![Inventa una cunneria nant'à a Corsica Inventa una cunneria nant'à a Corsica](https://www.wmaker.net/apiazzetta/photo/art/default/5613000-8371627.jpg?v=1371248614)
Cù e so cacciate, Manuel Valls hà rilanciatu u cuncorsu di cunnerie nant'à a Corsica. Avia fattu assai forte cù a so cacciata nant'à a viulenza arradicata in a cultura corsa, fendu cusì piacè à millaie di beaufs.
L'omi pulitichi corsi dinù sò capaci di sorte pienu di cacciate. Cusì hè stata quella d'Alex Alessandrini in Corse-Matin. Ci spiega perchè ci vole à sustene à Jean Zuccarelli pè e municipali in Bastia. Ciò chì face dì à François Tatti chì : "Le PRG veut organiser une succession familiale".
Normale, per quellu chì hà lasciatu a so merria à u so figliolu.
Ma frasa di a settimana ci vole à circalla in a so analisa di u votu nant'à a cuufficialità : "le bilinguisme conduirait inévitablement à l'indépendance".
Per qualchissia chì parla benissimu u corsu, ci hè da dumandassi perchè ùn hà ancu pigliatu a so carta à Corsica Libera.
È gira è gira, è ne vultemu à i vechji discorsi d'opposizione à a lingua corsa. Si pensava chì ste vechjerie d'un altru seculu eranu finite. Chì infine i Corsi avianu capitu chì cunnosce duie lingue era una ricchezza è un'apertura. Chì salvà una lingua minacciata era un duvere. Ma nò.
In Corsica st'ultimi mesi regna un'ambianza di "Retour vers le futur" è di "Jurassik Park".
Allora, avà chì serà a prussima tappa à francà ? "La langue corse conduit au séparatisme" ? O "la violence mène à la langue corse" ?
L'omi pulitichi corsi dinù sò capaci di sorte pienu di cacciate. Cusì hè stata quella d'Alex Alessandrini in Corse-Matin. Ci spiega perchè ci vole à sustene à Jean Zuccarelli pè e municipali in Bastia. Ciò chì face dì à François Tatti chì : "Le PRG veut organiser une succession familiale".
Normale, per quellu chì hà lasciatu a so merria à u so figliolu.
Ma frasa di a settimana ci vole à circalla in a so analisa di u votu nant'à a cuufficialità : "le bilinguisme conduirait inévitablement à l'indépendance".
Per qualchissia chì parla benissimu u corsu, ci hè da dumandassi perchè ùn hà ancu pigliatu a so carta à Corsica Libera.
È gira è gira, è ne vultemu à i vechji discorsi d'opposizione à a lingua corsa. Si pensava chì ste vechjerie d'un altru seculu eranu finite. Chì infine i Corsi avianu capitu chì cunnosce duie lingue era una ricchezza è un'apertura. Chì salvà una lingua minacciata era un duvere. Ma nò.
In Corsica st'ultimi mesi regna un'ambianza di "Retour vers le futur" è di "Jurassik Park".
Allora, avà chì serà a prussima tappa à francà ? "La langue corse conduit au séparatisme" ? O "la violence mène à la langue corse" ?