A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

Esecutivu di Giacobbi : u jackpot pè Jean-Jean di Pappà, nunda per a cultura...

Senza surpresa, Jean-Jean piglia l'ADEC. In quant'à a cultura è a lingua corsa, nimu hè statu numinatu chì... ùn interessava à nimu.



Esecutivu di Giacobbi : u jackpot pè Jean-Jean di Pappà, nunda per a cultura...
Eccu, avà cunniscimu a cumpusizione di a squadra di Giacobbi. Nisuna surpresa :

  • Turisimu (ATC) : Vanina Pieri. Ùn puderà micca fà peghju ch'è Antoine Giorgi

  • Offiziu idròlicu è insignamentu superiore : Emmanuelle de Gentili

  • Agricultura (ODARC) : Marie-Thérèse Olivesi
. Ma perchè ùn avè micca sceltu un veru spezialistu, cum'è Balthazar Federici, chì hè agricultore ?

  • Trasporti : Paul-Marie Bartolii. À ellu di scunfiniscesi a CGT di Marseglia...

  • Office de l'Environnement : Pierre Ghionga

  • Jean-Louis Luciani piglia e finanze, u bugettu, i marcati pùblichi

  • Maria Giudicelli s'occuperà di u PADDUC, l'allogiu, u fundivu, u suciale

  • Infine, l'ADEC (Agence de développement économique de la Corse) casca à un spezialistu mundiale di l'ecunumia, Jean-Jean Zuccarelli

  • Lingua corsa : NIMU

  • Cultura : NIMU

U jackpot hè di siguru per Jean-Jean di Pappà chì passa da u "Service animation" di a meria di Bastia (sapete, hè ellu chì s'occupava di e ghirlande di Natale, u focu d'artifiziu è di a beach party à A Rinella) à u sviluppu ecunomicu di a Corsica. Bella prumuzione !

Ramintemu dinù chì Jean-Jean hè ghjuntu in Bastia in u 2006. Soca nanzu ùn sapia mancu chì a Corsica esistia...

In quant'à a cultura è a lingua corsa, nimu i vulia cù u sport... A dicia Corse-Matin 10 ghjorni fà
: "Reste les offices comme la culture et le sport mais les candidats ne se battraient pas pour les décrocher".

Felicitazione dunque à Zuccarelli è trippa pè a cultura è a lingua corsa.

Ind'i tempi antichi, a cultura, u patrimoniu eranu una primura di i partiti di manca. Per esempiu una prumessa di François Mitterrand in 1981 era chì u bugettu di u ministeriu di a cultura rapresenti 1% di u bugettu di u Statu, cosa fatta in 1984. Ma si passava à u seculu passatu.

L'esecutivu novu s'hè dunque spartutu u biscottu di i "posti impurtanti". Semu felici d'amparà chì per elli a lingua corsa è a cultura ùn ne facenu parte.

u 18 d'Aprile 2010
u webmaestru



1.mandatu da farfalla u 18/04/2010 12:51
ci hè da ride...

2.mandatu da Clintu u 18/04/2010 16:55 (da un teleffuninu)
Da pienghje si...

3.mandatu da estrimei u 18/04/2010 16:56
mi pare chi nimu dubitera di a mio poca passione per stu guvernu di corsica , ma un ' he micca per chi a cultura e a lingua corsa un so ancu ( d'apressu a so ch'aghju pussutu leghje)state attribuite ch'elli un seranu micca pigliati in contu. a mio sperenza chi solli un sianu ghjittati 'nu e sacchette di nepochi di "culturels".
un astru puntu : u figliolu di Milu, ch'o un sapia mancu s'ell'era di stu mondu fin'a dui'anni fà (he vera ch'o un so micca bastiacciu) maneghja a nostra lingua 'ncu assai naturale -l'aghju 'ntesu risponde a e dumande di ghjurnalisti -.
un puntu majò di sta campagna , chi mi pare nimu a rimercatu , he chi u merre di Bastia s'he papaciatu 'ncu a lingua corsa in publicu .
in stu guvernu di a Corsica , mi pare -ma custi un he che a m'eea, a seguita ci dicerà so mi so sbagliatu o nò- chi Maria Guidicelli ha una delegazione chi li cunvenne benissimu pò fà un travaglione.
a mio sperenza he chi l'elletti si sentinu rispunsevulli di i voti ch'elli hanu avutu,.
-vogliu salutà a Corsica Libera chi s'he attaccata a circa e respunsabilità in sta chernavalata di u trenu

4.mandatu da estrimei u 18/04/2010 16:58
un puntu majò di sta campagna , chi mi pare nimu a rimercatu , he chi u merre di Bastia s'he papaciatu 'ncu a lingua corsa in publicu .
un puntu majò di sta campagna , chi mi pare nimu a rimercatu , he chi u merre di Bastia s'he appaciatu 'ncu a lingua corsa in publicu .

5.mandatu da FPCL u 18/04/2010 17:03
L'Odarc deve andà a ghjente nati a mez'à i porci..st'Olivesi hè bella simpatica mà ùn mai muntu nunda nè tumbu altru restu...Ci si volenu tecnichi.., u Wmaestru averà a ragio, B.Federici era megliu, era pastore (Cume tutti quelli di a so famiglia...) e po sà tumbà
( Sopratuttu i "Muntoni Barbareschi" di qui o di Marseglia..) aio torna un avolta l"elites si piglianu tuttu, e po quantu ci nè sarà custi di i Francs-Macs... A sapè..??

6.mandatu da CFR u 18/04/2010 17:08
Hè megliu elli chi pinzutti o portughesi no ???

7.mandatu da estrimei u 18/04/2010 18:34
per contu meiu , un elettu un deve micca esse un spezialistu , ma , in giru a ellu, ci devenu esse prufesiunali di a ctc chi li devenu spieggà e cose.
qualchissia chi un he micca spezialistu capiscerà megliu chi:
- quelli chi allevanu e vacche per vendene a cherne o u latte so agricultori,
- l'astri -quelli di e "prime"- sò scrucconi.

8.mandatu da FPCL u 18/04/2010 18:59
o haroun ùn feranu nunda di più che l'altri..... faranu a so pulitichella....fendu nice di fà pè i corsi...

9.mandatu da CFR u 18/04/2010 20:06
E perchè micca un uffiziu di u "ritornu" pè i corsi spatriati...aio femula finita Eviva a corsica francese...!

10.mandatu da anto u 19/04/2010 14:28
Stu guvernu régiunale mi face pensà a u guvernu di a Francia :qualchi secretariu di statu senza valore cusi u cheffu face cio chi li pare .In quantu a a lingua e a cultura si n'è battenu i cuglioni (per quelli chi nè hannu !)
http://anto.over-blog.org

11.mandatu da CFR u 19/04/2010 17:46
A CTC ghjè u strumentu di a nostra sottumissioni di pettu a u culunialisimu..ancu i naziunalisti pè esse un ghjiornu eletti, saranu ubligati à ùn esse più patriotti, soli Citoyens..
CTC : Corsu Ti Calpighjemu...

12.mandatu da Cumpalliols u 19/04/2010 18:11
Per piacè, fate a curezzione...

Maria Guidicelli, micca Giudicelli.

Grazie


Per u restu, sò propiu d'accunsentu (ma hè veru ch'ellu hè abitualmente più faciule di criticà ch'è di cumplimentà).
http://appuntamentu-corsu.forums-actifs.net/

13.mandatu da estrimei u 19/04/2010 18:55
un so micca d'accunsentu 'ncu so che vo scrivite .
mi pare chi l'elletti un so che....elletti . tocca a u Populu di curalli , di dinunzialli quand'elli svianu

14.mandatu da cqfd u 19/04/2010 22:03
Guidicelli hè una sfurmazione di Giudicelli. u veru nome hè u secondu. verificate.

15.mandatu da Gribauval... u 19/04/2010 23:46
Suzzoni era previstu pè l'Odarc, mà l'affare so andati "in francese" pè a diritta...avà una donna a l'agricultura...ùn si po sapè..!!!

16.mandatu da OBAMO u 20/04/2010 01:16

Certa hè Gattivu segnu chì a cultura è a lingua , cum'è u sport è a ghjuventù ùn appianu "interessatu" nisun cunsiglieru esecutivu!

Ma hè troppu prestu pà saltà à i cunclusioni.

Dumani ci hè a muzioni di Corsica Libera nantu à "l'ufficialità" di a lingua. U tuttu hè di fà veda chì l'affari hè suvitatu.

Vi dumandu una cosa : s'è u populu ùn si n'impipessi com'è di i so vechji calzetti (pà u più, fora di i "militanti"), l'eletti ùn dariani più impurtanza à a lingua???

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city