E cardelline vs Tony Montana

In Corsica ùn avemu micca soldi, ma avemu l'idee. In Furiani, dui omi facianu u trafficu di... cardelline.

Ùn hè mancu una magagna è basta à leghje Corse-Matin di u 7 dicembre : Deux voleurs de chardonnerets pris la main dans le sac à Furiani.

Dui fratelli chì anu vulsutu imità à Tony Montana anu avutu l'idea luminosa d'inventà un sistema pè chjappà e cardelline. Un sistema degnu di Mac Gyver : un iPhone in un arburu imitava u fischju di l'acelli pè attiralli. Nant'à e branche avianu messu appena di "Super Glue 3" per chjappà l'ocelli. Pareche cardelline sò state chjappe cusì.

Ci vole à sapè chì st'ocellu prutettu si vende trà 75 è 150 €. Di chè fà un veru business ! Mancu a Brise de Mer ci avia pensatu.

30 anni, fà u gruppu E Cardelline cantava un tube planetariu chjamatu Libertà. V'arricurdate ? Ti vogliu fà una canzunetta... Da vede quì.

Oghje, e cardelline si chjappanu cù un iPhone è un tubu d'incolla pè vende nant'à eBay. Campemu un'epica veramente strana...

u 7 di Dicembre 2011

U Webmaestru

Accueil

Envoyer à un ami

Version imprimable

1.mandatu da ANTO u 07/12/2011 17:57

Postu ch'ellu si parla di E Cardelline salutèmune u creatore Dumè Gambini .

http://blog-anto.be

2.mandatu da Ulongu u 07/12/2011 20:00

Corri corri o zitellina
Corri ùn ti lascià chjappà
Fà cum'è la cardellina
Chì chjosa ùn vole stà... dicia a canzona.
A caca... Simu lecchi.

3.mandatu da mijagavignanica u 08/12/2011 00:19

Povara CORSICA cio che no simu diventati !!!
Mancu piu liberta pè e cardelline !! E tuttu què per fa soldi vergogna di quant'ellu chi nè !!!!
Basgi a Dumè Gambini

4.mandatu da J G u 08/12/2011 06:15

Astru male un ci sia in Corsica nostra

indue si trovanu a comprà sse cardeline ? ne vogliu una pé u mo figliulinu

5.mandatu da Babucciu u 09/12/2011 10:38

s'omu pudia firmà stu paragonu 'cu Tony Monatana/Scarface ad'ogni sughjettu d'attualità, ùn sarebbe troppu male ...

6.mandatu da tempi fà u 09/12/2011 14:15

Forse unepochi seranu stunati ma ind'i tempi era un usu abbastanza spartu di chjappà e cardelline nant'à e ceppe d'insalata (quand'elle sò granate) per mettele in gabbia è per falle cantà (sopratuttu pè i zitelli) ......

7.mandatu da perchè micca u 09/12/2011 23:23

iè ma micca per fanne cummerciu !!!

8.mandatu da J G u 10/12/2011 06:22

Hé megliu a guadagnà a so vita vendendu e cartelline o vendendu a droga chi arruvina i nostri ghjovani ?
Scusatemi , ma hé torna ; " Haro sur le baudet ! "u mondu un n'ha micca scambiatu e fabule di à Fontaine sô sempre d'attualità !
E cardelline sô prudette ma micca i poveri .
Cume di i tempi di Victor Hugo si và in galera per avé arrubatu una mela ! quandu i nostri capi machja chi arruinanu un populu sô prélebati ! ! !
Indignemuci ie , ma ormenu per qualcosa di scandalosu e i scanduli un mancanu
Si ruspetta per una piscia d'ocellu ma quand'elli fallanu i rivochi tuttu u mondu si mette a l'agrottu e : zittu o Pichjô ! ! !

9.mandatu da perchè micca u 10/12/2011 09:57

L'acelli ùn ci sò per nunda ind'a scruccuneria di i pulitichi nemmenu inde u cunsumu di droga, lasciali campà è cerca di batteti per muralizà a vita pulitica è u restu. U rispettu di l'eculugia hè anch'ellu una lotta. Tuttu viaghja à paru.

10.mandatu da J G u 11/12/2011 09:02

A me l'ocelli mi piacenu , li dô ancu a manghjà d'inguernu , e in gabia un ni ci mettu mai ,sô cume Pierre Perret cantu ancu : ouvrez ouvrez la cage aux oiseaux ma di fà di stu sughjettu un affare di statu mi pare appena spropositatu . e pe quessa co mi so indignata a a mo manera .

11.mandatu da BastienUcorsu u 18/12/2011 16:07

Bonu natalu a tuti

12.mandatu da Guy du Corsica u 19/12/2011 06:10

J aime le riz !!!!

Novu cumentu :