A Piazzetta, blog in lingua corsa - blog en langue corse / apiazzetta.com informations, actualité of corsica

ATTUALITÀ CORSA

FUTBOL

BETTUNIZEMU

MAGAGNA

CULTURA

SUCETÀ

VIDEO

GIURNALE

CUMU SI DICE...

CUNTATTU / PUBBA

Accolta > ATTUALITÀ CORSA

Senza travagliu ? A maffia corsa ricruta !

A maffia corsa ùn cunnosce micca a crisa, ci sò e piazze per tutti.

Cum'è 30.000 Corsi, site senza travagliu o in a precarità ? Ùn ci la fate micca à truvà un impiegu ? Ùn ci hè mancu più un elettu pè truvavvi una piazza ?

Ùn v'inchietate ! I trafficoni di Corsica vi truveranu qualcosa. L'avvene, hè a malavita !

Spezializatevi in una filera chì marchja bè : fate vene a droga, tagliate a cuccaina, vindite l'eroina, organizate un braccasgiu, fatevi un go fast o un car-jacking, lanciatevi in u racket, u tràfficu d'arme... o megliu : cum'è nentr'à Scarface, circate di piglià a piazza di i vechji scrucconi è pruvate di stinzalli tutti !

Dopu, sbiancate i vostri soldi. Scuzzulate i merri pè fà mudificà i piani d'urbanisimu è rendite i terreni custruttibili. Fate custruisce casali, bungalows è residenze da vende à i ricchi fresteri. Diventerete ricchi è vi puderete cumprà un quad è un Cayenne.

Realizate u vostru sognu ! E piazze ùn mancanu micca. In campu santu non più.

u 18 di Nuvembre 2011

U Sgaiuffu

Accueil

Envoyer à un ami

Version imprimable

1.mandatu da mijagavignanica u 18/11/2011 01:41

Chi bellu avenire !!! ma ci vole a di chi l'affari un duranu tantu e chi in campu santu cè assai piazza.
corci che no simu, e ch'e no simu divintati !! povaru paese!!! U gran Pasquale a diccia : "CORSICA un'averia mai bene" duie centu cinquant'anni dopu e semper vera!!!

2.mandatu da mijagavignanica u 18/11/2011 01:42

Scusate : sempre

3.mandatu da Jhon Waine u 18/11/2011 08:37

O sgaiuffu ci simu in pienu , o in fondu . Povera Cursichella maladetta abandunata a tutti sti scrocconi tutti sti ladroni tutti st'assassini , e tutti st'eletti infami e maladetti.

4.mandatu da U ghjudice u 18/11/2011 10:12

In 'ssu mentre, i sindicati di studianti volenu pruibì un'esposizione perchè chì "offende" i valori di a Corsica è di a religione cristiana.
Hè vera chì i prublemi di a Corsica sò quì nù stu ritrattu d'un cazzu inturniatu d'un patenostru.

5.mandatu da J G u 18/11/2011 10:21

Chi sô e scarface ? ssa parulla un l'aghju trovata in u diddiunariu ...ditemi per piace ?
pe i! maffioselli hé cume pe i pulitichelli , si ricruta in famigla , digraziadamente . O giovanotti chi leghjite st'articulu , un state a sente u sgariuffu chi dice e scemità ! ! !

6.mandatu da job u 18/11/2011 16:25

diventate candidatu a i legislative .e ben pagatu

7.mandatu da Bastia u 18/11/2011 17:12

Scarface hé un film di gangster chi vendenu a droga in Miami o jg!
Ahahah

8.mandatu da perchè micca u 18/11/2011 18:40

eh, o bastia, ùn fà tantu u fieru !! sì natu amparatu ?? è cosa vole dì scarface ?

9.mandatu da ANTO u 18/11/2011 18:59

Un c'hè micca abastanza impieghi per tutti ind' a CTC o n'di cunsigli genérali ,allora ci vole bè a stanta u so panè d'una manéra o di l'altra .

http://blog-anto.be

10.mandatu da mijagavignanica u 18/11/2011 23:06

Scarface die una parula inglese chi vole di "balafré" e era u cugnome di Alcapone chi avia una cicatrice in faccia. eo un vogliu mica fa a sapientone vi do u rinsignamente chi vo cercate

11.mandatu da MACCU u 18/11/2011 23:29

SO capiscu bé in corsi puderianu diventa tutti mafiosi ??? Cumé quelli di filmu"MAFFIOSA" ma simu tutti intunttiti !!!!!!

12.mandatu da giovanna u 18/11/2011 23:53

Non siete mafiosi, come non lo siamo in Sardegna...
La perdita della vostra vera cultura vi sta rovinando, solo con educazione e ripresa delle tradizioni ed economia potrete cambiare e ve lo auguro tanto.
Corsica non è mafia, quello è sud italia (neppure tutto) non la vostra isola...
Resistere e combattere...recupero della lingua e delle vostre tradizioni.
Riprendetevi la vostra isola e la vostra storia.
Auguri dalla Sardegna

13.mandatu da scarfacciaccia u 19/11/2011 00:28

@ JG : "Scarface" hè un filmu cun Al Pacino chi conta l'ascensione e a riescita d'un picculu immigratu cubanu in i USA, diventatu capimachja di a maffia

he diventatu u "filmu cultu" di tutte e closce di banlieue, rappeurs, trafficoni di u 93 o di Marseglia.

bizarmente, he diventatu dinù u "filmu cultu" d'una ghjuventù corsa à l'adisperu...

14.mandatu da J G u 19/11/2011 11:39

O scarfacciaccia vi ringraziu assai pe sta spiegazione .
Nantu a sta piazzetta ci struimu ! u filmu di Scarface un avia mai intesu parlà .
Si una certa ghjuventù corsa a l'addisperu si gira versu stu filmu eo li cunsiglierebbe piuttostu u filmu anzianu e americanu ; " Une arme pour le lâche "
li metterà appena di calateo in capu .
In tutti i casi un hé micca invitentuli a imità a Scarface che no l'aiuteremu in a vita . Vogliu di a sgariuffu di fà pianu a un lampà certe sfide a i nostri ghjovani chi ne sanu ancu troppu cusi.,e po un hanu sicuramente micca tutti u cervellu pe riesce in su genere d'occupazione , ch'elli varghinu piuttostu a fassi due legne , si feranu i musculi e s'assanisceranu u capu .

15.mandatu da mijagavignaninca u 19/11/2011 13:25

Postu chi vo site "sinephili" ecu d'altre informazzione.
dunque Scarface era un mafiosu nexyorkaise di i tempi di a "prohibition" chi era sfiguratu da una stafilate tra a so faccia
Howard Hawks n'a fattu un filmone diventu "cultu" in 1932 incu paul muni
In 1983 Brian de Palma a fattu cio chi si thjama un "remake" incu Al Pacino
Ecu avale sapete tuttu a nanta scarface !!! saluti a tutti

16.mandatu da U VENTU u 19/11/2011 16:03

Di Qualé paese é AL Pacino ...?
Scarface é un caffé di Lupinu...?

17.mandatu da Talavesu u 19/11/2011 23:00

Allora ci vole a anda in cuntinentu europeanu a fa i macarelli,per megliu fa rientre i soldi in Corsica.S'elli anu u curaghju ch'elli a facenu.Ma no he piu faciule di "parada" nant'a u corsu napoleon,qual'he chi dicia "nul n'est prophete en son pays?"

18.mandatu da orientigrecu u 22/11/2011 19:26

Cara Ghjuvannedda,'un hè micca veru chi 'un putemu dì a Corsica 'un mafiusa.tu pensa chi u primu organizzu 'ntarnaziunali di a droga era nantè manu di a Unione Corsa,multu putenti ma sguminata da interpol e antra ghjenti.e accussì fici strada libbera pè Cosa Nostra.e in quantu à a Sardigna,me pare chi ci stà 'nu certu Flaviu Carboni assaje amico di i maffiuselli calabri et siculi;) incù a più grandi simpatia basgi

Novu cumentu :