A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

Ci vole à salvà i cercles de jeux

I cìrculi di ghjochi (in corsu ci vulerebbe à dì "i zercles de jeux") sò in periculu. A ripressione pulizzera minaccia sti lochi di riescita suciale è intellettuale corsa.



Ci vole à salvà i cercles de jeux
S'ampara oghje in Corse-Matin chì quattru persone sò state messe in esame in u mezu di i cìrculi di ghjochi parigini.

Pare chì parechji corsi (vicini di a Brise de Mer è di ciò ch'ellu si chjama "a banda di Casinca") sò messi in causa da a ghjustizia per avè fattu pressione nant'à i pruprietarii d'un cìrculu di ghjochi.

Dopu à u "zercle" Hausmann, tocca à u Wagram di chjode e so porte. È ùn parlemu mancu di e cumbrìncule di u poveru cìrculu Concorde.

In i tempi di i tempi, tutti i "zercles" di Parigi eranu tenuti da Corsi. Fà u croupier (o circulaiu) era segnu d'ascensione suciale. Ogni regione avia a so filera. À chì facia u croupier in u cìrculu tenutu da Taravesi, à chì pigliava i colpi in u cìrculu tenutu da Niulinchi, à chì purtava a pistola in quellu tenutu da Calzaninchi...

Beatu tempu quandu i Corsi eranu "in piazza" in a capitale. Oghje, a JIRS hà ghjuratu a fine di u mezu corsu è piazze ùn ci n'hè più pè i croupiers corsi in Parigi.

S'elli ci caccianu ancu quessa, chì serà l'avvene pè a nostra giuventù ? Ci vulerà ancu à fà i studii è à travaglià per vince a so vita ? Semu male...

u 14 di Ghjugnu 2011



1.mandatu da veritas u 14/06/2011 17:13
Pover'a noi. Allora chi u sapè , a cultura, l'amparera, u travagliu , i studii, u sforzu duverianu esse e VIRTU SUPRANE per noi tutti , invece ne simu sempre a parlà di ste ghjente qui, forti per e cumbriccule, l'affari strani, u ghjocu, a merdaaa siiiii!!!!!!!!!

2.mandatu da Sette Bellu . u 14/06/2011 19:24
Quale hè chi i piglierà sti stabilimenti s'elli i caccianu à i corsi, e perchè ??

3.mandatu da Ghjuvan'Marcu u 15/06/2011 08:53
Cum'ellu dice u francese : "les jeux sont faits; rien ne va plus !"
http://andaccianu.over-blog.com

4.mandatu da Taravesi u 15/06/2011 09:20
Indè certi settori simu sempre bè piazzati, alora chi vuleti ch'elli ci mettinu fora ?, S'ellu s'aspetta avà à i naziunalisti pè fassi rispetà ancu qui in corsicansemi freschi !!!

5.mandatu da Casà u 15/06/2011 10:36
almenu, ci firmava quessa.... i "cercles" in Parigi e in Africa induve s'andava à passà qualchi stagione

i maffiosi corsi so in traccia di perde u terrenu (cf "un prophète" d'audiard) è d'altre maffie piglianu a suprana (russii, albanesi, georgiani, paesi di l'est, quelli di e banlieue di u 93...)

ùn simu piu forti cume nanzu... ma un so micca siguru ch'ellu sia un bè per a Corsica

6.mandatu da nuit bleue u 15/06/2011 10:48
O Casà, parlendu di sta manera date raggio a tutti qu'lli chi ci criticanu, vint'anni fà eramu fieri d'esse corsu, oghje certe volte mi vene a vargogna.

7.mandatu da MACCU u 15/06/2011 11:33
UN vi frasturnaté purru o quedda gjienté !!! i corsi truveranu sempre a accumudassi a sa situazzioné.I maffiosi truveranu a rivultassi hé ancu a fà di megliu.Daltrondé ,per l'impigati di si circuli di gjiocchi parigini,a situazzioné un n'hé tantta famosa.Qualchi unu pudera sempre a fassi impiga a i spingni focchi (les pompiers) in corsica in paesi soi,o ancu a fassi uné pocché di vacciné hé di vittédi a alliva.Cuntineveranu cusi a fa i so affari hé a vadagna u so pezzu di pané per campa bé ....

8.mandatu da Taravesi u 16/06/2011 11:08
Perdimu pusizioni in francia mà dinù in Corsica, sarà u "Crespuscule des corse" in veru.
A quelli chi so fieri (o ùn so più fieri) dicu chi omu deve accità i difetti di quelli di u so "razzinu" è u difettu di difende i so affari e i so interressi (ancu di manera viulente) mi pare à mè pusitivu, quandu un populu decice di difende i so diritti è a Terra soia si chjama tandu Naziunalismu è rivoluzuone.....spiritu ribellu no ?

9.mandatu da casinu u 16/06/2011 15:37
Difendenu i so intaressi parsunali tumbendu i prima i corsi. Cù a vulintà di fà i servi à quelli chì i supraneghjanu (I Rè, i Ministri, i prisidenti, i capi di a pulizza,i generali...).

A sorte d'un servu quand'ellu ùn serve più hè d'esse mandatu via, cum'è un andaccianu.

Forse ci sarà rivolta inde sti cumpurtamenti, forse vulintà di "putenza" (micca assumigliassi à tutte "ste pecure" chì si pesanu a mane per andà à travaglià), forse ancu "stintu di morte" chì li dice di campà è di gode a vita ancu per lascià a ruvina daretu à sè.

I corsi chì sò stati sgaiuffi sò sempre stati à u serviziu di u putere (quale ellu sia).
In Parighji ci sò chì anu prugetti di CASINO chì ùn ponu parmette di lascià campà "i cercle". Forse ci sarà calchì corsu intarissatu addaretu ?

10.mandatu da BlackJack... u 16/06/2011 22:07
Unu di sti "Cerchji" si chjama u "Cadet"(Ex Concorde) si trova Rue Cadet vicinissimu à u "Grand Orient de France"..... E mafie stanu sempre vicine mi pare, cusi puderanu ragiunà di l'avvene di a corsica....

11.mandatu da ANTO u 17/06/2011 05:32
In memoria di G D Fratoni .....!
http://blog-anto.be

12.mandatu da a mosca di u cosciu u 17/06/2011 13:01
o BlaccuGiaccu in corsu quandu si parla di ghjocu si tratta di "circuli" e micca di "chjerchji" !!!

13.mandatu da BlackJack... u 17/06/2011 18:42
Sè tù a dici o Mosca.....Hè vera chi ghjera un veru "circulu" st'ultimi tempi....

14.mandatu da scerloccu u 18/06/2011 13:15
ùn vecu micca ciò ch'ellu vole dì blackjack.? spiegaci chì sentu ch'è tù ai un puttachju à cappiacci.

15.mandatu da BlackJack... u 19/06/2011 14:11
@ Scerloccu. Puttaghju ?? No !! Leghji puru (bè) a stampa francese...

16.mandatu da Taravesi u 20/06/2011 14:59
à Casinu : Si difendenu è ghjè un affarone no ?? Di tutte manere simu tuuti i servi di sti cappizzoni, tandu ùn sarà megliu d'avè per sè , per a so famiglia e stacche piene di soldi....
u Putere chi tu dice (sarà u francese ?) nè tene numerosi servi indè e so mane, di più in più, ancu quelli chi dicenu vulelu cumbatte.....l'affari di pulitica oghje (mà dino dumane) chi si mette in piazza in corsica nè a cunsequenza.

Pè ch'ellu si possi fà affari in corsica (Turisimu e BTP) ùn ci vole più nè FLNC (Ghjè fatta) nè sgaiuffi (Si face pian- pianinu dipoi una decina d'anni..) nè populu corsu storicu (Si farà di qui a pocu) . Mori pè mori lasciemu quelli chi a ponu fà lascià "affari" à a so discendenza......chi bisognu ci ne sarà.....

17.mandatu da Mani brutte u 23/06/2011 09:53
"Alanu u Beddu", sarà , credu, u novu Patriniu di i Corsi ?!

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city