In Bastia, ci sò duie cità : Bastia (da Toga à San Ghjisè) à u nordu, è à meziornu i quartieri pupulari (Lupinu, Paese Novu, Montesoru) chì cuncentranu a magiurità di l'abitanti.
Ste duie cità si giranu u spinu. À Bastia u prestigiu di a cità storica, di i munumenti, i belli lochi, i caffè à a moda, i cummerci di lussu, di i palazzi di l'epica ghjenuvese, di e numerose chjese è cappelle di stile baroccu.
À "l'altra" cità u disprezzu : si parla di "lupinaghji", i Bastiacci di u centru ùn vanu mai in Lupinu (ch'elli ùn cunnoscenu micca).
Purtantu Lupinu hà dinù una storia è un passatu ch'ellu saria ora di vede altrimenti. Passatu San Ghjisè c'eranu i giardini chì l'urbanizazione di l'anni 60 hà sguassatu.
Ferma sempre qualchì traccia di stu passatu : quì un fornu à calcina, quallà un'aghja, un palmentu, una casetta, un mulinu, una funtana, una muraglietta in petra... Basta à apre l'ochji.
Ste duie cità si giranu u spinu. À Bastia u prestigiu di a cità storica, di i munumenti, i belli lochi, i caffè à a moda, i cummerci di lussu, di i palazzi di l'epica ghjenuvese, di e numerose chjese è cappelle di stile baroccu.
À "l'altra" cità u disprezzu : si parla di "lupinaghji", i Bastiacci di u centru ùn vanu mai in Lupinu (ch'elli ùn cunnoscenu micca).
Purtantu Lupinu hà dinù una storia è un passatu ch'ellu saria ora di vede altrimenti. Passatu San Ghjisè c'eranu i giardini chì l'urbanizazione di l'anni 60 hà sguassatu.
Ferma sempre qualchì traccia di stu passatu : quì un fornu à calcina, quallà un'aghja, un palmentu, una casetta, un mulinu, una funtana, una muraglietta in petra... Basta à apre l'ochji.
Pezzu di u Plan Terrier
Ma oghje interessemuci à u fiume. Perchè à l'orìgine "Lupinu" era u nome di u fiume chì nasce nant'à e pendite di u Pignu è chì si lampa in mare nant'à ciò si chjama avà u "Front de mer".
Quale sà chì nant'à stu fiume c'eranu nove mulini ?
Sò appena piattati, ma ci sò sempre...
I scalini per andà à un mulinu sott'à A Falcunaghja :
È sì oghje ci hè più cimentu ch'è machja (ben ch'ellu sia sempre u nome di locu di "U Machjò..."), fermanu sempre lochi induve u fiume pare avè tenutu u so aspettu naturale.
Ùn pare micca, ma simu quì in piena cità...
In ste pozze i sgaiuffi bastiacci si ciuttavanu...
D'accordu ci vuleria à puliscelu appena. Ma ùn saria bè di prutege è di mette in valore sti lochi ?
Ci hè un pezzu di Bastia chì s'assumiglia (appena) à a Ristonica.
A sapiate ch'elli si ponu truvà castagni in Bastia ? Si trovanu in Lupinu, vicini di a gara di u Chjichju.
Toccu u mese di ghjugnu, sò intramati è si portanu ancu megliu ch'è quelli di Castagniccia...
Tutti i Bastiacci ùn a sanu micca, ma Bastia hè bella. È in Lupinu ci saria tanti lochi à mette in valore è priservà.
Ferma un travaglione di memoria à fà. Ma hè dinù una quistione di rispettu per quelli chì campanu quì. Saria una bona di rendeli i so lochi, è appena di fiertà.
Aiò chì Lupinu hè bellu !
Ferma un travaglione di memoria à fà. Ma hè dinù una quistione di rispettu per quelli chì campanu quì. Saria una bona di rendeli i so lochi, è appena di fiertà.
Aiò chì Lupinu hè bellu !
Signalateci puru s'elli ci sò sbagli, o precisioni da aghjustà.
S'ella v'interessa...
Publicatu pè a prima volta u 21/03/2017
Aghjurnatu u 25/03/2019
Aghjurnatu u 25/03/2019
Salviata è pani di i morti
