stupéfiants...

On se base sur la population de 16 -30 ans (70 000 personnes environ). 25% de drogués soit 17500 personnes (et je suis gentil). Sur une hausse de 28%/an on met 5 et demi a arriver à ce que tout le monde soit drogués dans cette tranche d'age (>70 000personnes). C'est un simple calcul, qui ne prend pas en compte ni les arrivants, ni les partants, ni les morts ou autres...
C'est une simple ébauche, juste pour vous montrer que si ce problème n'est pas traiter en 2010 et de facon radicale : SIMU MORTI ! E di u populu corsu un ne stera chi u nome !

12.mandatu da machja u 21/01/2009 15:27

Certi naziunalisti hanu pruvatu in lu 1980 di stirpa sta razza di "dealer" due marocani so morti, e tandu tutti i be pensendu li so cascatti adossu, parlendu di rassisimu e di senofobia, he stata listessa cosa per a culunisazione di populamente, quale eranu i difensore di u Dr Laffay o di l'assassinu di Ghjuvan Battista ? i clanisti.
A lotta contra a drogua un hè micca u travagliu di i naziunalisti ma di u statu francese, i naziunalisti lottanu per fa di a Corsica un paese liberu, e una Nazione Indipendente.
Un hè mica a drogua chi tomba u populu corsu, ma i corsi elli stessi chi si lascemu polsa cume capretti.

13.mandatu da Blaccu Bloccu u 21/01/2009 17:44

Bò! Eiu vogu à fumami una sigaretta parchi mi veni a vodda di ruccià...

14.mandatu da Rastacorsu u 21/01/2009 19:46

Mbah... Un tizzone tant' in tantu... Loooooooool

15.mandatu da un naziunale u 22/01/2009 11:39

Un vi ne fate chi a pulizza truvera i culpevuli eccu e parolle di i corsi oghjinchi ma nant'a i prublemi di sucietà (droga banditisimu....) u statu ghje u primu a mette in causa e dinnu l'eltti lucali sopratuttu l'eletti di u CLAN detti demucratichi i naziunalisti volenu un paese liberu e in benesta socu d'accunsentu insu te o achja ma Per che l'altri eletti un la volenu? elli ne parlanu di droga? ...... No allora femula finita....liberta e lingua e cultura corsa radiche di a nostra sucietà

16.mandatu da barakobama u 22/01/2009 19:35

CORSICA E CORSI : U PAESE O U POPULU INDUVE I RISPUNSEVULI SO ALTRO !!!

17.mandatu da frate yvan u 22/01/2009 21:00

Di sicuru, a viulenza clandestina é sempre stata un pinseru maio per u statu francese allora quand'elli venenu fieri à di chi un si passa piu nunda o quasi, ghje per elli una vittoria.
Mà di a droga, a maffia, l'arrubecciule un so nunda chi quala ind'ellighje a vita oghjincha.Allora, si i naziunalisti un so micca lindi mà so quelli chi é anch'ava cumbatenu quelli chi ci mandanu pinzuti a battellate.

Novu cumentu :