I Chjami Aghjalesi contr'à l'Armata Rossa !

Quattru cuncerti in Aiacciu è Bastia, 60 Russii, 20 Chjami, 5 tone di panze nant'à a scena pè un macciu d'antulugia.

I Chjami Aghjalesi anu lanciatu una sfida à l'Armata Rossa. Andata u 30 in Aiacciu à L'Empire, Ritornu u 31 in Bastia à u Teatru. Ogni volta, duie partite : à 3 ore è 8 ore è mezu di sera.

80 cantadori panzuti nant'à a scena pè quattru cuncerti chì s'annunzianu tremendi.

A partita s'annunzia stretta. I Russii sò in piena forma, purtati da un Poutine scatinatu. I Chjami elli s'intrenanu ogni ghjornu è ùn si lasceranu micca fà.

Maì Pesce hà dichjaratu à RMC : "à l'apperitivu, i pigliemu quand'elli volenu, va bè ?" Sì i Chjami sò superiori à a pastizzata, i Russii contanu metteli una concia à a vodka.

Ma si l'essenza ùn manca, andate puru à vedeli, u spetàculu ne valerà u colpu !

Situ : chjami-aghjalesi.com

u 18 d'Utrovi 2010

u webmaestru

Accueil

Envoyer à un ami

Version imprimable

1.mandatu da anto u 18/10/2010 15:22

Ci seremu e ci vole a falla sapè !!!!Pensu ch'ella sera una seratinata d'antulugia !

http://www.blog-anto.be

2.mandatu da Michè u fliccu u 18/10/2010 17:44

aspettemu una canzona dedicata à Fanfanellu Vendasi, cum'è quandu fù statu elettu.

3.mandatu da Marboeuf u 18/10/2010 19:23

Ci hà da esse Jenifer di a star'ac ?

4.mandatu da sanguinariu u 18/10/2010 19:53

Trà i cori de l'armata rossa è u cantu "bella ciao", so belli "rossi" i chjami aghjalesi...so naziunalisti o cumunisti, ci vole à sapè ?!?
Saranu (per certi micca tutti..) di sterpa taliana chi so stati ubbligata di fughje u regime di Benito Mussolini...è so ghjunti scarzi è spugliati in Corsica..à fà l'elemosine..

5.mandatu da Avulpaccia u 18/10/2010 22:31

Hà dà esse meravigliosu... Pregu tuttu mondu hà andà ... Mà spicciatevi per e piazze chì quì micca prisuttu.
Ci vole a piazza.. Chorus e vende...

6.mandatu da u ricciu u 18/10/2010 23:37

@ Miché u fliccu,Marboeuf,sanguinariu(pochi pseudo pè veri corsi!!!),
si rimarca chì site sempre pronti è lesti à falle fallà à i Chjami,chì si ne puderà cunclude?
Allé,per ùn esse micca troppu gattivi diceremu solu chè vò site sicuramente qualchì cantadori frustrati in cerca di ricuniscenza chì sunniavanu d'entre un ghjornu ind'è stu gruppu,ma vi mancava sicuramente u so talente,è sopr'à tuttu u spiritu,mà què ùn si cumanda....
Sè ùn cantate micca,ghjé ancu più gravu,quì site frustrati di a vita...
Mà lasceremu i lettori ghjudicà u valore di i vostri cummenti chì palesanu a larghezza di u vostru spiritu(ùn parlemu di u cerbellu!),intantu,vi cunsigliu di séguità i cunsiglii di avulpaccia;pigliate e vostre piazze,ùn ci ne sarà micca per tutti.....

7.mandatu da Cugnome u 19/10/2010 02:13

Chi bisconi ch'ellu ci hé ! I chjami anu purtatu tantu dapoi 30 anni a a musica corsa... Eiu ci saraghju a u cuncertu e so ch'o m'aghju da campà ! Forza i chjami aghjalesi !!!

8.mandatu da ghjuvan michele aulas assinu u 19/10/2010 08:39

o Sanguinariu , ùn si pò esse naziunalisti è cumunisti?? U naziunalisimu hè u fattu di vulè l'indipendenza di a Corsica, ma s'o l'avemu un ghjornu ci vulerà un prughjettu di sucietà nò? Forse quellu di i Chjami hè cumunistu

9.mandatu da Boumsong u 19/10/2010 11:41

È appena di magagna di tantu in tantu, si pò fà senza ch'è i flicchi di a Murale si mettessinu à mezu ?

Ùn sapemu più ride di noi stessi...

10.mandatu da marboeuf u 19/10/2010 13:46

Hai ragiò o Boumsong... Tamant'affare ! Un si pò tazzà che Camillou, Milou è Clavier alora ? A carnavalata di u "riacquistu" è l'impostura di "u militantisimu culturale" sò quantuque sughjetti di magagna legìtimi innò ?
Aiò i Torquemada culturali ! Simu anant'a "Piazzetta", blogu scurettu è appena gativu...
(O Ricciu, per ciò chi ghjè di "veri corsi", venerai a tagliami i capelli incù i to amichi u ghjornu di l'indipendenza...) :-D

11.mandatu da Michè u fliccu u 19/10/2010 14:28

face appena "Jacques Martin" stu prugrama

12.mandatu da sanguinariu u 19/10/2010 14:41

O Ricciu si bellu azezu è frustatu di a vita, a critica hè difesa solu indè e sucietà tutalitarie cume l'Urss di tandu...o a Corea di u nordu....eo ùn cantu... mà i canti taliani e cumunisti di i chjami à mè ùn mi garbanu...avà in corsica ùn si po più dà u so parè senza esse qualificatu di scerbellatu, u toi u spiritu ùn hè tantu largu.. ùn ti nè scurdà, A corsica ùn hè Cuba è ùn à diventerà mai.... (Credemi puru..)

13.mandatu da ghjuvan'marcu u 19/10/2010 16:09

A macagna ghjè cum'è a lotta di liberazione, ùn è di manca o di diritta, ci sò chi a facenu fallà a diritta e tazzanu dino a manca. Per cio chi ghjè di l'ideolugìa, sè avemu un ghjornu l'indipendenza, emu à ....ride. A me, mi garbanu assai i canti d'I Chjami, ch'elli sianu corsi, taliani, cubani, messicani o... russi; u talentu c'hè.

http://andaccianu.over-blog.com

14.mandatu da corsu u 19/10/2010 16:15

avete vistu una lotta i liberazione di dritta?

ditemi se d'a che?

15.mandatu da Avulpaccia u 19/10/2010 16:39

O ricciu i cunsiglii d'una donna sò sempre bè mdrisa LOL ;) simu cumpagni di u hà machja noi.

Forza. I chjami aghjalesi sò ancu sicura chì certi quì ùn sanu mancu a sinificazione di u nome di u gruppu...

In 30 anni mai ùn passu di l'altra banda per certi ghje bellu per un gruppu culturale puliticu dinù.... Certi sò passati di l'altra parte....

Per compie cù issu pruverbu
"Bandera vechja, onore di capitanu"

Ps: issu spartu culturale hà dà esse magnificu!

16.mandatu da per ride u 19/10/2010 17:59

Eiu ùn sò pretinu, è quand'e sentu i chjami cantà l'avè maria mi vene u sbelu.

A Corsica ùn sarà mai in manu à l'OPUS DEI è a so armata di pedoffili mai guariti.

A guarantiscu

17.mandatu da sanguinariu u 19/10/2010 18:01

@ corsu i Fiamini à mè ùn mi parenu cumunisti....so solu naziunalisti è a so causa avanza bella in furia ella... ùn hè cume a nostra...!!

18.mandatu da per ride u 19/10/2010 18:01

NB: i veri staliniani avarianu fattu sparisce à Patriziu CROCE da a fotò, postu ch'ellu ùn ci più cù i chjami.

19.mandatu da sanguinariu u 19/10/2010 18:24

Ai ragio per ride ùn si deve esse sottumessu nè a l'Opus (Spagnolu) nè a framassuneria (Francese..)chi cresce in stu paese ùn so pretInu manc'eo mà so cattolicu cume i nostri antenati... è mi batteraghju contra una corsica chinese o musulmana.. sarebbe tradisce A cultura nostra.... e po preti corsi di tandu (circinellu ) ùn so s'elli facianu l'amore mà so chi facianu a guerra....

20.mandatu da Tartagliula... u 19/10/2010 18:49

Mà sti "Chjami aghjalesi" so tutti ( o guasi) "citadini" è l'aghje ùn averanu vistu tantu...mà ùn facenu nunda cantanu bè listessu (è ancu i canti sacri..).. alora ùn siate tantu inchieti.....ùn feranu Kolkosi i n corsica, so troppu individualisti (cume tutti i corsi..)

21.mandatu da per ride u 19/10/2010 20:32

È "CANTA U POPULU CORSU" ùn sò micca appena pratensiunuti ?

È i MUVRINI ci saranu cullati sopra à Ascu o in Bavedda? Cù i Meindel, nò?

È l'ALBINU si pesanu à bon ora? Dubbiteghju.

È I SURGHJENTI ùn beienu cà u vinu di petra? forse cù u pastizzu?

È VOCE VENTU ne lampanu cureghje nustrale?

È DIANA DI L'ALBA si vede di notte, ma di ghjornu avaria da andà a dorme, cum'è i cristiani, nò?

22.mandatu da Avulpaccia u 19/10/2010 21:02

Va be tamantu tazzu per un spartu culturale,
Quandu in corti a " e ghjurnate "ghjunghjenu ogni populi chi lottanu per l'independenza in paesi soii , pè esempiu fà i "kanaks" i negri é tanti altri...
Mà ùn vole micca dì Ch'elli sò ghjunti à campà Inde noi ò Che nò avemu listessa manera di pensà Che elli ancu assai! Ému fattu un spartu cù populi chì lottanu pé l'indipendenza é bastà.

Fate un imbuleghju ... Pulitichellu/ culturale

Ditela puru chì ghje piuttostu u fattu ch'elli sianu i chjami, chì face caccà e ghjente...

Elli in più, i più anziani di u gruppu stanu in Bastia , "travaglienu,"sò catolichi, facenu travaglià i cummercii, cantanu e messe é ancu quandu c'hè un dolu Inde famiglie ...

Eppò quantu serate anu fattu senza piglià un francu. ..

((Micca cum'è certi chì vulianu sempre qualcosa !
"Senza soldi, mancu u prete cantà a messa "dicia u pruberbu. )))

Elli nò Ghjustu per u piace di fà piace, di passà una bona serata, di sparchje una stonda cù e ghjente..

Mà si scordà in furia tuttu què tuccatu, qualcosa Che nisunu hà fattu hè finitu... Alalal i Russi tamantu affare!

Seranu megliu certi d'oghje tutti GUASTI ohime

23.mandatu da Avulpaccia u 19/10/2010 21:08

E PER RIDE?? Pientà mai di pienghje

Va be cum'e ai fattu n'ai micca messu l'arcusgii

BOu le SFORZU

24.mandatu da sanguinariu u 19/10/2010 21:22

E "cinque so" ùn beienu pè sette ??
E L'Arcusgi ùn maneghjanu più butiglie che arme ??

Per I chjami hè ghjusta o Vulpaccia, averanu i difetti (cume noi tutti) mà quellu di esse troppu interessati ùn l'hannu micca, è messe n'hannu cantantu parecchje, micca cume certi suldaghji (Mà chi so i primi à parlà di spartera incu l'altri..)

25.mandatu da Avulpaccia u 19/10/2010 22:17

@ o sanguinari

Hé cio chì aghju scrittu é cunnoscu assai be ... Sogu cio chi digu... Rileghji o ciù n'era micca ùn cummentu di difetti ...
Astru chì l'anu cantate e messe ... A saperaghju dinu

26.mandatu da Avulpaccia u 19/10/2010 22:18

Scusa sanguinari ;)

27.mandatu da Avulpaccia u 19/10/2010 22:20

Cristacciu -- sanguinariu hà feraghju sta sera LOL

28.mandatu da u ricciu u 19/10/2010 22:40

@ Avulpaccia,
ti ringraziu di rammintà à certi chì s'agisce sopr'à tuttu d'un scontru culturale è chì ùn ci vole à mischjà tuttu,cum'è tù dici sarà piuttostu chì sò elli chì sò di a partita è micca d'altri.....
Intantu u ricciu si rallegra di vede chì e so spine anu puntu induv'ellu li frighje à certi...
Vogliu felicità A Piazzetta pè i so articuli,elli si chì cunoscenu u veru sensu di a macagna,quella chì porta à a riflessione se omu hè capace di capiscela è chì pone i prublemi d'un'antra manera.....ma sempre cù finezza!
Per compie,forza I Chjami,cuntinuvate à campà ci,evviva a Corsica!

29.mandatu da Avulpaccia u 19/10/2010 23:32

@ ò ricciu anc' eu si sò arrizzati paria una liona mdrisa quandu leghju certi affari. Dopu n'hè perdu ancu u mò latinu.
Mà vedi hè Vera partimu d'un
Cuncertu, a un pinchj'imbrogliu, tamantu u mondu blabla ...
Mà què ghje a realita tuttu hè cusi avà.
Facenu tutti u paragone trà ùn " capatoghju chi si passà" eppò ghjunghje a pulitica a mezzu...
Bref ...
N'emu ancu finiti d'esse arritti... A furesta diventà a jungle .
Un ricciu cù i spinzzoni chi sortenu, é una volpe chi diventà liona! É oui emu

30.mandatu da Avulpaccia u 19/10/2010 23:34

Seguita : Emu u dirittu di a parolla !

31.mandatu da per ride u 20/10/2010 13:54

E PER RIDE?? Pientà mai di pienghje

Va be cum'e ai fattu n'ai micca messu l'arcusgii

BOu le SFORZU "Avulpaccia" hà dettu

È I CINQUI SÒ sò sempre cinque? Pà ghjucà à poker?

È L'ARCUSGI sò sempre armati? Armati di ghjudiziu? Umbè!

Avà pà i più vechji:

È E VOCE MUNTAGNOLE sò ghjente di muntagna? Figuratevi, sò Ulmisgiani è Prupianinchi.

È I CUMPAGNI DI L'AVENNE chì avvene anu? Ùn ne anu mai avutu.

A vedi o VULPÀ mi piace tantu À RIDE (cusì u me cugnome), chì u pientu stà in bocca à i corsi.

32.mandatu da per ride u 20/10/2010 13:57

Scusate u sbagliu (ancu u prete à l'altare...) hè CORCI è micca "corsi".

Ma a sapete, u "lapsus" palesa tante cose, ma pà u seriu mancu di cumpetenza.

33.mandatu da Michè u fliccu u 20/10/2010 15:14

letti certi messaghji, certi si rispondanu soli da per elli

34.mandatu da avulpaccia u 20/10/2010 15:38

@ Per ride

L'avia capita chì ti piacia à RIDE , é dinù a pruvucazione lolll

bou a lista hè longa,

E L'ATTRACHJU ? Chi si montanu a sega
E I CAMPAGNOLI? Chi sò tutti annant'a a piazza
....................

lolu

Bon simu quì per ride, per dà u sò pare sò d'accunsenta cù què ghjè fattu appostu issu blog ...

"Bocca risa à i scemi (e) " Morta di RISE

35.mandatu da corsu u 20/10/2010 16:25

e i muvrini chi piacini tantu a i pinzutti

unu pinzuttu a dittu a nanta a rcfm i canzoni di i muvrini mi ramentanu i canzoni italiani

36.mandatu da Avulpaccia u 20/10/2010 17:47

@ o Corsu

I muvrini si sò impinzutiti cusi guadagnanu di più frasca. Hanu fattu i sò affari.
Hè finitu l'epica di "clandestinu" etccc ....
Ava ghje jalalalbabababa etc
Icha !

37.mandatu da Pesci rossi... u 20/10/2010 20:18

valia di più u nostru Carlu Rocchi....è ancu Antoine Ciosi... che tutti sti "Barbudos" mà e vera chi hanu fattu pro à a lotta......E po pè u travagliu.. hanu lampatu assai luntanu u martellu è a falcine di i cumunisti, rimpiazzati pè u bichjere è a cagoule....!! hihih mà anderaghju à vede stu gruppu listessu perchè mi piacenu è basta !!!

38.mandatu da ARC u 20/10/2010 21:27

45 euro a piazza... s'ella hè vera, si so scurdati di u sucialisimu i Russi è i Chjami...u cumunisimu nè parlanu mà preferiscenu u capitalisimu... sempre cuntradizzione..!!

39.mandatu da Avulpaccia u 20/10/2010 23:09

Ci vole ch'elli si paghessinu u viaghju i Russi, eppò ci vole hà pagà a salla di u teatru, i musicanti etc...

Ému pagati finu pè vedi l'arcusgi é solu elli... ( ùn hè micca una critica ghje nurmale )

45€ mi pare curettu!! Eppo so una mansa !

Ps: i chjami anu compru ancu e piazze pè ghjente di à so famiglia , dunque mostra bé chì ùn hè micca statu fattu pé impiesi

40.mandatu da u ricciu u 21/10/2010 08:10

@ ARC,
ghjustu una precisione cusì se mi permetti,I Chjami ùn anu mai parlatu di cumunismu o sucialismu,què ghjé u vostru fantasmu à uni pochi,anu mustratu dipoi più di trent'anni induv'elli eranu puliticamente è quessa nimu a li puderà caccià,d'altronde sanu dinù esse artisti nanz'à tuttu è aparti à l'altre culture(elli!) , ghjé in stu quadru pensu ch'elli anu invitatu i Cori Russi,forse urganiseranu d'altri evenimenti cù artisti venuti d'altri orizonti(tandu,sò persuasu chì certi truveranu quantunque à dì,ùn hè?)
Pè u prezzu di e piazze,ci vole à sapè chì ci sò dinù biglietti à 35 euros,à quelli chì sò surtiti appena di Corsica pè assiste à cuncerti di st'impurtanza,li si parerà currettu.è s'omu riflette appena(oghjettivamente!) à u costu d'un'operazione cusì(trasportu di 60 parsone,alloghju,ripasti,publicità,salle di cuncerti,prestazione etc....),hè più chè currettu.

41.mandatu da Avulpaccia u 21/10/2010 14:54

@ u ricciu
Hà raggiò ...

L'arc a l'amenda

Lallaalalala

42.mandatu da sanguinariu u 21/10/2010 15:40

@ Aulas assaisinu esse naziunalistu ghjè circà di firmà corsi ancu senza statu propiu, ghjè sopravive in tantu che Nazione ( Populu...) è micca more (forse) incu un "statu Corsu" a francia hà u so statu mà a nazione francese....pover'à ella..
Statu è nazione so dui affari sfarenti, in francia Nazione = statu mà nazione mà per un patriottu NAZIONE = populu è cultura...
Pè a sucietà di dumane faremu cume tuttu mondu no ?? chi voli fà di più u "sucialisimi urignale" di l'anni 80 ... vai puru ùn nè vulerebbe nimu... è anc'assai...!!

43.mandatu da Michè u fliccu u 21/10/2010 23:11

facenu sempre discorre a ghjente, sti Rossi

44.mandatu da stumacatu u 21/08/2012 19:20

Aghju vistu a so ultimà sirata cumuna in Bastia e mi so campu : che belle voce e belle canzone, russe cume corse, cantate in e due lingue !!

L'aghju "presu" cume un veru e grandu spetaculu e basta...

Novu cumentu :