Eccu l'urna intrappulata di Luri

Quand'ellu si tratta d'elezzioni, e truvemu tutte. Pè e cantunali, un'urna hà pigliatu focu in Luri. Ùn s'era vista indocu, mancu in Iraccu o in Afganistanu...

Accade sempre un miràculu pè l'elezzioni in Corsica. Sta volta, hè stata quella di l'urna capicursina chì hà picciatu, in pienu scrutinu..

Ùn ridite micca, ùn hè micca una magagna ! Da leghje nant'à 24 Ore è Corse-Matin.

Serà u risultatu di e prim radiazioni di Fukushima chì toccanu a Corsica ? Dopu à a fusione di a centrale giappunese, eccu a fusione di l'urna lurese.

Serà un colpu di i militanti di pro-Kadhafi ?

O u gestu addisperatu d'un elettore chì ùn hà micca avutu a so piazza à u Cunsigliu Generale ?

"Les enquêteurs n'excluent aucune piste", dicenu quelli...

u 20 di Marzu 2011

U Sgaiuffu

Accueil

Envoyer à un ami

Version imprimable

1.mandatu da estrimei u 21/03/2011 10:27

per nepochi a demucrazia he periculosa .
avà a dilla franca, u cunsigliu generale he cuncipitu pe a prumuzione di u clanisimu .
forse u novu sistema serà piu democraticu ? ma fin ch'ellu serà pensatu da i manghjoni , si po dibbità !

2.mandatu da heliofobu u 21/03/2011 12:20

Iè, he vera, a demucrazia hè periculosa, chi ghjè a dittatura di i più numerosi (chi sò spessu i più conni...) anant'à l'altri.

3.mandatu da ANTO u 21/03/2011 13:36

@estrimei :so cumpletamente di u stessu avisu cum'ellu dice u pinzutu ,e stesse cose portanu i stessi effeti .Ci vole a falla finita cu tutte ste manghjerie e mette fine a u clanismu chi ghjè a piaga maio di a Corsica

http://www.blog-anto.be

4.mandatu da nuit bleue u 21/03/2011 16:52

Un ci sara ch'i manghjoni capacci di pensà ? u mondu hè fattu cusi, e piu forti si manghjanu i piu debule, e demucrazie so fole inventate per burlà i populi.

5.mandatu da ghjuvan'marcu u 21/03/2011 19:39

Ognonu t'ha u dirittu di sprime u so bottu... euh... u so vottu.

http://andaccianu.over-blog.com

6.mandatu da Purchettu u 21/03/2011 21:19

Hè piuttostu l'urna chi s'hè immolata da u focu pè principià a rivuluzione di l'urne chi sò tantu struffulate.

7.mandatu da SBORGNA u 08/04/2011 13:40

se vo aveti i nutizii pà sapè cume lu si face pà mette focu a u biglietinu ...fate-lu sapè

Novu cumentu :