A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

Ci vole à salvà u lagu di Melu

Avete circatu di passà una ghjurnata à u lagu di Melu l'estate ? Ci sì conta di più mondu in espadrilles ch'è in Meindl.



Ci vole à salvà u lagu di Melu
A Ristonica hè unu di i più belli lochi di Corsica, è u lagu di Melu unu di i so giuielli. Faciule d'accessu (1 ora di marchja da u parking di E Gruttelle), a so frequentazione cummencia à pone parechji prublemi. L'estate si conta 2 000 persone à ghjornu (l'hà detta Martial Lacroix à Corse-Matin)... ùn saria micca appena troppu ?

Vechji cucchi, animali, turiste in bikini, pumataghji in tongs, criature chì pienghjenu... Certi collanu à u lagu di Melu cum'elli vanu à a Foir'fouille.

À chì ci và pè brunzà, à chì pè manghjà è beie, à chì pè bagnassi, à chì pè ghjucà à ballò...

Purtantu, l'ambiu hè dilicatu assai è ci vole à priservallu. U calpighjime di i visitori hà zuccatu chjassi prufondi in l'erba. È vistu ciò ch'ellu ci passa cum'è ghjente, erba in certi lochi ùn ci n'hè più.

Chì sò e cunsequenze di a frequentazione (degna di Disneyland) di tanta ghjente in un locu di muntagna ? À quandu una vera riflessione nant'à a frequentazione di i lochi turistichi in Corsica ?

u 31 d'Aostu 2011



1.mandatu da Antonino Albertini u 31/08/2011 10:19
Eiu ci so stato, aggiu vistu tanta attenzione pe l'ambiente da parte de li turisti, tutti ripittosi. Eiu stesso so andato su l'erba scalzu , pe un ruinà lu manto erboso.
Certo.. unduve ci so cristiani, c'è sempre inquinamento è distruzione, ma un hè più come na volta!.

2.mandatu da Nemancu Perride u 31/08/2011 10:31
dui pruposte :
1 ghjudalu di e so pesci è empielu di "piranas" è lampà u sangue porcinu
2 campià uni pochi d' "alligators" famiti

3.mandatu da Perquis u 31/08/2011 11:15
Mi ne vogu in sti lochi tutti l'anu ma micca solu d'estate e un possu micca capi qualcosa paghemu tutti i mesi per avè una strada chi cola sinu a E Grutelle e d'inghernu un si po piu culla per via di a strada. E quandu vene l'ora per i turisti di scopre a nostra muntagna a meria di Corti intratene sta strada e paghemu torna e peghju u listessu pressu che i turisti, un capiscu piu?????

4.mandatu da machja u 31/08/2011 11:22
Eiu ci colu tre o quatre volte l'anu e vi possu di che u lagu di Melo e tutt'a Restonica si sgrada di piu in piu.Inde u lagu c' hè piu butiglie di biera, pezzi di carta o di plasticu, mocculi e altri mulizzi che pesci.
I pedi e e mani di i millai di turisti chi colenu e falanu, saltanu d'un scogliu a l'altru, chi si bagnanu e si lavanu ancu u culu, chi piscianu, chi troncanu legni e arburi, chi facenu fughje u salvaticume, mughjenu cume scemi inde su locu maravigliosu, tutti si pumataghji so piu periculosi per a natura, che u focu, o un terramotu.
Ci si vole a sarà a strada per e vitture in Corti e misurà u passaghju per quelli chi stanu u longu di u fiume.
Dopu "l'inamurati di a natura" culeranu a pedi e ci sara, ne so sicuru, assai menu mondu per imbrutà su locu frollu

5.mandatu da U Palatinu u 31/08/2011 11:57
Ùn sò micca sicuru ch'ella sia fisicamente pussibile di culà fin'à u lacu di u Melu in espadrille o tong (ma ùn contate micca nant'à mè per fà a sperienza per pruvà chì aghju a raghjone), almenu d'esse cappiatu culà cun elicotteru.

Puru, ùn scambia nunda à u prublemu.
Cio chì si puderia fà, è ch'ùn deve micca esse troppu difficiule, è in tutti i casi, menu difficiule ch'e per u bor di mare, hè di fà crede ch'e l'acque di u lacu di Melu sò infestate d'una malatia cuntagiosa (a pesta o u culerà puderianu viaghjà assai bè). È cusì, ci seria una scusa per chjode u caminu, è più nimu ùn culeria quassù.
Seria un idea interessante, è pò viaghjà parechj'anni. U tempu di truvà un altra suluzione.
Cosa ne pinsate ?
http://appuntamentu-corsu.forums-actifs.net

6.mandatu da L'indianu u 31/08/2011 13:18 (da un teleffuninu)
Cullate cù un saccu di stacchete è suminate

7.mandatu da ANTO u 31/08/2011 13:33
E tutti sti cacati a rembu a strada ,vi rendite contu 2000 persone a 200 grami pè testa ,quantu chilo di merda pè mèsè ?
http://blog-anto.be

8.mandatu da U Palatinu u 31/08/2011 14:05
U peghju hè probabilmente u lacu di Crenu, assai più bruttu, chì ancu certi volenu chjode da veru per salvàllu.
http://cumpalliols-in-corsu.over-blog.com

9.mandatu da U Palatinu u 31/08/2011 14:06
Analise scentifiche anu ancu trovu larve di Chaoborus in u lacu di Crenu, bestie indicatricce di gattive qualità di l'acque, ch'ùn si trovanu in nisun altru locu in Corsica !!
http://cumpalliols-in-corsu.over-blog.com

10.mandatu da machja u 31/08/2011 14:34
Un avemu bisognu di scusi per chjode a strada, a muntagna corsa hè u nostru patrimoniu, ghje cio ch'avemu di piu caru e a u seculu di l'eculugia hè un scandalu di vede affare simile.
Nanzu per culà a u Melo pigliavamu una ghjurnata sana, oghje, un colpu di vittura, dopu una spassighjata d'un ora e si po cagà in lu Crenu.
E u peghju hè chi ci trovera sempre qualchi corsi per difende u turisimu e vende duie o tre casgii mersi a iss'invadori.

11.mandatu da machja u 31/08/2011 15:34
di scuse..

12.mandatu da a u parcu righjunale u 31/08/2011 15:36
sogu abbambannatu per cio chi'aghju lettu :a chi serva u parcu?
u presidente ci po di cio ch'ellu face? per lutta contra u mullizzu?e contra l'invasione turistica?
u turisimu he a morte di a corsica



13.mandatu da machja u 31/08/2011 16:14
U parcu ? serve a tuca e subvenzione !!!!
Ch"llu li ghjunghji a "turista" a u presidente

14.mandatu da SANTUCCI u 31/08/2011 17:15
Salute a tutti.
Aghju un amicu chi mi face ride perchè dice sempre: "on n'est pas équipé en Corse pour recevoir tous ces gens". a raggio, una soluziune sarebbe di fa pagà a cullada di Melu per esempiu per priserva a nostra natura.
Di tutta manera in Francia si paga tuttu, anchè per anda à piscià. A ghjente è abituata cusi.

A prestu.

15.mandatu da machja u 31/08/2011 18:54
Un hè mica un prublema d'equipaggiamentu, a natura, i lagi ,a muntagna, u GR 20 o altri scimughjine, un po suppurtà u passaghju di 2000 parsoni ogni ghjorni, ancu s'elli facenu pianu, so cume Attila induv'elli passanu l'arba un crescera piu.
Inno! ancu s'elli paganu un hanu u dirittu di stirpà u nostru paese, u Melu, u Crenu tutti i lagi di a creazione i pudenu vede in "video", un hanu bisognu di vene a cagà dentru.

16.mandatu da Tinelu u 31/08/2011 21:35 (da un teleffuninu)
Eu voglie fà sape qualcosa a tutti
Prima
Feremu bè Di fa dinu attenzione a i nostri lochi noi perche in' inguernu quale so sta ghjente chi lampa e mulizzi in natura chi lampanu e vitture in lancone chi piglianu i ""local poubelle "" Pè tallone accant'a vostra casa o sottu vostru battimenti ci so sempre ùn "monticule " Di merda , machine a lavà , mobili canapé cartoni alora prima fade u pulitu voi e dopu fighjeremu

17.mandatu da Tinelu u 31/08/2011 21:35 (da un teleffuninu)
Eu voglie fà sape qualcosa a tutti
Prima
Feremu bè Di fa dinu attenzione a i nostri lochi noi perche in'' inguernu quale so sta ghjente chi lampa e mulizzi in natura chi lampanu e vitture in lancone chi piglianu i ""local poubelle "" Pè tallone accant''a vostra casa o sottu vostru battimenti ci so sempre ùn "monticule " Di merda , machine a lavà , mobili canapé cartoni alora prima fade u pulitu voi e dopu fighjeremu

18.mandatu da U ghjudice u 01/09/2011 07:58
Aghju a suluzione, quist''annu chì vene quand''elli sò tutti quassù, cappiemu à Anders, ellu sì chì l''hà da caccià u laziu.

19.mandatu da ghjustizia u 03/09/2011 13:56
a chi ghjova u mere s'ellu un hé capace di piglià a decisione necessaria pe a Restonica e u lagu di u Melu ? ? ? . A nostra corsica hé bella tuttu u mondu a deve rispettà noi i primi e l'asti ci vole a canalizali e a diregeli applichendu e regule e,mettendu emmende soppra a piazza . quand'omu vole ci si ghjunghje .ma c'hé troppu lascia corre ! ! ! ............

20.mandatu da pumataghju u 04/09/2011 06:12
eo so un pumadaghju dipoi sempre chellu sia a u lagu di u melu di cappittellu di gloria o di u ninu ci so sempre culladu incu a sachetta piena a a cullada e incu u saccu di pubella pienu a a falada un haghju mica 20 euri a paga per anda a bagnami , ma u mio amore pe a corsica m'interdisce di cacà in u spazzadu e u pumataghju co so vi dice MERDA !

21.mandatu da grossu panzutu u 05/09/2011 16:43
Eo di ferraghju quandu collu ùn vegu a nimu! Per contra l'ultima volta di ghjughju scorsu mi so pagatu 5euro di parking pe culla in famiglia: incu a mo vittura 2b e aduprendu a lingua nustrale! Felicitazione i corsi so trattati cume pumadaghji: la loi est la meme pour tous! Rendez nous la Restonica!!

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city