Nò, ùn si dice micca "Erbalunga"

Cumu ci vulerà à dilla ? U veru nome hè : ERBALONGA !

Quale averà lanciatu u primu sta cunneria ? In qualchì anni, un paese corsu hà scambiatu di nome : ERBALONGA hè diventatu ERBALUNGA.

Serà perchè face di più "biutiful pippol" è di più raffinatu pè l'arechje di certi ?

U nostru Top 50 di i nomi struppiati ùn hà cambiatu nunda è avà a cacata hè fatta da per tuttu.

Ch'ellu sia in u giurnale o nant'à l'affissi di i festivali chì si passanu custì, hè u scumpientu "Erbalunga" ch'ellu si vede.

Prussima tappa : scambià Capicorsu in Cap Keurse.

A pudemu fà !

u 7 d'Aostu 2011

U Webmaestru

Accueil

Envoyer à un ami

Version imprimable

1.mandatu da diuwani u 07/08/2011 17:30

E avali Alta Frequenza n'hà invintatu un altru: http://www.alta-frequenza.com/l_info/l_actu/les_journees_sampiero_de_bastelico_50439

2.mandatu da estrimei u 07/08/2011 18:37

un c'he piu corsi di sanna
un c'he che scherti di natura
......!

3.mandatu da u miumese u 07/08/2011 19:59

Ùn costa nunda di prununcialu currettamente : "ER-BA-LON-GA", hè in più di quessa impedisce di passà per una closcia.

4.mandatu da estrimei u 07/08/2011 20:54

a u miumese:
forse si pueria ancu scrive, ma mi pare chi a a meria e a i paisani , sta vergogna ... li face onore?

5.mandatu da Sté Erbalunga u 07/08/2011 20:56

mi dispiaci mà u paesi si chjama bè Erbalunga, com''è à mè casata

6.mandatu da perchè micca u 08/08/2011 00:12

o Sté Erbalunga, Erbalunga hè a scrittura taliana di u cadastru uffiziale, cum'è Pietranera invece di u corsu Petranegra.
A lingua corsa hà sempre dettu Erbalonga, ancu s'ella ti dispiace. Cume, a to casata ? ti chjami Erbalunga di casata ?

7.mandatu da perchè micca u 08/08/2011 00:18

o Webmaestru u primu à avè lanciatu sta cunneria hè u cadastru. In talianu si dice lungo è micca longo

8.mandatu da Capicursinu u 08/08/2011 02:33

ma chi dici o "Sté Erbalunga" ?

un cornu !

in lingua corsa si dice ERBALONGA, u cadastru, e carte di l'IGN è e cunnerie officiale scrivenu ERBALUNGA ma ghjè un sbagliu, natu sottu à l'influenza di a lingua taliana

eppo "Erbalunga" ùn hè micca una casata.....

ùn ci vole micca à cuntà bugie

9.mandatu da mimia u 08/08/2011 03:11

in fatti , in corsu si dice longa e in talianu lunga , o capi cursini site corsi o taliani ? reagide e fatte currege ssu nome o cosinô scivite dirrettamente HERBELONGUE postu chi avà simu francesi

10.mandatu da campana u 08/08/2011 16:26

U prufessore Michele Castellani c'aviva spiegatu chi u veru nome era erpa longa. Sta prununcia hè stata scritta erbalonga da unu ch'un cunisciva micca u corsu.

11.mandatu da u miumese u 09/08/2011 11:59

Cumu dice campana, aghju intesu chì u veru nome serè "Erpa longa", hè ghjè l'amministrazione chì hà resu u sbagliu "Erbalunga" "officiale". Pè cambialu, pensu dunque chì ci vole una dumanda ufficiale, mà ci vularè à pone a quistione à unu chì cunosce u dirittu.

12.mandatu da anonimu u 09/08/2011 15:44

tuttu si ne và di male e u solu vituperiu ch'ellu trova a piazzetta è di dìcci chi si scrive (o in tuttu casu si dice) erbalonga invece di erbalunga . chi scuperta !!! buuuuuune ....
à parte que tuttu và ben , ma simu d'estate e à parte e impastizzate i suggetti so pochi .. chi scuperta dinò di sapè chi a nostra toponimia è in talianu , rassicurati à mumenti serà tuttu sfrancisatu un averai dunque più à dà capu à stu prublemu tamantu di u "u" .

13.mandatu da u miumese u 09/08/2011 19:09

Iè, hai siguramente raggiò, mà attanchenducci à prublemi cusì, chì ti parenu ghjuchissimi, feremu di più avanzà e cose chè restendu à lagnassi chì tuttu hè di male in peghju davanti à u so urdinatore. Hè ghjè impieghendu u massimu di personni pussibule chì curriggeremu ciò chì và male.

14.mandatu da ohimè u 22/08/2011 16:33

ùn sì capisce piu nunda oghjinchi. D'abbitudine i nomi corsi sò francisati, mà avà, per ERBALONGA certi anu decisu d'impone Erbalunga, socca per fà piu nustrale per accoglie ZAZ, Rafael, ì che ne sò ...

Ahouf...

Novu cumentu :