U sugettu hè ancu passatu à u 20 heures di TF1.
S'hè parlatu prima d'una striscia di 12 (!) chilòmetri di potte marine. Avà, hè u sciffru d'una banda di 30 (!!!) chilòmetri di sta criatura inventata per pizzicà è imbestià u bravu turistu chì si bagna.
V'arricurdate, qualchì annu fà, i spezialisti ci dicianu : "cette année, c'est l'année des méduses !" Cum'è i ghjochi olìmpichi è a cuppa di u mondu, vultavanu tutti i 4 anni. Ma avà, tutti l'anni sò quì, sempre più numerose.
Parenu ancu ridesine di noi. Allora chì l'omi si ciòttanu à u mare impauriti è prudenti, elle a si sciallanu tranquillamente è godenu a calma di u Mediterraniu.
Quist'annu, sò e velelle chì sò tendance : si tratta d'una bella varietà turchina chì stà nant'à l'acqua. A so piccula vela li permette d'esse purtata da i venti.
Attenzione : da ùn micca cunfonde cun e veline di Berlusconi.
Ma l'affare ùn piace à i spezialisti di u turisimu. E municipalità pensanu à investisce in filetti marini stallati à u largu per impedisce l'animalotti di vene à stuzzicà quellu chì si bagna.
E ragiò di a presenza di più in più forte di potte marine ? Forse a timperatura di l'acqua chì scalda, o l'assenza di predattori (i pesci, sopr'à tuttu tonni, troppu piscati da l'omi) ? Ùn si sà.
U fattu si stà chì da Palumbaghja à Centuri, trèmanu i nostri pagliottisti naziunali. È si, in fin di contu, ùn eranu micca e potte marine, e più bone difensore di u liturale corsu ?
S'hè parlatu prima d'una striscia di 12 (!) chilòmetri di potte marine. Avà, hè u sciffru d'una banda di 30 (!!!) chilòmetri di sta criatura inventata per pizzicà è imbestià u bravu turistu chì si bagna.
V'arricurdate, qualchì annu fà, i spezialisti ci dicianu : "cette année, c'est l'année des méduses !" Cum'è i ghjochi olìmpichi è a cuppa di u mondu, vultavanu tutti i 4 anni. Ma avà, tutti l'anni sò quì, sempre più numerose.
Parenu ancu ridesine di noi. Allora chì l'omi si ciòttanu à u mare impauriti è prudenti, elle a si sciallanu tranquillamente è godenu a calma di u Mediterraniu.
Quist'annu, sò e velelle chì sò tendance : si tratta d'una bella varietà turchina chì stà nant'à l'acqua. A so piccula vela li permette d'esse purtata da i venti.
Attenzione : da ùn micca cunfonde cun e veline di Berlusconi.
Ma l'affare ùn piace à i spezialisti di u turisimu. E municipalità pensanu à investisce in filetti marini stallati à u largu per impedisce l'animalotti di vene à stuzzicà quellu chì si bagna.
E ragiò di a presenza di più in più forte di potte marine ? Forse a timperatura di l'acqua chì scalda, o l'assenza di predattori (i pesci, sopr'à tuttu tonni, troppu piscati da l'omi) ? Ùn si sà.
U fattu si stà chì da Palumbaghja à Centuri, trèmanu i nostri pagliottisti naziunali. È si, in fin di contu, ùn eranu micca e potte marine, e più bone difensore di u liturale corsu ?
A Corsica dice à vedeci à Edmond
