Dui anni fà nascia a magagna di i Canistrelli Clandestini nant'à i muri di Corsica.
Dopu à unepoche di cunferenze di stampa, d'articuli in u giurnale è di t-shirts vinduti, ICC facenu dibattitu. Certi sò fans arrabbiati è si campanu di rise, d'altri ridenu menu è cummencianu à truvà a magagna appena pisiva, d'esse ricuperati è d'esse "beaufs".
Avemu ricevutu stu testu da un lettore, chè no publichemu :
I canistrelli clandestini, và bè, femula finita avà nò ?
Dapoi dui anni ch’elli esistenu, cunniscite tutti à i « canistrelli clandestini », i so tags nant’à i muri, è avà i so t-shirts è affissi poste d’apartuttu in Corsica.
Ind’una sucetà corsa induv’avemu più l’abbitudine di pienghje è di lagnassi, l’idea di principiu di fà ride a ghjente paria veramente bona.
Ma francamente, vi facenu sempre ride à voi i Canistrelli Clandestini ? Tags nant’à parechji muri, falze cunfarenze di stampa à l’usu di u FLNC, cummunicati, è oghje t-shirts è affissi « Basta a viulenza »…
Ci vole à dì ch’elli sò à a moda, ùn si contanu più l’articuli nant’à elli ind’u giurnale, i giurnalisti di Corse Matin si campanu à valurizà i so atti, senza mancà di precisà chì i so tags ci cambienu appena di i missaghji puzzicosi chì si ponu leghje d’abbitudine nant’à i muri di Corsica... Veramente ? Saranu dunque tullerati i tags macagnosi brutti di i Canistrelli Clandestini è e macagne à l’usu di l’Enquête Corse mentre chì à listessu tempu i missaghji pulitichi sarebbinu mandati à caternu ?
Ch’elli s’interroghinu i nostri Canistrelli priferiti nant’à u sensu d’i so atti è sopr’à tuttu nant’à a ricuperazione chì n’hè stata fatta.
Site appreziati da tutti, và bè… Ma bardate chì e vostr’azzione servenu di più à disprezzà ghjente ch’anu sempre un’andatura è un missaghju puliticu à fà passà.
Nant'à Facebook si pò leghje dinù un testu intitulatu I Canistrelli Clandestini cummencianu à facci cagà in veru è nant'à u forum Camperemu i sustenidori di u Sporting ùn parenu ride tantu à e magagne di i biscuttini.
È voi, chì ne dite ? A Corsica averà da spartesi trà i fanàtichi di i Canistrelli Clandestini, è quelli chì ùn li ponu più pate ? È sì Pépito era u più forte ?
Dopu à unepoche di cunferenze di stampa, d'articuli in u giurnale è di t-shirts vinduti, ICC facenu dibattitu. Certi sò fans arrabbiati è si campanu di rise, d'altri ridenu menu è cummencianu à truvà a magagna appena pisiva, d'esse ricuperati è d'esse "beaufs".
Avemu ricevutu stu testu da un lettore, chè no publichemu :
I canistrelli clandestini, và bè, femula finita avà nò ?
Dapoi dui anni ch’elli esistenu, cunniscite tutti à i « canistrelli clandestini », i so tags nant’à i muri, è avà i so t-shirts è affissi poste d’apartuttu in Corsica.
Ind’una sucetà corsa induv’avemu più l’abbitudine di pienghje è di lagnassi, l’idea di principiu di fà ride a ghjente paria veramente bona.
Ma francamente, vi facenu sempre ride à voi i Canistrelli Clandestini ? Tags nant’à parechji muri, falze cunfarenze di stampa à l’usu di u FLNC, cummunicati, è oghje t-shirts è affissi « Basta a viulenza »…
Ci vole à dì ch’elli sò à a moda, ùn si contanu più l’articuli nant’à elli ind’u giurnale, i giurnalisti di Corse Matin si campanu à valurizà i so atti, senza mancà di precisà chì i so tags ci cambienu appena di i missaghji puzzicosi chì si ponu leghje d’abbitudine nant’à i muri di Corsica... Veramente ? Saranu dunque tullerati i tags macagnosi brutti di i Canistrelli Clandestini è e macagne à l’usu di l’Enquête Corse mentre chì à listessu tempu i missaghji pulitichi sarebbinu mandati à caternu ?
Ch’elli s’interroghinu i nostri Canistrelli priferiti nant’à u sensu d’i so atti è sopr’à tuttu nant’à a ricuperazione chì n’hè stata fatta.
Site appreziati da tutti, và bè… Ma bardate chì e vostr’azzione servenu di più à disprezzà ghjente ch’anu sempre un’andatura è un missaghju puliticu à fà passà.
Nant'à Facebook si pò leghje dinù un testu intitulatu I Canistrelli Clandestini cummencianu à facci cagà in veru è nant'à u forum Camperemu i sustenidori di u Sporting ùn parenu ride tantu à e magagne di i biscuttini.
È voi, chì ne dite ? A Corsica averà da spartesi trà i fanàtichi di i Canistrelli Clandestini, è quelli chì ùn li ponu più pate ? È sì Pépito era u più forte ?
