Era a campagna di e territuriale 2015

A battaglia di e fiure serà più impurtante ch'è a battaglia di i prugrammi ? A campagna di e territuriale principiava nant'à e rete suciale cù u ghjocu di "quellu chì a u più grossu meeting", à colpi di tweets infiarati. À stà à sente i candidati

Pocu affare. S'ellù ùn hè a qualità di l'intervenzioni di i candidati di u FN : aviò in carta, cullane di fiori è euh...

Altra perfurmanza rimarcata : i dissegni di Paul Giacobbi. Quand'ellu s'annoia, u venachese scrivacciuleghja è face i dissegni.

Durante u dibattitu di Via Stella, l'internauti si sò dumandati ciò ch'ellu c'era nant'à u pezzu di carta.

Ch'o sinnò, ci hè stata a dumanda di ciò ch'ellu pigliava Jean Zuccarelli chì circava di difende u so bilanciu ecunomicu.

Sugettu impurtante : l'innu naziunale francese hè statu un elementu impurtante di sta campagna. Per dì à chì puntu s'hè parlatu pocu di i prugrammi...

(rammintemu quantunque chì a sciarpa triculora hè purtata solu da i parlementarii, i merri è i so agiunti)

Ch'osinnò, ci hè statu dinù u Diu vi salvi Regina è... L'Ajaccienne. Ci ne vole per tutti i gusti.

Altru grande mumentu : u famosu stampinu di Lucciana chì chjamava à u "devoir de reconnaissance"

Guasi tutti l'omi pulitichi anu u so fake nant'à Twitter, più o menu riesciuti. Ma durante a campagna u rè hè statu Paulo Jacko. Hè ellu chì animatu da veru st'elezzione cù e so cacciate è e so zingate.

Sì Paul Giacobbi (u veru) avia l'aria di ride di u so doppiu nant'à a rete (hè ancu accadutu di vede lu risponde à u so fake...), i so partigiani parianu appena cuntrariati di a so audienza nant'à Twitter. Si sò messi in capu di truvà qual'ellu era, è li s'hè parsu di truvà u gattivu sughjettu chì si piattava daretu à Paulo Jacko... ma senza successu.

Purtantu, u veru Paulo dinù hà u sensu di a magagna è di a formula...

Altru grande mumentu di a campagna, quandu Jean-François Baccarelli porta u so sustegnu à un candidatu. Ma ùn hè mai bon segnu per ellu.

Bon hè appena mettesi in u filu d'un'altra grande tradizione di losers, ma perchè micca.

Una visita di Marine Le Pen hè l'assicuranza di sente unepoche di cacciate puzziche. A prova :

Pè a prima, ùn ci hè bisognu di fà cummenti.

Pè a segonda, avemu bisognu d'una spiegazione di u "manger français". Manghjà rubbaccia di fast food hè manghjà francese ? È un bruttu figatellu di porcu chinese, chì hè ?

Cumu s'ellu ùn ci n'era abbastanza cusì in a diritta corsa, u RPR nustrale hà avutu a bona idea di fà vene u ghjattu neru Sarkozy. Cum'è spessu, hè dunque venutu à recità a so lezzione di a Corsica francese, di l'attaccamentu à a Francia, di u "j'aime la Corse".

Assai originale, per una volta.

À i naziunalisti li piacenu i sìmbuli. A presentazione di l'unione di e liste Femu a Corsica è Corsica Libera s'hè fatta in Corti, l'ottu di dicembre, davant'à u Palazzu Naziunale, cù e bandere è cù u Diu vi salvi Regina.

L'amichi di u PCF di Bastia averanu appreziatu st'ochjata à u mausuleu di Lenin.

Ma quessa ùn hè piaciuta à Jean Zuccarelli. Quellu chì vulia esse un "rempart contre le nationalisme" à e municipale di Bastia hà vulsutu stà volta pruvà di "faire barrage aux nationalistes" pè e territuriale.

Cù appena di rinculu, si pò pensà chì u capilista di "La garantie républicaine" ùn hè micca veramente statu intesu. Cun 3,1 % di i voti per a so lista è un'eliminazione à u primu giru, hè stata dura. I 52.840 voti pè a lista naziunalista si sò parati u matrale.

Ci sò stati parechji tweets pè rigretà l'assenza di Paul-Félix Benedetti in a prussima assemblea, chì di l'avisu di quantità d'usservatori hè statu bonu in i dibattiti. In cambiu, i candidati di u FN seranu quattru.

Omancu, sapemu chì l'aviò in carta vuleranu in l'assemblea.

Grande mumentu di surrealisimu cù stu stampinu zifratu da François Tatti, chì dice tranquillamente chì "aujourd'hui notre environnement et notre langue sont préservés".

Hè vera, una lingua chì hè studiata da 10% di i liceani solu, chì si sente pocu in carrughju è in i media, chì a so trasmissione tocca 2% di e famiglie (inchiesta di a CTC, aprile 2013) hè una lingua "priservata".

Ùn duvemu micca campà in u listessu mondu.

In fine di contu, i più imbestiati di u risultatu finale sò forse stati i grafisti chì anu fattu e carte di i risultati.

Di regula, a manca hè in rusinu, a diritta in turchinu. Ma chì culore sceglie pè a lista detta "regiunalista" ? Ci n'era per tutti gusti quì dinù.