![Mancu più castagne ! Mancu più castagne !](https://www.wmaker.net/apiazzetta/photo/art/default/5499623-8203426.jpg?v=1368195643)
U "Cynips du châtaignier" ùn hà mancu u so nome in corsu, è purtantu face i disguasti tremendi in Corsica.
St'insettu venutu da China hè in traccia di stirpà u castagnetu corsu. Una sola bestia pò arruvinà un arburu, è fà calà a so pruduttività da 60 à 80%.
Ci hè di menu in menu frutti è pocu à pocu sò abbandunati i castagneti, digià tocchi da e malatie è da u inchjostru.
I mezi per luttà contr'à questu quì sò pochi. U trattamentu chìmicu ùn marchja micca. Sola una piccula vespa, chjamata Torymus Sinensis, chì s'attacca à u Cynips ottene risultati. Pocu à pocu si prova d'introduce sta vespuccia in u castagnetu corsu ma ùn si sà s'ellu viaghjerà. U trattamentu serà longu. I pruduttori di castagne è di farina pisticcina sò inchieti assai.
Averemu ancu da perde u nostru arburu, introduttu 2000 anni fà da i Rumani ?
Addiu pulenda, fasgiole, frittelle è torte pisticcine...
È a CTC ferà una cummissione pè truvà un altru nome à a Castagniccia.
A stagione turistica cummencia è ci lagnemu di l'invasione di pumataghji, chì ùn durerà chè qualchì settimana. Ma ci sò certi "envahisseurs" chì facenu peghju è chì arruvinanu a Corsica in prufundura.
St'insettu venutu da China hè in traccia di stirpà u castagnetu corsu. Una sola bestia pò arruvinà un arburu, è fà calà a so pruduttività da 60 à 80%.
Ci hè di menu in menu frutti è pocu à pocu sò abbandunati i castagneti, digià tocchi da e malatie è da u inchjostru.
I mezi per luttà contr'à questu quì sò pochi. U trattamentu chìmicu ùn marchja micca. Sola una piccula vespa, chjamata Torymus Sinensis, chì s'attacca à u Cynips ottene risultati. Pocu à pocu si prova d'introduce sta vespuccia in u castagnetu corsu ma ùn si sà s'ellu viaghjerà. U trattamentu serà longu. I pruduttori di castagne è di farina pisticcina sò inchieti assai.
Averemu ancu da perde u nostru arburu, introduttu 2000 anni fà da i Rumani ?
Addiu pulenda, fasgiole, frittelle è torte pisticcine...
È a CTC ferà una cummissione pè truvà un altru nome à a Castagniccia.
A stagione turistica cummencia è ci lagnemu di l'invasione di pumataghji, chì ùn durerà chè qualchì settimana. Ma ci sò certi "envahisseurs" chì facenu peghju è chì arruvinanu a Corsica in prufundura.