Mondu è Halloween per José Rossi
JR hè u solu candidatu cù un contu Instagram. I partigiani di José facenu sala piena à mezu à i mochi, i fantasimi è e zucche d'Halloween.
Assai mondu (è frittelle) per Paul Giacobbi in Bastia, ci dice François Tatti
Cum'è sempre, ci hè da beie è da manghjà à l'inaugurazione di e permanenze. Di l'avisu di tutti, a più bona robba si truvava ind'è u presidente di l'esecutivu.
Gilles Simeoni annunzia 500 persone (cù a TVA)
Quist'annu, a moda hè à i moccassins pè l'autonomisti mentre chì e Meindl sò sempre di circustanza ind'è i duri. Truveranu a manera d'accunciassi à u segondu o à u terzu giru ?
Mondu è ambianza Halloween dinù per i duri
Corsica Libera hà ingiuvanitu a so lista. Cum'è ind'è JR, e riunione si facenu certe volte in un'ambianza Halloween.
Ci hè listessu numeru di ghjente à u FN ch'è nant'à Google+
Hè Julien Pernici chì hà publicatu u so ritrattu nant'à u so contu Twitter. Credidatu d'un bon risultatu in u sundame chì hè esciutu, u FN hà apertu a so permanenza cun pochi militanti. Ma hè vera chì cù a crisa è psicosa ambiante ch'ellu ci hè contr'à i migranti, ùn anu mancu bisognu di fà campagna.
Più o menu successu segondu i lochi...
Guasi nimu dinù per sta riunione di Paul Giacobbi in Portivechju ci dice Alcudina. Ùn ridite micca, videremu si Camillou ferà megliu in Venacu...
I candidati a dicenu tutti : trovanu u mondu in ogni locu. Ma a barra di i 7% per esse à u segondu giru serà difficiule à francà quantunque...
Amusciati da l'ultimu sundame, i partigiani di Giacobbi rispondenu
In fine di contu và bè, qualsiasi a lista, tuttu u mondu hè cuntentu
A Corsica dice à vedeci à Edmond
