I chjassi di Bastia

Circate di figuravvi à Bastia ind'i tempi. Cacciate e vitture, e strade in catramu, i casali muderni.

Imaginate a cità cù u so centru : u Vechju Portu è A Marina (Terra Vechja), a Citatella (Terra Nova), San Ghjisè, U Mercà.

Imaginate a so periferia campagnola : in Lupinu è in a valle di U Fangu ci sò i giardini è l'orte cù e so lenze, e so casette, e so aghje, i so mulini.

Imaginate stu spaziu cù i so lochi di fede, cappelle, lochi di pelerinagiu è oratorii : Monserratu, San Gaitanu, Sant'Antò, E Capannelle.

Infine, pensate à e so furtificazioni : i forti di A Croce (diventatu u "Fort Lacroix"), è quellu di Monserratu (induv'ellu c'era u castellu di Belgudè), e torre di a Vètrice (vicina di Cardu) o quella di A Falcunaghja (in Lupinu).

È pè circulà in stu spaziu, una rete di chjassi, di ricciate, di viòttuli. Qualchidunu ci hè sempre. S'è vo ùn i cunniscite micca, lasciate a vostra vittura induv'ella hè. Partite à spassu, pisate u capu. "Bastia hè una cità strana" scrivia Sebastianu Dalzeto in Pesciu Anguilla. Pigliate u tempu di fidighjalla, chì Bastia hè bella...

Hè a via chì colla da l'entrata di a Citatella à Sant'Antò.

O in bastiacciu "San Ruccù". Parte da San Ghjisè per ghjunghje à A Croce (diventatu "Fort Lacroix")

In piena cità vi si pare d'esse in paese.

À dui passi di i casali novi è di l'HLM, si scoprenu e tracce di u mondu "di nanzu".

Trà Monserratu è A Vètrice.

Quessu parte da a residenza "Les Sitelles" è ghjunghje in Monserratu.

Bastia hà fiascatu a so urbanizazione ? Siguramente. Ma i chjassi chì purtavanu à l'orte ùn sò micca luntani da i lochi tutti incimentati.

Pè i lucali (è puru i turisti), sti chjassi sò una carta maestra per scopre e bellezze di Bastia. Certi meriterrebbinu d'esse puliti è intrattenuti (ùn parlemu mancu di u spaziu publicu chì hè statu privatizatu in certi lochi...).

Un ghjornu, forse ?

Da leghje dinù : Una carta di i chjassi di Bastia