Quantu Schwarzenegger hà tombu gattivi ?

N'averà tombu pochi gattivi Arnold Schwarzenegger durante tutta a so carriera ! Ma quantu esattamente ?

S'ella ci hè una cosa chì Schwarzy sà fà, hè di tumbà i gattivi. L'attore americanu hà ancu cunsacratu a so carriera à quessa, correli appressu per tumballi.

Ma quantu esattamente ? Una videò posta nant'à YouTube prova di cuntalli in tutti i filmi ch'ellu hà fattu, da i so filmacci (ci n'hè statu unepochi : Hercules in New York, Junior, Un flic à la maternelle...) à i so filmoni (iè, Terminator è Predator sò filmoni).

Bon, hè vera, u filmettu hè appena viulente è ùn site micca obligati di vedela sana (28 minuti, quantunque).

Sappiate dunque ch'ellu hà stinzatu 509 persone, in 18 filmi.

u 19 di Dicembre 2013

Accueil

Envoyer à un ami

Version imprimable

1.mandatu da Playboy u 19/12/2013 11:34

CULUtura bis :
Avà ci tocca à sapè quant'ellu hà chjavatu donne Rocco Siffredi..
Aspettemu a video per cunfirmà !

2.mandatu da Calvoise u 19/12/2013 13:08

"Consider that a divorce !" Excellent !!!!!!!!!!!

Total recall, Terminator 2, Conan the Barbarian sò filmoni (micca Predator ;))

Ma a so opera magiore hè di avè fattu pruibì u foie gras in California !

3.mandatu da Sté u 19/12/2013 14:05

Bravu Schwarzy. Ne hà stinzati un be pachettu di gattivi.

4.mandatu da anto u 19/12/2013 15:28

Prédator po anda a fassi leghje ,c'hè piu forte che ellu ,ogni ghjornu Bachar ,in Siria ne tomba altretanti !

http://www//blog-anto.be

5.mandatu da Leandri u 19/12/2013 16:00

Conan (di Milius) capu d'opera assulutu
Predator ottimu
D'altronde nè manca parechji, in stu contu.

6.mandatu da babbunatalacciu u 19/12/2013 21:53

ancu noi l'avemu à Schwarzy, pè u più si spiazza in mottò, ch'ellu brusgia subitu dopu...

7.mandatu da bastiacciu stortu u 20/12/2013 00:28

Arrabiatè a Jeanjean di papa in Bastia , è po nè sentèrètè parla ... u vostru Terminator ad assumiglia a Jojo a scimia ....!!!

Novu cumentu :